Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ଲକ୍ ଡାଉନ୍ ଯୋଗୁଁ ବର୍ଷକର ପୁଅର ଅନ୍ତିମ ସଂସ୍କାରରେ ସାମିଲ ହୋଇପାରିଲେନି ସୀମାରେ ମୁତୟନ ହାବିଲଦାର ବାପା, ଭିଡିଓ କଲ୍‌ରେ କଲେ ଶେଷ ଦର୍ଶନ

30/03/2020 at 10:33 AM

ଦନ୍ତେଓ୍ବାଡା ୩୦।୩: କରୋନା ଏବଂ ଲକ୍ ଡାଉନ୍ ଭିତରେ ଜଣେ ବାପା ଏତେ ଅସହାୟ ହୋଇପଡିଲେ ଯେ ସେ ତାଙ୍କ ପୁଅର ଅନ୍ତିମ ଦର୍ଶନରେ ମଧ୍ୟ ଯୋଗଦେଇ ପାରିଲେନାହିଁ । ଭିଡିଓ କଲ୍ କରି ଶେଷ ଥର ପାଇଁ ପୁଅକୁ ଦର୍ଶନ କଲେ । କାନ୍ଦି କାନ୍ଦି କହିଲେ, ମୁଁ ତୋତେ ବହୁତ ଭଲପାଏ, ମୁଁ ଦୁଃଖିତ । ମୁଁ ତୋତେ ଦେଖା କରିବାକୁ ଆସିପାରିଲି ନାହିଁ । ଏହି ଦୃଶ୍ୟ ଦେଖି ସେଠାରେ ଉପସ୍ଥିତ ଥିବା ସମସ୍ତଙ୍କ ଆଖିରେ ଲୁହ ଆସିଗଲା ।

ଛତିଶଗଡ ଦନ୍ତେଓ୍ବାଡା ଘୋଟପାଲ ଗାଁର ବାସିନ୍ଦା ହେଉଛନ୍ତି ରାଜକୁମାର ନେତାମ । ସେ ଏସଏସବିରେ ହାବିଲଦାର ଭାବେ କାର୍ଯ୍ୟରତ ଅଛନ୍ତି । ସେ ବର୍ତ୍ତମାନ ନେପାଳ ସୀମାରେ ମୁତୟନ ଅଛନ୍ତି । ରାଜକୁମାର ତାଙ୍କ ପରିବାରଠାରୁ ୧୪ ବର୍ଷ ହେଲା ଦୂରରେ ରହି ଦେଶ ସେବା କରିଆସୁଛନ୍ତି । ତାଙ୍କର ଦୁଇଟି ଝିଅ ଏବଂ ଗୋଟିଏ ପୁଅ ଆଦିତ୍ୟ (୧ ବର୍ଷ) ଥିଲେ । ଆଦିତ୍ୟ କିଛି ମାସ ଧରି ଟ୍ୟୁମର ରୋଗରେ ପୀଡିତ ଥିଲେ । ଜାନୁଆରୀ ମାସରେ ପୁଅର ଚିକିତ୍ସା କରିବାକୁ ରାଜକୁମାର ଘୋଟପାଲ ଆସିଥିଲେ । ପୁଅକୁ ନେଇ ସେ ହାଇଦ୍ରାବାଦ ମଧ୍ୟ ଯାଇଥିଲେ । ଆଦିତ୍ୟ ସୁସ୍ଥ ହୋଇଥିଲେ ।
କିନ୍ତୁ ବୁଧବାର ହଠାତ୍ ତାଙ୍କ ଦେହ ଖରାପ ହୋଇଥିଲା । ପରିବାର ଲୋକେ ତାଙ୍କୁ ଜିଲ୍ଲା ଡାକ୍ତରଖାନାକୁ ନେଇଥିଲେ ଏବଂ ସେଠାରେ ଗୁରୁବାର ତାଙ୍କର ମୃତ୍ୟୁ ହୋଇଥିଲା । ଯେତେବେଳେ ରାଜକୁମାର ପୁଅର ଅସୁସ୍ଥ ହେବା ଖବର ଶୁଣିଲେ ସେ ଘରକୁ ଆସିବାକୁ ଚେଷ୍ଟା କରିଥିଲେ । କିନ୍ତୁ ଲକ୍ ଡାଉନ୍ ଯୋଗୁଁ ଏହା ସମ୍ଭବ ହୋଇପାରିଲାନାହିଁ । ପରଦିନ ସେ ଆଦିତ୍ୟଙ୍କ ମୃତ୍ୟୁ ଖବର ପାଇଲେ ।

ହାବିଲଦାର ରାଜକୁମାର ପୁଅକୁ ଶେଷ ଥର ପାଇଁ ଭିଡିଓ କଲ କରି ଦେଖିଥିଲେ । ଶେଷ ଥର ପାଇଁ ପୁଅକୁ ପାଖରୁ ଦେଖିପାରିଲି ନାହିଁ । ଦେଶର ସେବା ଏବଂ ସୁରକ୍ଷା ତାଙ୍କର ପ୍ରଥମ କର୍ତ୍ତବ୍ୟ ବୋଲି ସେ କହିଥିଲେ ।
ପୁଅର ମୃତ୍ୟୁ ଖବର ପାଇ ଉପରିସ୍ଥ ଅଧିକାରୀମାନଙ୍କୁ ଜଣାଇଥିଲେ । ସେ କିପରି ପୁଅର ଅନ୍ତିମ ସଂସ୍କାରରେ ଯୋଗଦେଇପାରିବେ ସେଥିପାଇଁ ସମସ୍ତେ ଚେଷ୍ଟା କରିଥିଲେ । କିନ୍ତୁ ଲକ୍ ଡାଉନ୍ ହେତୁ ତାହା ସମ୍ଭବ ହୋଇପାରିନଥିଲା । ଫଳରେ ସେ ବାଧ୍ୟ ହୋଇ ଭିଡିଓ କଲ୍ କରି ପୁଅର ଶେଷ ଦର୍ଶନ କରିଥିଲେ ।

   Related Posts