ସୋର୨୨|୧୦: ବାଲେଶ୍ବର ଜିଲ୍ଲା ସୋର ଡାକ୍ତରଖାନାରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଡ଼ାକ୍ତରଙ୍କ ଅବହେଳା ଯୋଗୁ ବ୍ୟବଚ୍ଛେଦ ପାଇଁ ଆସିଥିବା ଶବ ଦୀର୍ଘ ଦୁଇ ଦିନ ହେଲା ମେଡିକାଲରେ ପଡିରହିଛି ।

ସୂଚନା ଅନୁସାରେ, ବାହାନଗା ବ୍ଲକ ଡିଆଁପାଲି ଗ୍ରାମର ଜ୍ଞାନ ରଞ୍ଜନ ନାୟଙ୍କକ ପତ୍ନୀ କୌଶଲ୍ୟାଙ୍କୁ ଗତ ରବିବାର ବିଳମ୍ବିତ ରାତିରେ ସାପ କାମୁଡିବାରୁ ତାଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା ।  ତେବେ ସେଠାରେ ତାଙ୍କର ମୃତ୍ୟୁ ହୋଇଥିଲା ।

ଦୀର୍ଘ ଦୁଇ ଦିନ ବିତି ଯାଇଥିଲେ ମଧ୍ୟ ଏପର୍ଯ୍ୟନ୍ତ ଶବ ବ୍ୟବଛେଦ ହୋଇପାରି ନାହିଁ ।  ବାରମ୍ବାର ଏଭଳି ଅନିୟମିତତା ମେଡିକାଲରେ ଦେଖିବାକୁ ମିଳୁଛି । ଏନେଇ ପରିବାର ଲୋକ ଅସନ୍ତୋଷ ପ୍ରକାଶ କରିଛନ୍ତି ।