ଫୁଲବାଣୀ, ୦୧/୧୨: ସାନଭାଇକୁ ନେଇ ସାଇକଲରେ ନେଇ ଯାଉଥିବା ବେଳେ ଦୁର୍ଘଟଣା ଘଟିବାରୁ ଜଣେ ନାବାଳକର ମୃତ୍ୟୁ ହୋଇଛି । ସୂଚନା ଅନୁଯାୟୀ, ଫୁଲବାଣୀର ପ୍ରଶାନ୍ତ ମହାପାତ୍ରଙ୍କ ଦୁଇ ପୁଅ ଓମ ପ୍ରକାଶ ଓ ସାଇପ୍ରକାଶ ସ୍ଥାନୀୟ ନାରାୟଣୀ ରୋଡ ଘାଟି ଗଡୁଥିବା ବେଳେ ସାଇକେଲର ବ୍ରେକ ଫେଲ୍ ହୋଇଯିବାରୁ ତଳେ ପଡି ଯାଇଥିଲେ । ବଡଭାଇ ଓମପ୍ରକାଶ ଗୁରୁତର ହେବାରୁ ଫୁଲବାଣୀ ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାର ମୃତ୍ୟୁ ହୋଇଥିଲା । ସାନ ଭାଇ ସାଇ ପ୍ରକାଶ ମହାପାତ୍ର ମଧ୍ୟ ଏହି ଦୁର୍ଘଟଣାରେ ଆହତ ହୋଇଛନ୍ତି । ଓମ ପ୍ରକାଶ ଫୁଲବାଣୀ ଶିଶୁ ମନ୍ଦିରରେ ଅଷ୍ଟମ ଶ୍ରେଣୀରେ ପଢୁଥିଲେ । ଏହି ଘଟଣା ଫୁଲବାଣୀ ସହରରେ ଶୋକର ଛାୟା ଖେଳାଇଦେଇଛି ।
ସାଂସଦ ସୁରେଶ ପୂଜାରୀଙ୍କ ଅଫିସ ସମ୍ମୁଖରେ ଖସିଲା ଡ୍ରୋ...