ପଟିଆଲା୨୦/୨:ବୁଧବାର ବିଳମ୍ବିତ ରାତିରେ ଏକ ଅଭାବନୀୟ ଘଟଣା ଘଟିଛି। ଅଜଣା ଦୃର୍ବୃତ୍ତଙ୍କ ଗୁଳିରେ ୨ ଜଣ ପୂର୍ବତନ ହକି ଖେଳାଳୀଙ୍କ ମୃତ୍ୟୁ ହୋଇଛି। ରାତିରେ କିଛି ଅଜଣା ଦୁର୍ବୃତ୍ତମାନେ ଆସି ପ୍ରତାପନଗରୀ ଅଞ୍ଚଳରେ ୨ ଜଣ ହକି ଖେଳାଳିଙ୍କୁ ଗୁଳି କରି ହତ୍ୟା କରିଛନ୍ତି। ମୃତକ ହେଲେ ଅମ୍ରିକ ସିଂହ ଓ ସୀମ୍ରଞ୍ଜିତ ସିଂହ। ଏହି ଦୁଇଜଣଙ୍କ ମଧ୍ୟରୁ ଅମ୍ରିକ ୨୦୦୩-୦୪ ମସିହାରେ ପଞ୍ଜାବ ଇଲେକ୍ଟ୍ରିସିଟି ବୋର୍ଡ ପକ୍ଷରୁ ହକି ଖେଳିଥିଲେ।
ଏହି ଘଟଣାରେ ସ୍ଥାନୀୟ ଅଞ୍ଚଳରେ ଏକ ଆଲୋଡ଼ନ ସୃଷ୍ଟି ହୋଇଛି। ଖବର ପାଇବା ପରେ ପୋଲିସ ଘଟଣା ସ୍ଥଳରେ ପହଞ୍ଚିଥିଲା। ଏଥିସହ ୨ ମୃତ ଦେହକୁ ରାଜେନ୍ଦ୍ର ହସ୍ପିଟାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ହତ୍ୟାରେ ସଂପୃକ୍ତ ଦୁର୍ବୃତ୍ତମାନଙ୍କ ସଂପର୍କରେ କିଛି ଜଣା ପଡି ନାହିଁ। କେଉଁ କାରଣରୁ ଦୁଇଜଣଙ୍କୁ ହତ୍ୟା କରାଗଲା ତାହାର ଠୋସ୍ ପ୍ରମାଣ ମଧ୍ୟ ମିଳି ନାହିଁ।