Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ମଦ ନିଶାରେ ୮୬ ବର୍ଷ ବୟସ୍କା ମା’ ସହ ଦୁଷ୍କର୍ମ କଲା ସଇତାନ ପୁଅ

13/02/2019 at 5:52 PM

କୃଷ୍ଣା ୧୩/୨ : ଆନ୍ଧ୍ର ପ୍ରଦେଶର କୃଷ୍ନା ଜିଲ୍ଲାରୁ ଆସିଛି ଏକ ନିହାତି ଲଜ୍ଜାଜନକ ଖବର | ଏକ ସୈତାନ ପୁଅ ନିଶାସକ୍ତ ଅବସ୍ଥାରେ ନିଜର ୮୬ ବର୍ଷ ବୟସ୍କା ମା’ ସହ ଦୁଷ୍କର୍ମ କରିଛି | ଘଟଣା ଅକୁନୁରୁ ଗାଁର | ଅଭିଯୁକ୍ତ ଜଣେ ଟ୍ରକ ଡ୍ରାଇଭର | ଅଭିଯୁକ୍ତ ପୁଅର ବୟସ ୪୮ ବର୍ଷ | ଘଟଣା ଦିନ କାମରୁ ଫେରିବାବେଳେ ଅଭିଯୁକ୍ତ ଅତ୍ୟଧିକ ମଦ୍ୟପାନ କରିଥିଲା | ଘରେ ଆଉ କେହି ନଥିଲେ | ରୋଗୀଣା ମା’ ଶେଜରେ ଶୋଇଥିଲେ | ଅଭିଯୁକ୍ତ ପୁଅ ନିଶାସକ୍ତ ଅବସ୍ଥାରେ ଆସି ମା’ସହ ଦୁଷ୍କର୍ମ କରିଥିଲା | ପୀଡିତା ଶାରୀରିକ ଭାବେ ଦୁର୍ବଳ ଥିବାରୁ ବିରୋଧ କରିପାରିନଥିଲେ ଏବଂ ଶେଜରେ ହିଁ ପଡିରହିଥିଲେ |


ମହିଳା କଷ୍ଟରେ ଚିତ୍କାର କରିଥିଲେ | ମହିଳାଙ୍କ ପାଟି ଶୁଣି ପଡୋଶୀ ମହିଳାଙ୍କ ଘରକୁ ଆସିଥିଲେ | ମହିଳାଙ୍କୁ ପଚରାଇବାରୁ ସେ ସମସ୍ତ ଘଟଣା ପଡୋଶୀଙ୍କୁ କହିଥିଲେ | ଏହାପରେ ଜଣେ ସାମାଜିକ କର୍ମୀଙ୍କ ସହାୟତାରେ ଅଭିଯୁକ୍ତ ବିରୋଧରେ ମାମଲା ରୁଜ୍ଜୁ କରାଯାଇଥିଲା | ଘଟଣା ପରେ ଅଭିଯୁକ୍ତ ଫେରାର ହୋଇଯାଇଛି |


ସୂଚନାଯୋଗ୍ୟ ଯେ, ଘଟଣାରେ ଦୁଇ ଦିନ ପୂର୍ବରୁ ଅଭିଯୁକ୍ତ ମା’ ସହ ଝଗଡା କରିଥିଲା | ମା’ ସହ ଝଗଡା ହେବାପରେ ଅଭିଯୁକ୍ତ ଓଡିଶା ଚାଲିଯାଇଥିଲା | ସେଠାରୁ ଫେରିବା ପରେ ମଦ ପିଇ ରାତିରେ ଘରକୁ ଆସିଥିଲା | ଅଭିଯୁକ୍ତ ବିବାହିତ ଏବଂ ତାର ଦୁଇଟି ସନ୍ତାନ ଅଛନ୍ତି | ଘଟଣା ଦିନ ଘରେ କେହି ନଥିଲେ | ପୋଲିସ ମହିଳାଙ୍କ ବୟାନ ରେକର୍ଡ କରିଛି | ମହିଳାଙ୍କ ଡକ୍ଟରାଇ ମଇନା ମଧ୍ୟ କରାଯାଇଥିଲା | ମହିଳାଙ୍କ ସହ ଦୁଷ୍କର୍ମ ହୋଇଥିବା ରିପୋର୍ଟରେ ସ୍ପଷ୍ଟ ହୋଇଥିଲା | ପୋଲିସ ଅଭିଯୁକ୍ତକୁ ଖୋଜୁଛି |

   Related Posts