Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||
  • କଟକ : କୁମ୍ଭମେଳା ଫେରନ୍ତା ୧୩ଜଣ କରୋନା ପଜିଟିଭ୍, ରେଳ ଯାତ୍ରୀଙ୍କ ରିପୋର୍ଟ ଯାଞ୍ଚ କଡାକଡି
  • ||
  • ଆଠମଲ୍ଲିକ : ଜଳ ପ୍ରକଳ୍ପ ସ୍ଥାନାନ୍ତର ପ୍ରତିବାଦ, ଉପଜିଲ୍ଲାପାଳ ଅଫିସ ସମ୍ମୁଖରେ ଗ୍ରାମବାସୀଙ୍କ ବିକ୍ଷୋଭ ପ୍ରଦର୍ଶନ
  • ||
  • ପୁରୀ : ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||
  • ମାଲକାନଗିରି : ପୋଲିସ-ନକ୍ସଲ ଗୁଳିବିନମୟ : ଜଣେ ନିହତ, ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର
  • ||
  • ତେଲକୋଇ : ମହୁଲ ବୋଝେଇ ମିନିଟ୍ରକ୍ ଜବତ, ଜଣେ ଅଟକ
  • ||
  • ସ୍ବଳ୍ପ ସଂଖ୍ୟକ ବ୍ୟକ୍ତିଙ୍କୁ ନେଇ ହେବ ପୁରୀର ପ୍ରସିଦ୍ଧ ସାହିଯାତ, କୋଭିଡ୍ କଟକଣା ଉପରେ ରହିବ ନଜର
  • ||

ମଦ ପିଇ ସ୍ତ୍ରୀ ଦେହରେ କିରୋସିନି ଢାଳି ନିଆଁ ଲଗାଇଲା ସ୍ୱାମୀ, ଗ୍ୟାସ୍‌ ଲିକ୍‌ରୁ ଉଭୟ ଗୁରୁତର

3/03/2021 at 8:38 PM

ଆଠଗଡ, ୦୩/୦୩: ଘରୋଇ କଳିକୁ ନେଇ ସ୍ୱାମୀ ତାର ସ୍ତ୍ରୀ ଦେହରେ କିରୋସିନି ଢାଳି ମାରିବାକୁ ଉଦ୍ୟମ ସମୟରେ ନିଆଁ ଲାଗିଯିବାରୁ ଉଭୟ ସ୍ୱାମୀ-ସ୍ତ୍ରୀ ଗୁରୁତର ହୋଇଥିବା ସୂଚନା ମିଳିଛି । ଏଭଳି ଏକ ଅଭାବନୀୟ ଘଟଣା ଆଠଗଡ ଥାନା ଅନ୍ତର୍ଗତ ଜେନାପଦା ପଞ୍ଚାୟତ କଲରାଗଡ ଶବରସାହିରେ ଦେଖିବାକୁ ମିଳିଛି ।

ଘଟଣା ଅନୁସାରେ, ବୁଧବାର ଅପରାହ୍ନ ୪ଟା ସମୟରେ ସ୍ୱାମୀ ବିଚିତ୍ରା ଦିଶୋରି କାମସାରି ଘରକୁ ଫେରିଥିଲେ । ସ୍ତ୍ରୀ ସୁଜତା ଦେହୁରୀକୁ ଖାଇବାକୁ ମାଗିବା ସମୟରେ ସ୍ୱାମୀ- ସ୍ତ୍ରୀ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ସ୍ୱାମୀ ବିଚିତ୍ରା ଦିଶୋରି ଘରେ ଥିବା କିରୋସିନି ଜାରକିନ ଆଣି ସ୍ତ୍ରୀ ଦେହରେ ଢାଳି ନିଆଁ ଲଗାଇ ଦେଇଥିଲେ । ଏହାପରେ ନିକଟରେ ଥିବା ଗ୍ୟାସ ଲିକ କରିଯିବାରୁ ନିଆଁର ପ୍ରକୋପ ବୃଦ୍ଧି ପାଇଥିଲା ।

ଏଥିରେ ସ୍ୱାମୀ ସ୍ତ୍ରୀ ଦୁଇଜଣଙ୍କ ଦେହରେ ନିଆଁ ଲାଗିଯାଇଥିଲା । ସ୍ୱାମୀ- ସ୍ତ୍ରୀ ଦୁଇଜଣଙ୍କ ଚିତ୍କାର ଶୁଣି ସାହି ପଡିଶା ଆସି ସେମାନଙ୍କ ଦେହରେ ଲାଗିଥିବା ନିଆଁକୁ ଲିଭାଇଥିଲେ । ୧୦୮ ଆମ୍ବୁଲାନ୍ସ ସହାୟତାରେ ଆଠଗଡ ଡାକ୍ତରଖାନାରେ ସେମାନଙ୍କୁ ଭର୍ତ୍ତି କରାଯାଇଥିଲା ।

ତେବେ ଆଠଗଡ ଡାକ୍ତରଖାନାରେ ଡାକ୍ତର ଶାନ୍ତି ଭୂଷଣ ପଣ୍ଡା ସ୍ୱାମୀ-ସ୍ତ୍ରୀ ଦୁଇଜଣଙ୍କର ପ୍ରାଥମିକ ଚିକିତ୍ସା କରିଥିଲେ । ସ୍ୱାମୀ ବିଚତ୍ରାର ଶରୀର ୪୦ ପ୍ରତିଶତ ପୋଡିଯାଇଥିବା ବେଳେ ସ୍ତ୍ରୀ ସୁଜତାର ଶରୀରର ୮୦ ପ୍ରତିଶତ ପୋଡିଯାଇଥିବାରୁ ଦୁଇଜଣଙ୍କୁ ଡାକ୍ତର  କଟକ ବଡ ଡାକ୍ତରଖାନାକୁ ଅଧିକ ଚିକିତ୍ସା ପାଇଁ ପଠାଇଛନ୍ତି ।

ସାତ ଜନ୍ମପାଇଁ ସାଥି କରିଥିବା ସ୍ୱାମୀ ମଦ୍ୟପାନ କରି ଏଭଳି କାଣ୍ଡ ଭିଆଇଥିବା ଜଣାପଡିଛି । ତେବେ ଏ ସମ୍ପର୍କରେ ଆଠଗଡ ଥାନାରେ କୈଣସି ମାମଲା ହୋଇନଥିବା ବେଳେ ପୋଲିସ ଖବର ପାଇ ଆଠଗଡ ଡାକ୍ତରଖାନାରେ ପହଞ୍ଚି ଥିଲା । ତେବେ ଘଟଣା ସମ୍ପର୍କରେ ତଦନ୍ତ ଜାରି ରଖିଥିବା ପୋଲିସ୍‌ ପକ୍ଷରୁ କୁହାଯାଇଛି ।

   Related Posts