Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶବ୍ୟାପୀ ତ୍ରିରଙ୍ଗା ରାଲି ବାହାର କରିବେ କୃଷକ, ଅଗଷ୍ଟ ୧୫ରେ ପାଳନ କରିବେ ଏହି ଦିବସ
  • ||
  • ଟୋକିଓ ଅଲିମ୍ପିକ୍ସ: ଆଜି ଇତିହାସ ରଚିବାକୁ ଓହ୍ଲାଇବେ ରବି ଦାହିଆ, ପୁରୁଷ ହକି ଉପରେ ବି ରହିବ ନଜର
  • ||
  • ତୃତୀୟ ଲହରକୁ ନେଇ ସତର୍କ କରାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଭକ୍ତଙ୍କ ପାଇଁ ବଡ଼ ଘୋଷଣା, ୧୬ ତାରିଖରୁ ଖୋଲିବ ଶ୍ରୀମନ୍ଦିର
  • ||
  • ଅଗଷ୍ଟ ୧୬ରୁ ଶ୍ରୀମନ୍ଦିର ଖୋଲିବ
  • ||
  • ଟୋକିଓ ଅଲିମ୍ପିକ୍ସ ହକି ସେମିଫାଇନାଲ୍‌ରେ ହାରିଲା ମହିଳା ଦଳ, ଫାଇନାଲ୍‌କୁ ଉନ୍ନିତ ହେଲା ଆର୍ଜେଣ୍ଟିନା
  • ||
  • ଦେବଗଡ : ହନୁମାନ ପଇସା ରାକେଟ୍ ଠାବ : ୩ ଗିରଫ, ୨ଟି ହନୁମାନ ପଇସା ଜବତ
  • ||
  • ସାଲେପୁର : ସାଲେପୁର ଅଞ୍ଚଳରୁ ବିରଳ ଏଣ୍ଡୁଅ ଉଦ୍ଧାର, ବଦଳାଉଛି ରଙ୍ଗ
  • ||
  • ଢେଙ୍କାନାଳ : ବିକ୍ରି କରୁଥିଲେ ବାରହା ମାଂସ, ୩ ଶିକାରୀଙ୍କୁ ବାନ୍ଧିଲା ବନ ବିଭାଗ
  • ||
  • ଅନୁଗୋଳ : ରେଙ୍ଗାଳି ଡ୍ୟାମ୍‌ରୁ ଛଡାଗଲା ଚଳିତ ବର୍ଷର ପ୍ରଥମ ବନ୍ୟାଜଳ, ୭ ନମ୍ବର ଗେଟ୍ ଦେଇ ଜଳ ନିଷ୍କାସିତ
  • ||

ଏକ ହାଜର କୋଟି ଟଙ୍କାର ୧୯୧ କିଲୋ ଡ୍ରଗ୍ସ ଜବତ : ଆଫଗାନିସ୍ଥାନରୁ ପାକିସ୍ତାନ ହୋଇ ସମୁଦ୍ର ମାର୍ଗରେ ମୁମ୍ବାଇ ଆସିଥିଲା କଣ୍ଟେନର

10/08/2020 at 12:55 PM

ମୁମ୍ବାଇ ୧୦/୦୮ : ମୁମ୍ବାଇରେ ୧୯୧ କିଲୋ ଡ୍ରଗ୍ସ ଧରାପଡିଛି | ଅନ୍ତରାଷ୍ଟ୍ରୀୟ ବଜାରରେ ଏହାର ମୂଲ୍ୟ ଏକ ହଜାର କୋଟି ଟଙ୍କା | ଅଧିକାରୀଙ୍କ ସୂଚନା ଅନୁଯାୟୀ ନବୀ ମୁମ୍ବାଇ ସ୍ଥିତ ନବା ସେବା ବନ୍ଦରରେ ଏହି ଡ୍ରଗ୍ସ ଧରାପଡିଛି | ଏହା ଆଫଗାନିସ୍ଥାନରୁ ପାକିସ୍ତାନ ହୋଇ ସମୁଦ୍ର ମାର୍ଗରେ ମୁମ୍ବାଇ ବନ୍ଦରରେ ପହଞ୍ଚିଥିଲା | ଡାଇରେକ୍ଟୋରେଟ ଅଫ ରେଭେନ୍ୟୁ ଇଣ୍ଟେଲିଜେନ୍ସ (DRI) ଏବଂ କଷ୍ଟମ ବିଭାଗ ମିଳିତ ଭାବେ ଏହି ଡ୍ରଗ୍ସ ଜବତ କରିଛନ୍ତି | ମାମଲାରେ ଦୁଇ ଜଣଙ୍କୁ ଗିରଫ କରାଯାଇଛି |

ମିଡ଼ିଆ ରିପୋର୍ଟ ଅନୁଯାୟୀ, ତସ୍କର ଡ୍ରଗ୍ସକୁ ପ୍ଲାଷ୍ଟିକ ପାଇପରେ ଲୁଚେଇ ରଖିଥିଲେ | ଏହି ପାଇପକୁ ଏହିଭଳି ପେଣ୍ଟ କରାଯାଇଥିଲା ଯେ ତାହା ବାଉଁଶ ଭଳି ଦେଖିଯାଉଥିଲା | ତସ୍କରୀମାନେ ଏହାକୁ ଆୟୁର୍ବେଦିକ ଔଷଧ ବୋଲି କହିଥିଲେ | ମାମଲାରେ ଡ୍ରଗ୍ସ ଆମଦାନୀ ପାଇଁ ଡକ୍ୟୁମେଣ୍ଟ ପ୍ରସ୍ତୁତ କରୁଥିବା କଷ୍ଟମ ହାଉସର ଦୁଇଜଣ ଏଜେଣ୍ଟଙ୍କୁ ଗିରଫ କରାଯାଇଛି | ଟାଇମ୍ସ ଅଫ ଇଣ୍ଡିଆ ଖବର ଅନୁଯାୟୀ, ଦିଲ୍ଲୀର ଏକ ଫାଇନାନ୍ସରକୁ ମଧ୍ୟ ଗିରଫ କରାଯାଇଛି | ଫାଇନାନ୍ସରକୁ ମୁମ୍ବାଇ ଆଣିବା ପାଇଁ ପ୍ରସ୍ତୁତି ଚାଲିଛି |

ରାଜସ୍ବ ବିଭାଗ ସୂଚନା ଅନୁଯାୟୀ, ଗିରଫ କରାଯାଇଥିବା ୨ ଜଣଙ୍କୁ ମୁମ୍ବାଇର ଏକ କୋର୍ଟରେ ହାଜର କରାଯାଇଛି | ଦୁଇ ଜଣଙ୍କୁ ୧୪ ଦିନ ରିମାଣ୍ଡରେ ପଠାଯାଇଛି | ୧୯୧ କିଲୋ ଡ୍ରଗ୍ସ ଅନେକ କଣ୍ଟେନରରେ ଲୁଚାଇ ଅଣାଯାଇଥିଲା | କଣ୍ଟେନର ମାଲିକକୁ ମଧ୍ୟ ପଚରାଉଚୁରା କରାଯାଉଛି |

କିଛି ଦିନ ପୂର୍ବରୁ ରାଷ୍ଟ୍ରୀୟ ଯାଞ୍ଚ ଏଜେନ୍ସି (ଏଏନଆ) ଗୁଜରାଟ ସମୁଦ୍ର ମାର୍ଗରୁ ପାଖାପାଖି ୫୦୦ କୋଟି ଟଙ୍କାର ହେରୋଇନ ତସ୍କରୀ ମାମଲାରେ ପାକିସ୍ତାନ ଓ ଦୁବାଇରୁ ସଞ୍ଚାଳିତ ଏକ ଅନ୍ତରାଷ୍ଟ୍ରୀୟ ନାର୍କୋ ଟେରର ଗ୍ୟାଙ୍ଗର ୮ ଜଣଙ୍କ ବିରୋଧରେ ଶୁକ୍ରବାର ଦିନ ମାମଲା ରୁଜ୍ଜୁ କରିଥିଲା | ସମୁଦ୍ର ମାର୍ଗ ଦେଇ ପାକିସ୍ତାନରୁ ଗୁଜରାଟକୁ ହେରୋଇନ ଅଣାଯାଇଥିବା ଅଭିଯୋଗ ହୋଇଥିଲା | ଏହି ଗ୍ୟାଙ୍ଗ କିଛି ପାକିସ୍ତାନ ନାଗରିକ ସହ ମିଶି କାମ କରୁଥିଲା | 

   Related Posts