Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

ବଦଳିଲା ନିୟମ, ଏଣିକି DL ପାଇଁ ଆରଟିଓରେ ଦେବାକୁ ପଡ଼ିବନି ଡ୍ରାଇଭିଂ ଟେଷ୍ଟ

1/07/2021 at 10:03 PM

ନୂଆଦିଲ୍ଲୀ ୧/୦୭: ଡ୍ରାଇଭିଂ ଲାଇସେନ୍ସ (ଡିଏଲ୍‌) ପାଇବାକୁ ହେଲେ ଲୋକଙ୍କୁ ନାହିଁ ନଥିବା ଅସୁବିଧାରେ ସମ୍ମୁଖୀନ ହେବାକୁ ପଡ଼ୁଛି। ବିଭିନ୍ନ ଅନିୟମିତତା ନେଇ ଅଭିଯୋଗ ବାରମ୍ବାର ଆସୁଛି। କିନ୍ତୁ ଡିଏଲ୍‌ ପାଇବା ପାଇଁ ସମସ୍ତ ପ୍ରକ୍ରିୟାକୁ ସରଳ କରିବା ପାଇଁ ସରକାର ନିୟମ​‌ରେ ପରିବର୍ତ୍ତନ କରିଥିବା ଜଣାପଡ଼ିଛି। ଆଜି ଅର୍ଥାତ ଗୁରୁବାର ପାଖରୁ ଏହି ସରଳ ନିୟମ ଲାଗୁ ହୋଇଯାଇଛି।

ଏଣିକି ଆବେଦନକାରୀ ଆଞ୍ଚଳିକ ପରିବହନ କାର୍ଯ୍ୟାଳୟ (ଆରଟିଓ) ମାଧ୍ୟମରେ ଡିଏଲ୍‌ ପାଇବାକୁ କୌଣସି କଠିନ ପ୍ରକ୍ରିୟା ଦେଇ ଗତି କରିବେ ନାହିଁ। ଡ୍ରାଇଭିଂ ପ୍ରଶିକ୍ଷଣ କେନ୍ଦ୍ରଗୁଡ଼ିକୁ ମାନ୍ୟତା ଦେବା ପାଇଁ ସରକାର ନୂଆ ନିୟମ ଆଣିଛନ୍ତି । ଯେଉଁଠାରେ ଆଶାୟୀଙ୍କୁ ଉଚ୍ଚ ଗୁଣବତ୍ତା ସମ୍ପନ୍ନ ଡ୍ରାଇଭିଂ ଶିକ୍ଷା ଦିଆଯିବ। ସେଠାରୁ ଥରେ ପାସ୍‌ କରିବା ପରେ ପୁର୍ନବାର ତାଙ୍କୁ ଡିଏଲ୍‌ ନେବା ବେଳେ ଆରଟିଓରେ ଡ୍ରାଇଭିଂ ପରୀକ୍ଷା ଦେବାକୁ ପଡ଼ିବ ନାହିଁ।

ନୂଆ ନିୟମ ଅନୁସାରେ ମାନ୍ୟତା ପ୍ରାପ୍ତ ଟ୍ରେନିଂ ସେଣ୍ଟରରେ ଡିଏଲ୍‌ ଆବେଦକଙ୍କୁ ପ୍ରଶିକ୍ଷଣ ପ୍ରଦାନ କରିବାକୁ ସିମୁଲେଟର ସହିତ ଡେଡିକେଟେଡ ଡ୍ରାଇଭିଂ ଟେଷ୍ଟ ଟ୍ରାକ୍‌ର ସୁବିଧା ଉପଲବ୍ଧ ରହିବ। ସେଠାରେ ଆବେଦକଙ୍କୁ ଭଲ ଭାବେ ଡ୍ରାଇଭିଂ ପ୍ରଶିକ୍ଷଣ ଦିଆଯିବ। ପ୍ରଶିକ୍ଷଣ କେନ୍ଦ୍ରରେ ହାଲକା ମୋଟର ଯାନ ପାଇଁ ଡ୍ରାଇଭିଂ ପାଠ୍ୟକ୍ରମ ଅବଧି ୪ ସପ୍ତାହ ମଧ୍ୟରେ ୨୯ ଘଣ୍ଟା ଧାର୍ଯ୍ୟ କରିଛି ପରିବହନ ମନ୍ତ୍ରାଳୟ। ୪ ସପ୍ତାହରେ ଡ୍ରାଇଭିଂ ଶିଖିବା ସହ ଆବେଦକ ପରୀକ୍ଷା ଦେବେ । ପରୀକ୍ଷାରେ ଉଭୟ ଥିଓରି ଏବଂ ପ୍ରାକ୍ଟିକାଲ୍‌ ସାମିଲ୍‌ ରହିବ ବୋଲି ଜଣାପଡ଼ିଛି।

ସେପଟେ ଭାରୀ ଯାନ ପାଇଁ ୬ ସପ୍ତାହରେ ୩୮ ଘଣ୍ଟା ରଖାଯାଇଛି। ଏଥିରେ ମଧ୍ୟ  ଉଭୟ ଥିଓରି ଏବଂ ପ୍ରାକ୍ଟିକାଲ୍‌ ଜ୍ଞାନ ଦିଆଯିବାକୁ ଥିବା ବେଳେ ରାଜ୍ୟ ବାହାରେ ଥିବା ରାସ୍ତାରେ ଗାଡ଼ି ଚଳାଇବାକୁ ନେଇ ବ୍ୟବହାର ଏବଂ କିଛି ଶିକ୍ଷଣୀୟ ତଥ୍ୟ  ଡ୍ରାଇଭରମାନଙ୍କୁ ଶିକ୍ଷା ଦିଆଯିବ। ଏହି ସବୁ ଚାଳକ ପ୍ରିଶିକ୍ଷଣ କେନ୍ଦ୍ରକୁ ୫ ବର୍ଷ ଯାଏ ଅନୁମତି ମିଳିବ। ଏହା ଦ୍ବାରା କୁଶଳୀ ଡ୍ରାଇଭର ମିଳିପାରିବେ ବୋଲି ସରକାରଙ୍କ ପକ୍ଷରୁ କୁହାଯାଉଛି।    

   Related Posts