ନୂଆପଡା ୩୧।୭: ନୂଆପଡାରେ ମର୍ମନ୍ତୁଦ ସଡକ ଦୁର୍ଘଟଣା ହୋଇଛି । ଦୁର୍ଘଟଣାରେ ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ହେଲପର ଗୁରୁତର ହୋଇଛନ୍ତି । ଗୁରୁତରଙ୍କୁ ନୂଆପଡା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
{"id":308047,"sizeSlug":"large"}ସୂଚନାଯୋଗ୍ୟ ଯେ, ଜାତୀୟ ରାଜପଥ ୩୫୩ ଲକ୍ଷ୍ମୀପୁର ଛକଠାରେ ପୂର୍ବରୁ ରାସ୍ତା କଡରେ ଅଟକି ରହିଥିବା ଗୋଟିଏ ଟ୍ରକକୁ ପଛପଟୁ ଧକ୍କାଦେଲା ଅନ୍ୟ ଏକ ମାଲବାହୀ ଟ୍ରକ୍ । ଧକ୍କା ଦେଇଥିବା ଟ୍ରକର ଡ୍ରାଇଭରଙ୍କ ମୃତ୍ୟୁ ହୋଇଥିବା ବେଳେ ଓ ହେଲପର ଗୁରୁତର ହୋଇଛନ୍ତି । ଉଭୟ ଟ୍ରକ୍ ପଡୋଶୀ ରାଜ୍ୟ ଛତିଶଗଡରୁ ବିଶାଖାପାଟଣା ଯାଉଥିବା ସୂଚନା ମିଳିଛି । ଘଟଣାସ୍ଥଳରେ ଖଡିଆଳ ପୋଲିସ ପହଞ୍ଚି ଗାଡିରେ ଫସି ରହିଥିବା ଡ୍ରାଇଭରଙ୍କୁ ଉଦ୍ଧାର କରିଛି । ବର୍ତ୍ତମାନ ପର୍ଯ୍ୟନ୍ତ ଉଭୟଙ୍କ ପରିଚୟ ମିଳିପାରିନାହିଁ ।