Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭାରସାମ୍ୟ ହରାଇ ପୋଲ ତଳକୁ ଓଲଟିଲା ଡମ୍ପର : ଡ୍ରାଇଭର ମୃତ

28/07/2019 at 8:39 AM

କେନ୍ଦୁଝର ୨୮/୭: ଆଜି ସକାଳେ ବଡ଼ବିଲ ବଙ୍ଗଳା ଛକ ମାଉସୀ ମା ମନ୍ଦିର ନିକଟରେ ଭାରସାମ୍ୟ ହରାଇ ଏକ ଡମ୍ପର ଓଆର ୦୪ ଡି ୧୭୨୩ ପୋଲ ତଳକୁ ଖସି ଓଲଟି ପଡିଛି । ଫଳରେ ଡମ୍ପର ଭିତରେ ଚାପିହୋଇ ଡ୍ରାଇଭରର ମୃତ୍ୟୁ ଘଟିଛି । ମୃତ ଡ୍ରାଇଭର ଝାଡ଼ଖଣ୍ଡ ଜଗନ୍ନାଥପୁର ଅଂଚଳର କାହ୍ନୁ ବୋଲି ପ୍ରାଥମିକ ସୂଚନା ମିଳିଛି । ସେହିପରି ଡମ୍ପର ମାଲିକ ବଡ଼ବିଲ ଉପର ବସ୍ତି ଅଂଚଳର ଏମ୍ ଡି ତୁଫେଲ ବୋଲି ଜଣାପଡିଛି ।

ଦୁର୍ଘଟଣା ଘଟିବା ପରେ  ବଡ଼ବିଲ ପୋଲିସକୁ ଖବର ଦିଆଯାଇଥିଲା, ମାତ୍ର ପୋଲିସ ଘଟଣା ସ୍ଥଳରେ ଦେଢ଼ ଘଣ୍ଟା ବିଳମ୍ବରେ ପହଞ୍ଚିଥିଲା, ଯେଉଁଥିପାଇଁ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା । ପୋଲିସ ସେଠାରେ ପହଁଚି କ୍ରେନ ସାହାଯ୍ୟରେ ଡମ୍ପରକୁ ଉଠାଇ ମୃତଦେହକୁ ଉଦ୍ଧାର କରିଛି ।  ତେବେ କେଉଁ ପରିସ୍ଥିତିରେ ଡମ୍ପରଟି ଭାରସାମ୍ୟ ହରାଇ ଓଲଟିଲା ସେ ନେଇ ପୋଲିସ ତଦନ୍ତ ଚଳାଇଛି ।

   Related Posts