Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

ଶ୍ରୀମନ୍ଦିର ବନ୍ଦ ହୋଇଛି ଅନେକ ଥର: କେବେ ଶତ୍ରୁ ତ କେବେ ନୀତିକାନ୍ତି ପାଇଁ, କିନ୍ତୁ ଭକ୍ତଙ୍କ ସୁରକ୍ଷା ପାଇଁ କରୋନା କଟକଣା ପ୍ରଥମ

19/03/2020 at 8:32 PM

ପୁରୀ, ୧୯|୦୩:   ଇତିହାସ କୁହେ ପୂର୍ବରୁ ଅନେକ ଥର ଶ୍ରୀମନ୍ଦିର ବନ୍ଦ ହୋଇଛି । ଶତ୍ରୁ ଆକ୍ରମଣ ଏବଂ ମହାପ୍ରଭୁଙ୍କୁ ନେଇଯିବା କାରଣରୁ ପାଖାପାଖି ଅଢେଇ ଶହ ବର୍ଷ ଧରି ମହାପ୍ରଭୁ ଶ୍ରୀକ୍ଷେତ୍ର ବାହାରେ ଲୀଳାଖେଳା କରିଛନ୍ତି । ଏମିତିତ ଅସୁସ୍ଥତା କାରଣରୁ ପ୍ରତିବର୍ଷ ମହାପ୍ରଭୁ ୧୪ ଦିନ ଅଣସର ଘରେ ରହି ଭକ୍ତଙ୍କୁ ଦର୍ଶନ ଦିଅନ୍ତି ନାହିଁ। କିନ୍ତୁ ପ୍ରଥମ ଥର ଭକ୍ତଙ୍କ ଦେହ ଖରାପ ନହେଉ ସେଥିପାଇଁ ବନ୍ଦ କରିଦିଆଯାଇଛି ଶ୍ରୀମନ୍ଦିର ।

ଅନେକ ଥର ଶ୍ରୀଜଗନ୍ନାଥଙ୍କ ମନ୍ଦିରକୁ ବନ୍ଦ କରିବାକୁ ପଡିଛି । ସଂସ୍କୃତି ବିଶେଷଜ୍ଞଙ୍କ କହିବା ଅନୁଯାୟୀ ଶ୍ରୀମନ୍ଦିର ତିଆରି ହେବା ପୂର୍ବରୁ ୨୫୦ ବର୍ଷ ଧରି ଶ୍ରୀଜଗନ୍ନାଥଙ୍କ ଦର୍ଶନ ବନ୍ଦ କରିବାକୁ ପଡ଼ିଥିଲା । ଶ୍ରୀମନ୍ଦିର ଉପରେ ମୋଟ୍ ୧୮ ଥର ଆକ୍ରମଣ ହୋଇଛି । ୨୨ ଥର ବାହାରକୁ ଯାଇଛନ୍ତି ଠାକୁର । ଶ୍ରୀମନ୍ଦିର ଉପରେ ପ୍ରଥମେ ୬୭୦ ମସିହାରେ ଆକ୍ରମଣ ହୋଇଥିଲା । ଏହା ୧୭୩୩ ମସିହା ପର୍ଯ୍ୟନ୍ତ ଚାଲିଥିଲା । ଆରବ ଦେଶରୁ ଆସିଥିବା ଆରବ୍ୟ ରକ୍ତବାହୁ ମନ୍ଦିର ଉପରେ ଆକ୍ରମଣ କରି ମହାପ୍ରଭୁଙ୍କୁ ନେଇ ଯାଇଥିଲେ । ପ୍ରାୟ ୧୪୪ ବର୍ଷ ଧରି ଶ୍ରୀମନ୍ଦିର ବନ୍ଦ ରହିଥିଲା । ୧୩୪୦ରେ ବଙ୍ଗଳାର ନବାବ ବିଲିୟସ ସାହା ଶ୍ରୀମନ୍ଦିର ଉପରେ ଆକ୍ରମଣ କରି ମହାପ୍ରଭୁଙ୍କୁ ନେଇ ଯାଇଥିଲେ । ୧୫୦୯ ଏବଂ ୧୫୬୮ରେ କଳାପାହାଡ ଆକ୍ରମଣ ପାଇଁ ଶ୍ରୀମନ୍ଦିର ବନ୍ଦ ରହିଥିଲା । ୧୬୦୧ରେ ମୁର୍ଜାଖୁରମ ଆକ୍ରମଣ କରି କପିଳେଶ୍ବରପୁରକୁ ଜଗନ୍ନାଥଙ୍କୁ ନେଇ ଯାଇଥିଲେ । ସେତେବେଳେ ମନ୍ଦିର ବନ୍ଦ ରହିଥିଲା । ୧୬୦୭, ୧୬୧୦, ୧୬୧୧, ୧୬୧୨, ୧୬୧୭, ୧୬୨୧, ୧୬୪୫, ୧୬୪୭, ୧୬୯୨, ୧୭୩୧ ଏବଂ ଶେଷ ଥର ପାଇଁ ୧୭୩୩ରେ ଶ୍ରୀମନ୍ଦିର ବନ୍ଦ ରହିଥିଲା । ଇତିହାସକାରଙ୍କ କହିବା ଅନୁଯାୟୀ ୧୬୯୨ରେ ଔରଙ୍ଗଜେବଙ୍କ ଧମକ ପାଇଁ ଶ୍ରୀମନ୍ଦିରକୁ ବନ୍ଦ କରିବାକୁ ପଡ଼ିଥିଲା। ୧୭୦୭ ଯାଏଁ ମନ୍ଦିର ରଖାଯାଇଛିଥିଲା। ଔରଙ୍ଗଜେବଙ୍କ ମୃତ୍ୟୁ ପରେ ମନ୍ଦିର ଖୋଲିଥିଲା।  ଶେଷ ଥର ପାଇଁ ୧୭୩୩ରେ ମହମ୍ମଦ ତକ୍ତି ଖାଁ ଆକ୍ରମଣ କରି ମହାପ୍ରଭୁଙ୍କୁ ମାର୍ଦାପୁର ନେଇ ଯାଇଥିଲା।

ପ୍ରାୟ ୨୫୦ ବର୍ଷରୁ ଅଧିକ ସମୟ ମହାପ୍ରଭୁ ଶ୍ରୀକ୍ଷେତ୍ର ବାହାରେ ଲୀଳାଖେଳା କରିଛନ୍ତି । ଏମିତିକି ଶ୍ରୀକ୍ଷେତ୍ର ବାହାରେ ଥରେ ରଥଯାତ୍ରା ହୋଇଥିବା କୁହାଯାଏ । ତେରଥର ଆକ୍ରମଣ କାଳରେ ମହାପ୍ରଭୁ ଶ୍ରୀମନ୍ଦିର ରତ୍ନବେଦିରୁ ରାଜ୍ୟର ବିଭିନ୍ନ ସ୍ଥାନକୁ ସ୍ଥାନାନ୍ତର ହୋଇଛି । ତେବେ ପ୍ରଥମ ଥର ପାଇଁ ଭକ୍ତଙ୍କ ସୁରକ୍ଷା ଦୃଷ୍ଟିରୁ ଶ୍ରୀମନ୍ଦିରକୁ ବନ୍ଦ ରଖିବାକୁ ପଡିଛି।

   Related Posts