କଟକ ୨୫।୯: ଡିଆରଡିଓ ଗୁପ୍ତଚର ମାମଲାରେ ସନ୍ଦିଗ୍ଧ ମହିଳାଙ୍କର ୨ ଅଭିଯୁକ୍ତଙ୍କ ସହ ଘନିଷ୍ଠ ସମ୍ପର୍କ ଥିଲା ବୋଲି କ୍ରାଇମବ୍ରାଞ୍ଚ ଏଡିଜି ସଂଜୀବ ପଣ୍ଡା ସୂଚନା ଦେଇଛନ୍ତି । ସମ୍ପୃକ୍ତ ୨ ଅଭିଯୁକ୍ତଙ୍କ ସହ ଭିଡିଓ କଲରେ କଥା ହୋଇଛନ୍ତି ରହସ୍ୟମୟୀ ମହିଳା । ୨ ଅଭିଯୁକ୍ତଙ୍କୁ ବିବାହ ପ୍ରସ୍ତାବ ଦେଇଥିଲେ । ଜଣେ ଅଭିଯୁକ୍ତଙ୍କ ଚାନ୍ଦିପୁର ସ୍ଥିତ ଘରକୁ ଆସିବା ପାଇଁ ମହିଳା ଜଣଙ୍କ କହିଥିଲେ ।
ସନ୍ଦିଗ୍ଧ ମହିଳା କେବଳ ହିନ୍ଦୀରେ କଥା ହେଉଥିଲେ । ସୋସିଆଲ ମିଡିଆର ୭ଟି ଜାଲ ଆକାଉଣ୍ଟ ଜରିଆରେ ଅଭିଯୁକ୍ତଙ୍କ ସହ ସମ୍ପର୍କ ରଖିଥିଲେ ମହିଳା । ସନ୍ଦିଗ୍ଧ ମହିଳାଙ୍କ ବାବଦରେ ଅଧିକ ତଦନ୍ତ ଚାଲିଛି । ମହିଳାଙ୍କ ମୋବାଇଲ ନମ୍ବର ଆଧାରରେ ତାଙ୍କ ଠିକଣା ପାଇବାକୁ ଚେଷ୍ଟା ଚାଲିଛି ବୋଲି କ୍ରାଇମବରାଞ୍ଚ ଏଡିଜି କହିଛନ୍ତି ।
