ଭୁବନେଶ୍ବର ୨୭।୧୦: ଡିଆରଡିଓ ଗୁପ୍ତ ତଥ୍ୟ ଲିକ୍ ଘଟଣାରେ ଓଡିଶା ପରେ ସାମ୍ନାକୁ ଆସିଲା ରାଜସ୍ଥାନ ଲିଙ୍କ୍ । ଯୋଦ୍ଧପୁରର ଜଣେ ଯୁବକଙ୍କୁ ଫାଶରେ ପକାଇଛି ରହସ୍ୟମୟୀ ମହିଳା । ଯୋଦ୍ଧପୁର ମିଲେକ୍ଟ୍ରି ଇଞ୍ଜିନିୟରିଂ ସର୍ଭିସର ଜଣେ ଯୁବକଙ୍କୁ ଫସଇଥିବା ନେଇ ଜଣାପଡିଛି । ଯୁବକ ଜଣଙ୍କ ଅଫିସର ଗୁରୁତ୍ବପୂର୍ଣ୍ଣ ତଥ୍ୟ ମହିଳାଙ୍କୁ ପଠାଇଥିବା ଜଣାପଡିଛି ।
ଗତ ୧୫ତାରିଖରେ ରାଜସ୍ଥାନ ସିଆଇଡିରେ ଏନେଇ ମାମଲା ଦାୟର ହୋଇଛି । ଏ ନେଇ ଓଡିଶା କ୍ରାଇମବ୍ରାଞ୍ଚକୁ ଯୋଗାଯୋଗ କରିଛି ରାଜସ୍ଥାନ ସିଆଇଡି ।
ତେବେ ପୂର୍ବରୁ ଆସିଥିବା ୩୮ହଜାର ଟଙ୍କାର ହିସାବ ମିଳିଛି । ଦୁବାଇର ଲୁଲୁ ଇଣ୍ଟରନ୍ୟାସନାଲ ଏକ୍ସଚେଞ୍ଜ ସେଣ୍ଟରରୁ ୨୪ହଜାର ଟଙ୍କା ୫ଜଣ ଅଭିଯୁକ୍ତଙ୍କୁ ଆସିଥିଲା । ବଳକା ଟଙ୍କା କେଉଁଠାରୁ ଆସିଛି ତାର ଖୋଳତାଡ କରୁଛି କ୍ରାଇମବ୍ରାଞ୍ଚ ।