Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଶ୍ବକେଶନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ମହାରାଷ୍ଟ୍ର ସ୍ଥିତି ସଙ୍ଗୀନ: ୨୪ ଘଣ୍ଟାରେ ୭୭୩ ମୃତ, ୬୬୮୩୬ ନୂଆ ସଂକ୍ରମିତ ଚିହ୍ନଟ
  • ||
  • ବିଶ୍ବକେତନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||
  • ଆନନ୍ଦପୁର : ଯୁକ୍ତ ୨ ପରୀକ୍ଷା ବାତିଲ ଦାବିରେ ୨ଟି ମହାବିଦ୍ୟାଳୟ ଛାତ୍ରଙ୍କ ରାସ୍ତାରୋକ
  • ||

ରାଜ୍ୟରେ ବର୍ଷା ଆରମ୍ଭ ହୋଇଯିବା ସତ୍ବେ କଟକରେ ସରିଲାନି ପଙ୍କୋଉଦ୍ଧାର କାମ : ଗତ ବର୍ଷ ଭଳି ଏଥର ବି ଜଳବନ୍ଦୀ ସମସ୍ୟା ଭୋଗିବେ କଟକିଆ

20/06/2019 at 4:59 PM

କଟକ ୨୦/୬: ରାଜ୍ୟରେ ବର୍ଷା ଆରମ୍ଭ ହୋଇଗଲାଣି । କିନ୍ତୁ କଟକରେ ସରିଲାନି ପଙ୍କୋଉଦ୍ଧାର କାମ । ତେଣୁ ଗତ ବର୍ଷ ଭଳି ଏଥର ବି ଜଳବନ୍ଦୀ ସମସ୍ୟା ଭୋଗିବେ କଟକିଆ । ଏଥିପାଇଁ ମହାନଗର ନିଗମ ଅଧିକାରୀଙ୍କ ମନମାନୀ ମୁଖ୍ୟ କାରଣ ବୋଲି କଟକ ବାସିନ୍ଦା ଅଭିଯୋଗ କରିଛନ୍ତି । ସେପଟେ ଏହାକୁ ସ୍ବୀକାର ମଧ୍ୟ କରିଛନ୍ତି ସିଏମସି କମିଶନର । …

ବର୍ଷା ଆରମ୍ଭ ହୋଇଗଲାଣି । ଏପଟେ କଟକର ବିଭିନ୍ନ ସ୍ଥାନରେ ଡ୍ରେନ୍ ସଫେଇ ବି ଚାଲିଛି । ଗତ ନଭେମ୍ବର ମାସରୁ ପଙ୍କୋଦ୍ଧାର କାମ ଆରମ୍ଭ କରିଥିଲା ସିଏମସି । ଜୁନ୍ ୨ ତାରିଖ ସୁଦ୍ଧା କାମ ସାରିବାକୁ ଥିଲା ଡେଡ୍ ଲାଇନ୍ । କିନ୍ତୁ ଏଯାଏ ସରିଲାନି । ଦୋଳମୁଣ୍ଡାଇ ହେଉ ଅବା ବାଦାମବାଡି କିମ୍ବା ରାଜାବଗିଚା ସବୁଠି ଚାଲିଛି ପଙ୍କୋଦ୍ଧାର । କେବଳ ସେତିକି ନୁହେଁ ଡ୍ରେନରୁ ବାହାରୁଥିବା ପଙ୍କ ସେଇଠି ହିଁ ଗଦା ହୋଇ ରହିଛି । ଅସରାଏ ବର୍ଷା ସେଗୁଡିକ ପୁଣି ଡ୍ରେନ୍ ଭିତରେ ପଶିବ । ତେଣୁ ଏଥର ସମସ୍ୟା ଆହୁରୀ ଜଟିଳ ହେବ । ଜଳବନ୍ଦୀ ହେବାଟା ସୁନିଶ୍ଚିତ ହେବ ବୋଲି କହିଛନ୍ତି କଟକ ବାସିନ୍ଦା ।

ଡ୍ରେନ୍ ସଫେଇ ପାଇଁ କୋଟି କୋଟି ଟଙ୍କା ବ୍ୟୟବରାଦ ହୋଇଥିଲା । ହେଲେ ଆମେ ଦାଖାଉଥିବା ଦୃଶ୍ୟ ଆଉ କଟକ ବାସୀନ୍ଦାଙ୍କ ଅଭିଯୋଗ ସ୍ପଷ୍ଟ କରୁଛି ଯେ ପଙ୍କଉଦ୍ଧାର ନାଁରେ କେମିତି କୋଟି କୋଟି ଟଙ୍କା ଚଳୁ ହେଉଛି । ତେବେ ପଙ୍କୋଦ୍ଧାର କାମ ଶେଷ ନ ହେବା ଘଟଣାକୁ ସିଏମସି କମିଶନର ସ୍ବୀକାର କରିଛନ୍ତି । ଏଥିସହ ଖୁବ ଶୀଘ୍ର କାର୍ଯ୍ୟଶେଷ ହେବ ବୋଲି ଚିରା ଚରିତ ଉତ୍ତର ରଖିଛନ୍ତି ସେ ।

କଟକ ସହରକୁ ଜଳବନ୍ଦୀରୁ ମୁକ୍ତ କରିବା ପାଇଁ ଆରଡିସିଙ୍କ ଠାରୁ ଆରମ୍ଭ କରି ସାଂସଦ ପର୍ଯ୍ୟନ୍ତ ସମସ୍ତେ ସମୀକ୍ଷା ଉପରେ ସମୀକ୍ଷା କରିଛନ୍ତି ସତ କିନ୍ତୁ ବାସ୍ତବ ଚିତ୍ର ପୁରା ଓଲଟା ।

   Related Posts