Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରକୁ ଓଡ଼ିଶା ମାଗିଲା ଅଗଷ୍ଟ ବର୍ଷା-ବନ୍ୟାର ସହାୟତା, ଦାବି କଲା ୧୫୬୯.୫୦ କୋଟି ଟଙ୍କା
  • ||
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୩୩ କରୋନା ସଂକ୍ରମିତ ଚିହ୍ନଟ
  • ||
  • ଟ୍ରକକୁ ପଛ ପଟୁ ପିଟିଲା ଟ୍ରଲର, ୨ ମୃତ
  • ||
  • ଡ଼କାୟତି ଯୋଜନା ପଣ୍ଡ, ବାଇପାସ କଡ଼ରୁ ୬ ଡକାୟତ ଗିରଫ
  • ||

ନୀତି ଆୟୋଗ ସଦସ୍ୟ କହିଲେ, ଶୀତ ଦିନେ କରୋନା ଭାଇରସ ହୋଇପାରେ ଅଧିକ ମାରାତ୍ମକ

30/09/2020 at 2:31 PM

ନୂଆଦିଲ୍ଲୀ ୩୦/୦୯: ଦେଶରେ କରୋନା ଭାଇରସ ଦ୍ରୁତ ଭାବେ ବ୍ୟାପୁଛି। ଏବେ ଏ ମାମଲା ନିତିଦିନ ୮୦ ହଜାର ପାର୍ କରୁଛି। ଧୀରେ ଧୀରେ ଗରମ ଶେଷ ହେଉଛି ଓ ଶୀତ ଋତୁ ଆରମ୍ଭ ହେଉଛି। ଏହାରି ଭିତରେ ଲୋକଙ୍କ ମନରେ ପ୍ରଶ୍ନ ଆସୁଛି କ’ଣ ଶୀତ ଦିନରେ ଏହା ଅଧିକ ମାରାତ୍ମକ ରୂପ ନେବ?

ନୀତି ଆୟୋଗ ସଦସ୍ୟ ଡାକ୍ତର ବିକେ ପଲ କହିଛନ୍ତି ମହାମାରୀ ପାଇଁ ଆଗାମୀ ଦୁଇ-ତିନି ମାସ ଖୁବ୍ ଗୁରୁତ୍ବପୂର୍ଣ୍ଣ। ସମସ୍ତଙ୍କୁ ମାସ୍କ, ସାମାଜିକ ଦୂରତ୍ବ ଓ ସଫାସୁତୁରା ଉପରେ ବିଶେଷ ଧ୍ୟାନ ଦେବାକୁ ହେବ। ଶୀତ ଦିନେ ଶ୍ବାସ ସମ୍ବନ୍ଧୀୟ ଭାଇରସ ଅଧିକ କ୍ଷତିକାରକ ହୋଇଥାନ୍ତି। ଏଣୁ ଏ ମାମଲା କିପରି କମ୍ କରାଯିବ ସେନେଇ ଚେଷ୍ଟା ଚାଲିଛି। 

ସେ କହିଛନ୍ତି  ଏବେ ବିଶ୍ବ କରୋନାର ଦ୍ବିତୀୟ ଲହର ଦେଇ ଗତି କରୁଛି। ଏବେ ବୈଜ୍ଞାନିକ ମାନେ କରୋନାର ଗମ୍ଭୀର ରୂପ ବାବଦରେ ଜାଣିବାକୁ ଚେଷ୍ଟା କରୁଛନ୍ତି। ଅବଶ୍ୟ ଏହା ପୂର୍ବରୁ ବୈଜ୍ଞାନିକମାନେ କହିଥିଲେ ଭାଇରସ ଉପରେ ପାଣିପାଗର କିଛି ପ୍ରଭାବ ପଡ଼ି ନ ଥାଏ। ତେବେ ଯଦି କୌଣସି ପୃଷ୍ଠଭୂମି ଉପରେ କରୋନା ଭାଇରସ ଥାଏ , ଗରମରେ ତାପମାତ୍ରା ଅଧିକ ହେବା ଯୋଗୁ ତାହା ବେଶି ଦିନ ସକ୍ରିୟ ରହେ ନାହିଁ। ମାତ୍ର ଶୀତ ଦିନେ ଏହାର ଫଳ ଓଲଟା ହୋଇଥାଏ। ଅର୍ଥାତ ଶୀତ ଦିନ ଭାଇରସ ପାଇଁ ଅନୁକୂଳ ବାତାବରଣ ହୋଇଥାଏ। ଏ ସମୟରେ ଏହା ଅଧିକ ସମୟ ସକ୍ରିୟ ରହନ୍ତି। ଏହା ଦ୍ବାରା ସଂକ୍ରମଣ ଆଶଙ୍କା ଅଧିକ ବଢ଼ିଯାଏ।

   Related Posts