Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

AIIMS ପ୍ରମୁଖ ଗୁଲେରିୟାଙ୍କ ବଡ ବୟାନ, ଉଭୟ ଡୋଜ ନେବା ପରେ ବି ବୁଷ୍ଟର ଡୋଜ ଜରୁରୀ

25/07/2021 at 10:21 AM

ନୂଆଦିଲ୍ଲୀ ୨୫/୭ : ଦିନକୁ ଦିନ କରୋନାକୁ ନେଇ ନୂଆ ନୂଆ ତଥ୍ୟ ସାମ୍ନାକୁ ଆସିବାରେ ଲାଗିଛି । ବିଶେଷ କରି ବରିଷ୍ଠ ଡାକ୍ତର ଓ ବିଶେଷଜ୍ଞଙ୍କ ଆକଳନ ଲୋକଙ୍କ ଚିନ୍ତାକୁ ବଢାଇଦେଉଛି । ଏବେ ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (ଏଆଇଏମ୍ଏସ୍) ର ମୁଖ୍ୟ ଡଃ ରଣଦୀପ ଗୁଲେରିଆଙ୍କ ମନ୍ତବ୍ୟ ସମସଙ୍କ ଦୋହଲାଇ ଦେଇ ରଖିଛି । ସେ କହିଛନ୍ତି ଯେ ଆମ ଶରୀର ପାଇଁ ଦୁଇଟି ଡୋଜ ଯଥେଷ୍ଟ ନୁହେଁ । ବୁଷ୍ଟର ଡୋଜ୍ ନେବାକୁ ସେ ପରାମର୍ଶ ଦେଇଛନ୍ତି ।

ତାଙ୍କ ମତରେ ଦେଶରେ କରୋନାର ଯେଉଁ ସବୁ ନୂଆ ଭାରିଆଣ୍ଟ ବାହାରକୁ ଆସୁଛି । ସେସବୁ ଦୃଷ୍ଟିରେ ରଖି ସେହି କ୍ଷେତ୍ରରେ ଆମକୁ ଏକ ବୁଷ୍ଟର ଡୋଜ୍ ଟିକା ମଧ୍ୟ ଦରକାର । ଡକ୍ଟର ଗୁଲେରିଆ କହିଛନ୍ତି ଯେ ଭବିଷ୍ୟତରେ କୋଭିଡ -19 ଭୂତାଣୁର ଅନେକ ପରିବର୍ତ୍ତନ ଘଟିବ । ଯେଉଁଥିରେ ଭାରତର ଦ୍ୱିତୀୟ ପୀଢିର କୋଭିଡ ଟିକା ସହିତ ଏକ ବୁଷ୍ଟର ଡୋଜ ଜରୁରୀ ରହିବ । ତାଙ୍କ ମତରେ ଆମକୁ ଟିକାକରଣର ଏକ ବୁଷ୍ଟର୍ ଡୋଜ୍ ଆବଶ୍ୟକ ପଡିବ ।

କାରଣ ଆମର ରୋଗ ପ୍ରତିରୋଧକ ଶକ୍ତି ସମୟ ସହିତ ହ୍ରାସ ହୋଇପାରେ ବୋଲି ଅନୁମାନ କରାଯାଉଛି । ଯାହାକି ଭବିଷ୍ୟତରେ ବିକଶିତ ହେବାକୁ ଥିବା ନୂତନ ପ୍ରକାରରୁ ଆମକୁ ରକ୍ଷା କରିବାରେ ସହାୟକ ହେବ । AIIMS ମୁଖ୍ୟ କହିଛନ୍ତି, ଯେ ଟିକାକରଣର ବୁଷ୍ଟର ଡୋଜର ପରୀକ୍ଷା ଆରମ୍ଭ ହୋଇସାରିଛି । ଥରେ ସମଗ୍ର ଜନସଂଖ୍ୟା ଉଭୟ ଟିକା ଗ୍ରହଣ କରିବା ପରେ ପରବର୍ତ୍ତୀ ପଦକ୍ଷେପ ହେଉଛି ବୁଷ୍ଟର ଡୋଜର ଅଭିଯାନ ଆରମ୍ଭ କରିବା ।

ଡକ୍ଟର ଗୁଲେରିଆ ଆଶା କରିଛନ୍ତି ଯେ ସେପ୍ଟେମ୍ବର ସୁଦ୍ଧା ପିଲାମାନଙ୍କ ପାଇଁ ଟୀକାକରଣ ଅଭିଯାନ ମଧ୍ୟ ଆରମ୍ଭ ହେବ । ସେ କହିଛନ୍ତି ଯେ ଭରତ ବାୟୋଟେକ୍ ର କୋଭାକ୍ସିନ୍ ଏହି ଦିଗରେ ବହୁତ ଅଗ୍ରଗତି କରିଛି ଏବଂ ଏହାର ପରୀକ୍ଷା ଫଳାଫଳ ସେପ୍ଟେମ୍ବର ସୁଦ୍ଧା ଶେଷ ହେବ । ଏହା ପରେ ଏହାର ଜରୁରୀକାଳୀନ ବ୍ୟବହାର ପାଇଁ ଆବଶ୍ୟକ ଅନୁମୋଦନ ନିଆଯିବ ।

   Related Posts