Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

କଂଗ୍ରେସ ସଭାରେ ଡାକ୍ତର ଦାମୋଦର ରାଉତ : ବିଜେପିକୁ କଲେ କଟାକ୍ଷ

3/10/2018 at 9:51 AM

ଭୁବନେଶ୍ବର ୩|୧୦: ଗତକାଲି କଂଗ୍ରେସ କାର୍ଯ୍ୟାଳୟ ପରିସରରେ କଂଗ୍ରେସ ଦ୍ବାରା ଆୟୋଜିତ ଏକ ବୈଠକରେ ଡାକ୍ତର ଦାମୋଦର ରାଉତଙ୍କୁ ଦେଖି ସମସ୍ତଙ୍କ ମଧ୍ୟ ଉତ୍ସୁକତା ବଢିଯାଇଥିଲା । ବିଜେଡିରୁ ବହିଷ୍କାର ହେବା ପରେ ଡାକ୍ତର ଦାମୋଦର ରାଉତ ହୁଏତ କଂଗ୍ରେସରେ ଯୋଗ ଦେବାପାଇଁ ଯୋଜନା କରୁଥାଇପାରନ୍ତି ବୋଲି କିଛି ସମୟ ପାଇଁ ସମସ୍ତଙ୍କ ଧାରଣା ହୋଇଥିଲା । ତେବେ ନିଜ ବକ୍ତବ୍ୟ ସାରି ମଞ୍ଚ ଉପରୁ ତଳକୁ ଓହ୍ଲାଇବା ମାତ୍ରେ ଡାକ୍ତର  ରାଉତ ଗଣମାଧ୍ୟମ ଆଗରେ ସ୍ପଷ୍ଟ କରିଥିଲେ ଯେ, ସେ କଂଗ୍ରେସରେ ଯୋଗଦେବାର ପ୍ରଶ୍ନ ଉଠୁନାହିଁ । ଯେହେତୁ ଗାନ୍ଧୀଜୟନ୍ତୀ ଅବସରରେ ସମ୍ବିଧାନ ବଞ୍ଚାଅ ଶୀର୍ଷକ ଆଲୋଚନା ପାଇଁ କଂଗ୍ରେସ ସର୍ବଦଳୀୟ ସଭା ଡାକିଥିଲା ସେଥିପାଇଁ ସେ ଏହି ସଭାରେ ଯୋଗ ଦେଇଥିଲେ ।

ବହିଷ୍କାର ରାଗ ସୁଝାଇବାକୁ ଯାଇ ପ୍ରାୟ ସବୁ ଯାଗାରେ ସେ ବିଜେଡି ଏବଂ ନବୀନ ପଟ୍ଟନାୟକଙ୍କୁ ସମାଲୋଚନା କରିବା ଦେଖିବାକୁ ମିଳୁଛି । କିନ୍ତୁ ଗତକାଲି ଡାକ୍ତର ରାଉତ ବିଜେପିକୁ ଅଧିକ ସମାଲୋଚନା କରୁଥିବା ଦେଖିବାକୁ ମିଳିଥିଲା । ସମ୍ବିଧାନ ଓ ଗଣତନ୍ତ୍ର ବଞ୍ଚାଅ ପ୍ରସଙ୍ଗରେ ଡାକ୍ତର ରାଉତ କହିଥିଲେ ଯେ, ଗଣତନ୍ତ୍ର କୋଉଠି ଅଛି ଯେ, ତାହା ବଞ୍ଚାଇବାକୁ ଆଲୋଚନା କରାଯିବ । କେନ୍ଦ୍ରରେ ଦଳତନ୍ତ୍ର ଚାଲିଥିବା ବେଳେ ରାଜ୍ୟରେ ଦଳତନ୍ତ୍ର ଚାଲିଛି ବୋଲି ସେ କହିଥିଲେ । ଭାରତୀୟ ଜନତା ପାର୍ଟିର କୌଣସି ସ୍ଥିତି ନାହିଁ କିନ୍ତୁ ସେ ଦଳର କେନ୍ଦ୍ରୀୟ ନେତାମାନେ ୧୨୦ ଆସନରେ ବିଜୟୀ ହେବାର ସ୍ବପ୍ନ ଦେଖୁଛନ୍ତି ବୋଲି କହି କଟାକ୍ଷ କରିଥିଲେ । ସେହିଭଳି କେନ୍ଦ୍ର ସରକାରଙ୍କ ମନ୍ତ୍ରୀମାନେ ରାଜ୍ୟରେ ହେଉଥିବା ପ୍ରକଲ୍ପକୁ ଆସି ସିଧାସଳଖ ଉଦଘାଟନ କରୁଛନ୍ତି । ଏଭଳି ପରମ୍ପରା ଆଗରୁ ନଥିଲା ବୋଲି ଡାକ୍ତର ଦାମ ରାଉତ କହିଛନ୍ତି ।

ଅନ୍ୟ ପକ୍ଷରେ କଂଗ୍ରେସ ଦଳ ସଂପର୍କରେ ଡାକ୍ତର ରାଉତ କୌଣସି ଟିପ୍ପଣୀ ଦେଇନଥିଲେ ।

ସୂଚନା ଯୋଗ୍ୟ ଯେ, କଂଗ୍ରେସ ଡାକିଥିବା ସର୍ବଦଳୀୟ ସଭାରେ ଡାକ୍ତର ରାଉତଙ୍କ ବ୍ୟତୀତ ବହୁଜନ ସମାଜବାଦୀ ପାର୍ଟି ଏବଂ କିଛି ବାମପନ୍ଥୀ ନେତାଙ୍କୁ ଦେଖିବାକୁ ମିଳିଥିଲା । ବିଜେପିକୁ ଚେକ୍ ଦେବାପାଇଁ  କଂଗ୍ରେସ ଅନ୍ୟାନ୍ୟ ଦଳମାନଙ୍କୁ ଏକାଠି କରିବାଲାଗି ଉଦ୍ୟମ କରୁଛି ବୋଲି ଏଥିରୁ ସଂକେତ ମିଳୁଥିବା ଆଲୋଚନା ହେଉଛି ।

ଗତକାଲିର ସଭାରେ ଡାକ୍ତର ଦାମୋଦର ରାଉତ ହିଁ ଆକର୍ଷଣର କେନ୍ଦ୍ରବିନ୍ଦୁ ଥିଲେ ।

   Related Posts