Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଅଜିତ ଡୋଭଲ କହିଲେ, ଭାରତରେ ଥିବା ତାଙ୍କ ଲୋକଙ୍କୁ ଏବେ ପାକିସ୍ତାନୀ ପଚାରୁଛନ୍ତି କ’ଣ ତୁମ ଲାଗି ଚୁଡି ପଠାଯିବ ?

7/09/2019 at 4:14 PM

ଶ୍ରୀନଗର : କାଶ୍ମୀରକୁ ନେଇ ପାକିସ୍ତାନର ବ୍ୟସ୍ତତା ବେଳକୁ ବେଳ ବଢିବାରେ ଲାଗିଛି। ଏବେ କାଶ୍ମୀରରେ ସେଓର ଅମଳ ଋତୁ। ରାଜ୍ୟରୁ ଟ୍ରକ୍ ଟ୍ରକ୍ ସେଓ ବୁହା ହୋଇ ଦେଶର ବିଭିନ୍ନ ସ୍ଥାନକୁ ପହଞ୍ଚୁଛି। ଏଥିରୁ ରାଜ୍ୟର ସେଓ ଚାଷୀବି ବେଶ ଲାଭବାନ  ହେଉଛନ୍ତି। ହେଲେ ପାକିସ୍ତାନୀଙ୍କ ଭାଗ୍ୟରେ ଆଉ କାଶ୍ମୀରର ମିଠା ସେଓ ଯୁଟୁ ନାହିଁ। ଏଣୁ କାଶ୍ମୀରରେ ଥିବା ତାଙ୍କ ଲୋକଙ୍କ ଉପରେ ଏବେ ପାକିସ୍ତାନୀ ଆକ୍କାମାନେ ଖୁବ୍ ଖପ୍ପା ଥିବା କହିଛନ୍ତି ଜାତୀୟ ସୁରକ୍ଷା ପରାମର୍ଷଦାତା ଅଜିତ ଡୋଭଲ।

ପାକିସ୍ତାନରୁ କାଶ୍ମୀରକୁ ସବୁ ପ୍ରକାର ଯୋଗାଯୋଗ ବ୍ୟହତ ହୋଇଛି। ଏଣୁ ସୀମା ସେପାଖରୁ କାଶ୍ମୀରବାସୀଙ୍କ ସହ ପାକ୍   ସମ୍ପର୍କ ସ୍ଥାପନ କରିପାରୁନି। ଏଣୁ  ସୀମାର ୨୦ କିଲୋମିଟର ଅଞ୍ଚଳରେ ଥିବା ଟାୱାରମାନଙ୍କୁ ଏବେ ବାର୍ତ୍ତା ପ୍ରେରଣ ଲାଗି ପାକ୍ ବ୍ୟବହାର କରୁଥିବା ବେଳେ କିଛି ବାର୍ତ୍ତା ଆମେ ଶୁଣିଛୁ ବୋଲି  ଡୋଭଲ କହିଛନ୍ତି । ଏଥିରେ ପାକିସ୍ତାନୀ ଆକାମାନେ କାଶ୍ମୀରରେ ଥିବା ତାଙ୍କ ଲୋକଙ୍କୁ ସେଓ ଟ୍ରକର ମୁଭମେଣ୍ଟ ସମ୍ପର୍କରେ ପଚାରୁଛନ୍ତି। ଟ୍ରକ୍ ଟ୍ରକ୍ ସେଓ ବୁହାହୋଇ ଯାଉଥିବା ବେଳେ ସେମାନେ ସେଠାରେ ରହି କ’ଣ କରୁଛନ୍ତି ବୋଲି ପଚାରୁଛନ୍ତି । ଏଣୁ ସେମାନଙ୍କ ଲାଗି ପାକିସ୍ତାନରୁ ଚୁଡି ପଠାଯିବ କି ବୋଲି ପଚାରୁଥିବା କହିଛନ୍ତି ଡୋଭଲ ।

ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହୃତ ହେବା ପରେ କାଶ୍ମୀରର ସୁରକ୍ଷା କଡାକଡି କରିଦିଆଯାଇଛି। ଏଣୁ କାଶ୍ମୀରରେ ଅସ୍ଥିରତା ସୃଷ୍ଟି ଲାଗି ପାକିସ୍ତାନର ଷଡଯନ୍ତ୍ର କାର୍ଯ୍ୟକାରୀ ହୋଇପାରୁନାହିଁ। ହେଲେ ବି ପାକିସ୍ତାନ ତାର ବଦମାସୀ ବନ୍ଦ କରୁ ନାହିଁ ବୋଲି ଡୋଭଲ କହିଛନ୍ତି। ଭାରତରେ ଅନୁପ୍ରବେଶ କରାଇବା ଲାଗି ସୀମାରେ ୨୩୦ ଜଣ ଆତଙ୍କବାଦୀଙ୍କୁ ପାକ୍ ପ୍ରସ୍ତୁତ ରଖିଛି। ସେମାନଙ୍କ ମଧ୍ୟରୁ କିଛି ଅନୁପ୍ରବେଶ ଉଦ୍ୟମ କରି ଗିରଫ ହୋଇଥିବା ବେଳେ ଆଉ କିଛି ଏନକାଉଣ୍ଟରରେ ପ୍ରାଣ ହରାଇଛନ୍ତି। ତଥାପି ଅନୁପ୍ରବେଶ ଲାଗି ସୀମାରେ ଆତଙ୍କବାଦୀ ଅପେକ୍ଷା କରି ରହିଥିବା କହିଛନ୍ତି ଡୋଭଲ।

ତେବେ ଅନୁଚ୍ଛେଦ ୩୭୦ ପ୍ରତ୍ୟାହାରକୁ ଏବେ ଅଧିକାଂଶ କାଶ୍ମୀରବାସୀ ସମର୍ଥନ କରୁଥିବା ଦେଖାଯାଉଛି ।  ରାଜ୍ୟର ୧୯୯ଟି ପୋଲିସ ଥାନା ମଧ୍ୟରୁ ଏବେ ମାତ୍ର ୧୦ଟି ଥାନା ଅଞ୍ଚଳରେ  କଟକଣା ଲାଗୁ ରହିଛି। ରାଜ୍ୟର ୯୨.୫ ପ୍ରତିଶତ ଅଞ୍ଚଳ ଏବେ ସମସ୍ତ କଟକଣାରୁ ମୁକ୍ତ ଥିବା ବେଳେ ପରିସ୍ଥିତି  ସମ୍ପୁର୍ଣ୍ଣ ସ୍ୱଭାବିକ ଥିବା ଡୋଭଲ କହିଛନ୍ତି। ତେବେ କୌଣସି ପରିସ୍ଥିତିରେ ବି ପାକ୍ ଆତଙ୍କବାଦୀଙ୍କୁ କାଶ୍ମୀରରେ ନିରିହ ଲୋକଙ୍କୁ ଆକ୍ରମଣର ସୁଯୋଗ ଦିଆଯିବ ନାହିଁ ଓ ଏଥି ଲାଗି ଆମେ ସଂକଳ୍ପବଦ୍ଧ ବୋଲି ଡୋଭଲ କହିଛନ୍ତି।  

   Related Posts