Prameya News7

Prameya News7, News7 Odia, Odisha Latest News, Odisha Current Headlines, Odisha News Online

‘ଦାଉଦ କରାଚିରେ ନାହିଁ, ଆତଙ୍କବାଦୀଙ୍କ ଉପରେ ପ୍ରତିବନ୍ଧକ ରିପୋର୍ଟ ମିଛ’, ରାତିରେ ହଁ କହି ସକାଳେ କଥା ବଦଳାଇଲା ପାକିସ୍ତାନ

23/08/2020 at 8:03 AM

ଲାହୋର, ୨୩|୦୮ : ପାକିସ୍ତାନ ପୁଣି ନିଜ ବୟାନ ବଦଳାଇଛି । ଶନିବାର ରାତିରେ ପାକିସ୍ତାନ ତରଫରୁ ୮୮ଜଣ ଆତଙ୍କବାଦୀ ତାଲିକା ଜାରି କରାଯାଇଥିଲା । ଏଥିରେ ଅଣ୍ଡର ଓ୍ୱାର୍ଲଡ୍ ଡନ୍ ଦାଉଦ୍ ଇବ୍ରାହିମର ନାଁ ମଧ୍ୟ ରହିଥିଲା । ଦାଉଦ ଉପରେ ପାକିସ୍ତାନ ପ୍ରତିବନ୍ଧକ ଲଗାଇଥିବା ମଧ୍ୟ ଘୋଷଣା କରିଥିଲା । ଏବେ କିନ୍ତୁ ଦାଉଦ ପାକିସ୍ତାନରେ ନଥିବା ପାକ୍ ବୈଦେଶିକ ମନ୍ତ୍ରାଳୟ କହିଛି ।

ପାକ୍ ବୈଦେଶିକ ମନ୍ତ୍ରାଳୟ ଏକ ବୟାନରେ କହିଛି ଯେ, କିଛି ମିଡିଆ ରିପୋର୍ଟରେ ଦାଉଦ୍ ପାକିସ୍ତାନରେ ଥିବା କୁହାଯାଉଛି । ଏହା ମିଛ । ଭାରତରେ ମଧ୍ୟ କିଛି ଗଣମାଧ୍ୟମ ପାକିସ୍ତାନ ୮୮ଜଣ ଆତଙ୍କବାଦୀଙ୍କ ଉପରେ ପ୍ରତିବନ୍ଧକ ଲଗାଇଥିବା ପ୍ରସାରଣ କରୁଛନ୍ତି । ଯେଉଁଥିରେ କୌଣସି ସତ୍ୟତା ନାହିଁ ।

ସୂଚନାଯୋଗ୍ୟ, ଶନିବାର ବିଭିନ୍ନ ପାକିସ୍ତାନୀ ଗଣମାଧ୍ୟମରେ ପ୍ରକାଶ ପାଇଥିଲା ଯେ, ଏଫଏଟିଏଫ ଗ୍ରେ ଲିଷ୍ଟରୁ ବାହାରକୁ ଆସିବା ପାଇଁ ପାକିସ୍ତାନ ପ୍ରୟାସ କରୁଛି । ତେଣୁ ୮୮ଜଣ ଆତଙ୍କବାଦୀଙ୍କ ଉପରେ ପ୍ରତିବନ୍ଧକ ଲଗାଯାଇଛି । ଏଥିରେ ହାଫିଜ ସୟିଦ, ମସୁଦ ଆଜହର ଓ ଦାଉଦ ଇବ୍ରାହିମ ସମେତ ଅନେକ ଆତଙ୍କବାଦୀ ଥିଲେ ।

   Related Posts