Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

କାଦୁଅ ଫିଙ୍ଗା ସରୁନି- ଗଞ୍ଜାମ ବସ ଟ୍ରାଜେଡି ଘଟଣାରେ ପରିବହନ ବିଭାଗ ଶକ୍ତି ବିଭାଗ ଉପରେ ଦୋଷ ଲଦିଛି

13/02/2020 at 5:46 PM

ଭୁବନେଶ୍ୱର ୧୩।୦୨ – ଗଞ୍ଜାମ ବସ ଟ୍ରାଜେଡି ଘଟଣାରେ କାଦୁଅ ଫିଙ୍ଗା ସରୁନି । ୧୦ ଜଣଙ୍କ ଜୀବନ ଯିବା ଘଟଣାରେ କିଏ ଦାୟୀ ତାକୁ ନେଇ ଚାଲିଛି ଦୋଷ ଲଦା ଲଦି ।

ଶକ୍ତି ବିଭାଗ ଝାଡିଝୁଡି ହେବାକୁ ଚେଷ୍ଟା କରୁଥିବାବେଳେ ପରିବହନ ବିଭାଗ କିନ୍ତୁ ଶକ୍ତି ବିଭାଗ ଉପରେ ଦୋଷ ଲଦିଛି । ସେପଟେ ଆରଡି ବିଭାଗ କୁ ଦୋଷ ଦେଇ ଖସିବାକୁ ଚେଷ୍ଟା କରୁଥିବା ଶକ୍ତି ବିଭାଗକୁ କଡା ଚିଠି ଲେଖି ଗ୍ରାମ୍ୟ ଉନ୍ନୟନ ବିଭାଗ କହିଛି ମନଇଛା ରାସ୍ତାରେ ବିଦ୍ୟୁତ ଖୁଣ୍ଟ ପକାଇବାକୁ ବରଦାସ୍ତ କରାଯିବନି ।

 ଗଞ୍ଜାମ ତୁଳୁରେ ବସ ଟ୍ରାଜେଡି ପାଇଁ ଶକ୍ତି ବିଭାଗକୁ ଘେରିଛନ୍ତି ପରିବହନ ବିଭାଗ ଏବଂ ଗ୍ରାମ୍ୟ ଉନ୍ନୟନ ବିଭାଗ । ବସ ଟ୍ରାଜେଡି ପାଇଁ ପ୍ରଥମେ ନିଜ ମୁଣ୍ଡରୁ ଦୋଷ ଖସାଇବାକୁ ଚେଷ୍ଟା କରିଥିଲା ଶକ୍ତି ବିଭାଗ ।

ତେବେ ଘଟଣାସ୍ଥଳ ପରିଦର୍ଶନ ପରେ ଶକ୍ତି ବିଭାଗ ଆଡକୁ ଆକ୍ଷେପ କରିଛନ୍ତି ଖୋଦ ପରିବହନ ମନ୍ତ୍ରୀ । କହିଛନ୍ତି  ଘଟଣା ସ୍ଥଳକୁ ଦେଖିଲେ ଶକ୍ତି ବିଭାଗ ହିଁ ଦାୟୀ ବୋଲି ଜଣା ପଡୁଛି । ତଦନ୍ତ ରିପୋର୍ଟ ଅନୁଧ୍ୟାନ ପରେ ଜଣା ପଡିବ ପ୍ରକୃତ ଦୋଷୀ କିଏ ।

ସେହପରି ବସ ଟ୍ରାଜେଡି ଘଟଣାରେ ପ୍ରଥମରୁ ଗ୍ରାମ୍ୟ ଉନ୍ନୟନ ବିଭାଗକୁ ପରୋକ୍ଷରେ ଦାୟୀ କରିଥିଲା ଶକ୍ତି ବିଭାଗ । ଆଉ ଏ ହେଉଛି ଗ୍ରାମ୍ୟ ଉନ୍ନୟନ ବିଭାଗର ପାଲଟା ଯୁକ୍ତି ।

ଶକ୍ତି ସଚିବକୁ କଡା ଚିଠି ଲେଖିଛନ୍ତି ଗ୍ରାମ୍ୟ ଉନ୍ନୟନ ବିଭାଗର ସର୍ଵୋଚ୍ଚ ଯନ୍ତ୍ରୀ । ଏଣିକି ବିନା ଅନୁମତିରେ ଗାଁ ରାସ୍ତାରେ ବିଜୁଳି ଖୁଣ୍ଟ ପକାଇ ପାରିବନି ବିଦ୍ୟୁତ ବିଭାଗ । କାମ ଆଳରେ ମନ ଇଛା ରାସ୍ତା ଉପରେ କି ରାସ୍ତା କଡ଼ରେ ଖୁଣ୍ଟ ପକାଯିବାକୁ ଵରଦାସ୍ତ କରାଯିବନି ।

ବିଦ୍ୟୁତ ସରଞ୍ଜାମ ପକାଇବା ଆଗରୁ ସଂପୃକ୍ତ ଗ୍ରାମ୍ୟ ଉନ୍ନୟନ ଡିଭିଜନର ନିର୍ବାହୀ ଯନ୍ତ୍ରୀଙ୍କର ଅନୁମତି ନେଵାକୁ ପଡିବ  ବୋଲି ବିଭାଗ ତାଗିଦ କରି ଲେଖିଛି ।

ଫେବୃୟାରୀ ୯ ତାରିଖରେ ଏହି ଦୁର୍ଘଟଣା ଘଟିଥିଲା , ଯେଉଁଥିରେ ୧୦ ଜଣଙ୍କ ଜୀବନ ହାନି ହୋଇଥିଲା । ତିନି ବିଭାଗର ବୈଠକ ପରେ ୪ ଜଣ ଯନ୍ତ୍ରୀଙ୍କୁ ନିଲମ୍ବନ କରିଛନ୍ତି ସରକାର । ତେବେ ପ୍ରଶ୍ନ ଉଠୁଛି ବିଭାଗ ବିଭାଗ ଭିତରେ ଦୋଷ ଲଦା ଲଦି ଭିତରେ ରାଜ୍ୟର ଯେଉଁସବୁ ସ୍ଥାନରେ ବିପଦପୂର୍ଣ୍ଣ ଭାବେ ବିଦ୍ୟୁତ ତାର ଓହଳି ରହିଛି ସେସବୁର ମରାମତିକୁ ଭୁଲିଯାଉନାହାନ୍ତି ତ?

   Related Posts