Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହାତ ଛାଡିଲେ ପ୍ରଦୀପ ମାଝି, କଂଗ୍ରେସର ପ୍ରାଥମିକ ସଦସ୍ୟ ପଦରୁ ଦେଲେ ଇସ୍ତଫା
  • ||
  • ଟ୍ରକ୍‌କୁ ଧକ୍କା ଦେଲା ଯାତ୍ରୀବାହୀ ବସ୍, ୨ ମୃତ ଓ ୫ ଆହତ
  • ||
  • ବାଇକକୁ ଧକ୍କା ଦେଲା ଟ୍ରକ୍, ଜଣେ ମୃତ : କ୍ଷତିପୂରଣ ଦାବିରେ ଜାତୀୟ ରାଜପଥ ଅବରୋଧ
  • ||
  • ଶିଶୁଙ୍କୁ ଟିକା ପାଇଁ ପ୍ରସ୍ତୁତି ଆରମ୍ଭ, ଶୁକ୍ରବାର ସ୍ୱାସ୍ଥ୍ୟ ଅଧିକାରୀଙ୍କୁ ପ୍ରଶିକ୍ଷଣ ଦେବ କେନ୍ଦ୍ର
  • ||
  • ଶୁକ୍ରବାର ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ, ବିଏସକେଓ୍ୱାଇ ସ୍ମାର୍ଟ କାର୍ଡ ବଣ୍ଟନର କରିବେ ଶୁଭାରମ୍ଭ
  • ||
  • ୨୬ ଯାଏଁ ଶୁଖିଲା ପାଗ : ଧିରେଧିରେ କମିବ ରାତି ତାପମାତ୍ରା, ସକାଳେ କୁହୁଡି
  • ||
  • ମମିତା ମେହେର ହତ୍ୟା ଘଟଣା : ଭୋର୍‌ରେ ଡେମୋ ଦେଖାଇଲା ଅଭିଯୁକ୍ତ ଗୋବିନ୍ଦ ସାହୁ
  • ||

ଆସୁଛନ୍ତି ଟ୍ରମ୍ପ, ସଜେଇ ହେଉଛି ଗୁଜୁରାଟ: ମାତ୍ର ୩ ଘଣ୍ଟା ପାଇଁ ଖର୍ଚ୍ଚ ୧୦୦କୋଟି

15/02/2020 at 4:50 PM

ଅହମ୍ମଦାବାଦ ୧୫|୦୨: ଆସନ୍ତା ୨୪ରେ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋଲାଲ୍ଡ ଟ୍ରମ୍ପ୍ । ଟ୍ରମ୍ପଙ୍କ ସ୍ବାଗତ ଲାଗି ବ୍ୟାପକ ଆୟୋଜନରେ ଲାଗିପଡିଛନ୍ତି ଗୁଜୁରାଟ ସରକାର । ସେ ମାତ୍ର ୩ଘଣ୍ଟା ପାଇଁ ଅହମ୍ମଦାବାଦ ଗସ୍ତ କରିବାର ସୂଚନା ରହିଛି । ତେବେ ଆମେରିକା ରାଷ୍ଟ୍ରପତିଙ୍କ ଗସ୍ତ ପୂର୍ବରୁ ସହରକୁ କିପରି ସୁନ୍ଦର କରାଯିବ ସେନେଇ ଉଭୟ ସରକାର ଲାଗିପଡିଛନ୍ତି । ଏକ ଆକଳନରୁ ଜଣାପଡିଛି ଯେ, ଆମେରିକା ରାଷ୍ଟ୍ରପତିଙ୍କ ଅହମ୍ମଦାବାଦ ଗସ୍ତ ସମୟରେ ୧୦୦କୋଟି ଟଙ୍କା ଖର୍ଚ୍ଚ ହେବ ବୋଲି କୁହାଯାଉଛି । ଏହାକୁ ନେଇ ଗୁଜୁରାଟ ମୁଖ୍ୟମନ୍ତ୍ରୀ ଘୋଷଣା କରିସାରିଛନ୍ତି ।

ଟ୍ରମ୍ପଙ୍କ ଗସ୍ତ ପୂର୍ବରୁ ବିଭିନ୍ନ କାର୍ଯ୍ୟକ୍ରମ ପାଇଁ ଅର୍ଥ ଯେପରି ବାଧକ ନସାଜେ ସେ ସ୍ପଷ୍ଟ କରି ସାରିଛନ୍ତି ମୁଖ୍ୟମନ୍ତ୍ରୀ । ଅହମ୍ମଦାବାଦ ମୁନିସିପାଲ କର୍ପୋରେସନ ଓ ଏଡିଏ ରାସ୍ତାଘାଟ ଓ ସହରର ସୌନ୍ଦର୍ଯ୍ୟକରଣ ପାଇଁ ୧୦୦ କୋଟି ଖର୍ଚ୍ଚ କରିସାରିଲେଣି। ଟ୍ରମ୍ପ ଯେଉଁ ୧.୫ କିମି ରାସ୍ତା ଦେଇ ଗତି କରିବେ ସେହି ରାସ୍ତା ସହ ଅନ୍ୟ ୧୭ଟି ରାସ୍ତା ପାଇଁ ୬୦ କୋଟି ଖର୍ଚ୍ଚ ହୋଇଛି। ଏହି ରାସ୍ତା ମୋଟେରା ଷ୍ଟାଡିୟମକୁ ଯାଇଛି। ଯେଉଁଠି ଟ୍ରମ୍ପ ଅଭିଭାଷଣ ଦେବେ। ତେବେ ମୋଟେରା ଷ୍ଟାଡିୟମ ବିଶ୍ବର ସବୁଠାରୁ ବଡ ଷ୍ଟାଡିୟମ ଭାବେ ନିର୍ମାଣ କରାଯାଉଛି ।

ତେବେ ଖର୍ଚ୍ଚ ହେବାକୁ ଥିବା ଅର୍ଥ ରାଶି ମଧ୍ୟରୁ ଭାରତ ସରକାର ମଧ୍ୟ କିଛି ବହନ କରିବେ ବୋଲି ସୂଚନା ମିଳିଛି। କିନ୍ତୁ ମୁଖ୍ୟ ଖର୍ଚ୍ଚ ରାଜ୍ୟ ସରକାର ବହନ କରିବେ। ଜଣେ ମହାନଗର ଅଧିକାରୀଙ୍କ କହିବାନୁସାରେ, ବଜେଟରେ ସହରର ରାସ୍ତାଘାଟ ମରାମତି ପାଇଁ ମୋଟ ୫୦୦ କୋଟି ଟଙ୍କା ବ୍ୟୟବରାଦ ହୋଇଛି। ଏହାକୁ ମୋଟେରା ଷ୍ଟାଡିୟମ ରାସ୍ତା, ବିମାନ ବନ୍ଦର ଓ ସାବରମତି ଆଶ୍ରମ ରାସ୍ତା ପାଇଁ ଖର୍ଚ୍ଚ କରାଯିବ।

   Related Posts