Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ବଲିଉଡ୍‌କୁ ଟ୍ରମ୍ପଙ୍କ ଉଚ୍ଚ ପ୍ରଂଶସା ,ପସନ୍ଦ ହେଲା ‘ଶୁଭ ମଙ୍ଗଳ ଜ୍ୟାଦା ସାବଧାନ’

ନୂଆଦିଲ୍ଲୀ ୨୨।୦୨:  ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଇଦିନିଆ ଭାରତ ଗସ୍ତରେ ଆସିଛନ୍ତି । ଫେବୃଆରୀ ୨୪-୨୫ ଦୁଇଦିନିଆ ଗସ୍ତରେ ଆସିବେ ଟ୍ରମ୍ପ । ଗୁଜୁରାଟ ମୋଟେରା ଷ୍ଟାଡିୟମରେ ଏକ ବିରାଟ ଜନସଭାକୁ ସମ୍ବୋଧନ କରିବେ ଟ୍ରମ୍ପ । ତେବେ ଭାରତ ଗସ୍ତ ପୂର୍ବରୁ ଭାରତୀୟ ସିନେମା ପ୍ରଂଶାସ କରିଛନ୍ତି ଆମେରିକା ରାଷ୍ଟ୍ରପତି ।

ଭାରତୀୟ ସିନେମା ‘ଶୁଭ ମଙ୍ଗଳ ଜ୍ୟାଦା ସାବଧାନ’କୁ ପ୍ରଶଂସା କରିଛନ୍ତି ଆମେରିକା ରାଷ୍ଟ୍ରପତି । ପରଦାକୁ ଆସିଛି ବହୁପ୍ରତିକ୍ଷିତ ସିନେମା ‘ଶୁଭ ମଙ୍ଗଳ ଜ୍ୟାଦା ସାବଧାନ’ । ୨୦୧୭ ରେ ରିଲିଜ ଶୁଭମଙ୍ଗଲ ସାବଧାନର ସିକ୍ୱେଲ ଭାବେ ନିର୍ମାଣ ହୋଇଛି ଏହି ସିନେମା । ମୁଖ୍ୟ ଭୂମିକାରେ ରହିଛି ଆୟୁଷ୍ମାନ ଖୁରାନା । ସମଲିଙ୍ଗୀ ସଂପର୍କ ଉପରେ ଆଧାରିତ ଏହି ରୋମାଂଟିକ କମେଡି ଫିଲ୍ମ ଗତକାଲି ରିଲିଜ ହେବା ପରେ ଦର୍ଶକ ସିନେମାକୁ ଖୁବ୍ ପସନ୍ଦ କରୁଛନ୍ତି । ଦେଶରେ ସମଲିଙ୍ଗି ସଂପର୍କକୁ ଆଇନସିଦ୍ଧ କରାଯିବା ପରେ ଏଭଳି ଏକ କାହାଣୀକୁ ନେଇ ତିଆରି ହୋଇଛ ଏହି ଫିଲ୍ମ । ଏହି ଫିଲ୍ମର ଥିମକୁ ପ୍ରଶଂସା କରି ଟ୍ୱିଟ କରିଛନ୍ତି ଜଣେ ବ୍ରିଟିଶ ସମାଜସେବୀ । ଯାହାକୁ ରି-ଟ୍ୱିଟ କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।

   Related Posts