Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଯୋଗୀଙ୍କ ମାର୍ଗରେ ଡୋନାଲ୍ଡ ଟ୍ରମ୍ପ, ଜାରି କଲେ ଦଙ୍ଗାକାରୀଙ୍କ ଫଟୋ: ଚିହ୍ନଟ କରିବାକୁ ଲୋକଙ୍କୁ କଲେ ଅପିଲ୍

29/06/2020 at 3:50 PM

ଓ୍ଵାଶିଂଟନ ୨୯।୦୬: ଆମେରିକାରେ ଅଶ୍ଵେତ ଜର୍ଜ ଫ୍ଲଏଡଙ୍କ ମୃତ୍ୟୁ ପରେ ସେଠାରେ ଅଶ୍ଵେତ ଓ ଶ୍ଵେତ ଲୋକ ମିଶି ଦେଶର ଅନେକ ସହରରେ ଜୋରଦାର ପ୍ରଦର୍ଶନ କରିଥିଲେ। ପ୍ରଦର୍ଶନ ଆଳରେ ଜଳାପୋଡା, ଭଙ୍ଗାରୁଜା ଏବଂ ଲୁଟ୍‌ପାଟ୍‌ ମଧ୍ୟ କରିଥିଲେ। ଏଥିରେ କୋଟି କୋଟି ଟଙ୍କାର ସରକାରୀ ଏବଂ ଘରୋଇ ସଂପତ୍ତି ନଷ୍ଟ ହୋଇଛି। ଏବେ ସ୍ଥିତି ଟିକେ ଶାନ୍ତ ପଡିବା ପରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସମସ୍ତ ସିସିଟିଭି ଫୁଟେଜ୍‌ ଏବଂ ଭିଡିଓ ଯାଞ୍ଚ କରି ଚିହ୍ନଟ ହୋଇଥିବା ଲୋକଙ୍କ ଫଟୋ ନିଜର ଟ୍ଵିଟର ହ୍ୟାଣ୍ଡେଲ୍‌ରେ ଟ୍ଵିଟ୍‌ କରିଛନ୍ତି ଏବଂ ଏମାନଙ୍କୁ ଚିହ୍ନଟ କରିବା ପାଇଁ ଲୋକଙ୍କୁ ଅପିଲ୍ କରିଛନ୍ତି।

କୁହାଯାଉଛି ଯେ, ଟ୍ରମ୍ପଙ୍କ ଏହି ଟ୍ଵିଟ୍‌ ଉତ୍ତରପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଦ୍ଵାରା ଦିଲ୍ଲୀ ଦଙ୍ଗା ପରେ ଦଙ୍ଗାକାରୀଙ୍କ ଫଟୋ ଜାରି କରିବା ଶୈଳୀ ପରି ହୋଇଛି। ଉଲ୍ଲେଖନୀୟ ଚଳିତ ବର୍ଷ ଦିଲ୍ଲୀରେ ଭୀଷଣ ଦଙ୍ଗା ହୋଇଥିଲା। ଏଥିରେ ଅନେକ  ଲୋକଙ୍କ ପ୍ରାଣହାନୀ ଘଟିଥିଲା। କୋଟି କୋଟି ଟଙ୍କାର ସରକାରୀ ଏବଂ ବେସରକାରୀ ସଂପତ୍ତି ନଷ୍ଟ ହୋଇଥିଲା। ଦଙ୍ଗାକାରୀ ସରକାରୀ ସଂପତ୍ତିରେ ନିଆଁ ଲଗାଇ ଛାରଖାର କରିଥିଲେ। ଏହି କ୍ରମରେ ଉତ୍ତର ପ୍ରଦେଶରେ ମଧ୍ୟ ଦଙ୍ଗା ଘଟିଥିଲା।

ଏହା ପରେ ଉତ୍ତର ପ୍ରଦେଶର ଯୋଗୀ ଆଦିତ୍ୟନାଥ ସରକାର ଦଙ୍ଗା ଅଞ୍ଚଳରେ ଲାଗିଥିବା ସିସିଟିଭିର ଛାନବିନ୍ କରିଥିଲେ। ମୁହଁରେ କପଡା ବାନ୍ଧି ଭଙ୍ଗାରୁଜା ଏବଂ ଜଳାପୋଡା କରିଥିବା ଲୋକଙ୍କ ପୋଷ୍ଟର ବାହାର କରାଯାଇଥିଲା। ପୋଷ୍ଟରକୁ ସହରର ପ୍ରମୁଖ ସଡକ ଏବଂ ଛକରେ ଲଗାଯାଇଥିଲା। ଏଥିସହ ଏହି ଦଙ୍ଗାକାରୀଙ୍କୁ ଚିହ୍ନଟ କରିବାକୁ ସହରାବାସୀଙ୍କୁ ନିବେଦନ କରାଯାଇଥିଲା। ଯାହାଙ୍କ ଚିହ୍ନଟ ହୋଇଥିଲା, ସେମାନଙ୍କର ଘରକୁ ସଂପତ୍ତିର ଭରଣା ପାଇଁ ନୋଟିସ୍ ପଠାଯାଇଥିଲା।

   Related Posts