ଓ୍ବାଶିଂଟନ୍ ୪।୭: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ଫ୍ଲୋରିଡା ସାରାସୋଟାଠାରେ ଏକ ରାଲି କରିଛନ୍ତି । ଯେଉଁ ରାଲିରେ ସେ ପୁଣିଥରେ ୨୦୨୦ର ଆମେରିକା ନିର୍ବାଚନର ଫଳାଫଳ ଉପରେ ପ୍ରଶ୍ନ କରିଥିଲେ।
ଦେଶ ଚଳାଇବା ପାଇଁ ଜୋ ବିଡେନଙ୍କ ଅଧିକାର ଏବଂ ସାମର୍ଥ୍ୟ ଉପରେ ଟ୍ରମ୍ପ ପୁଣି ଥରେ ପ୍ରଶ୍ନ ଉଠାଇଛନ୍ତି। ଟ୍ରମ୍ପ କହିଛନ୍ତି ଯେ, ଅନ୍ୟ ସିଟିଂ ରାଷ୍ଟ୍ରପତିଙ୍କ ତୁଳନାରେ ଆମ ଦେଶରେ ମୁଁ ଅଧିକ ଭୋଟ୍ ପାଇଛି । ସେ ଓବାମା ହୁଅନ୍ତୁ କି ଅନ୍ୟ କେହି। ସେ ଆହୁରି ପ୍ରଶ୍ନ କରିଛନ୍ତି ଯେ, ମୁଁ ଜାଣେ ନାହିଁ ଜୋ ବିଡେନଙ୍କୁ ? କିଏ ଏହି ଜୋ ବିଡେନ ଯିଏ ଆମ ଦେଶ ଚଳାଉଛନ୍ତି, କେହି ଜାଣନ୍ତି କି ?
ଏଭଳି ଦୃଶ୍ୟ ଏମିତି ଏକ ସମୟରେ ଦେଖିବାକୁ ମିଳିଛି ଯେତେବେଳେ ଟ୍ରମ୍ପ୍ ସଂଗଠନ ଏବଂ ଏହାର ମୁଖ୍ୟ ଆର୍ଥିକ ଅଧିକାରୀ ଆଲେନ୍ ୱିସେଲବର୍ଗ ଟ୍ୟାକ୍ସ ଠକେଇ ମାମଲାରେ ଅପରାଧିକ ମାମଲାରେ ଦୋଷୀ ସାବ୍ୟସ୍ତ ହୋଇପାରିନଥିଲେ।
ତେବେ ପୁଣି ଥରେ ବିନା ପ୍ରମାଣରେ ଓକିଲମାନଙ୍କ ଅନୁସନ୍ଧାନ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ଅଭିଯୋଗ କରିଛନ୍ତି ଟ୍ରମ୍ପ୍ । ସେ କହିଛନ୍ତି, ରିପବ୍ଲିକାନ୍ ପାର୍ଟି ଏଭଳି ଘଟଣା କରାଇଦେବା ଉଚିତ୍ ନୁହେଁ। ଏହା ଆମ ଦେଶ ପାଇଁ ଏକ ବାମପନ୍ଥୀ ଅପମାନ ଏବଂ ଏଥିପାଇଁ କେହି ଠିଆ ହେଉନାହନ୍ତି, ଡେମୋକ୍ରାଟ୍ ମଧ୍ୟ ନୁହଁନ୍ତି।
ତାଙ୍କର ଏହି ରାଲି ୪ ଜୁଲାଇ ସପ୍ତାହନ୍ତରେ ଅନୁଷ୍ଠିତ ହୋଇଥିଲା । ଆସନ୍ତା ବର୍ଷ ପାଇଁ ଆମେରିକାରେ କୌଣସି ନିର୍ବାଚନ ସମୟ ଧାର୍ଯ୍ୟ ହୋଇନଥିବା ବେଳେ ଟ୍ରମ୍ପ ୨୦୨୪ରେ ପୁନଃ ନିର୍ବାଚନ ପାଇଁ ପ୍ରସ୍ତୁତ ହେଉଛନ୍ତି ଏବଂ ଦାବି କରିଛନ୍ତି ଯେ, ଏହା ମୁଁ ଚାହେଁ ନାହିଁ । ଦେଶ ଏହା ଚାହଁଛି । ଆମକୁ ଦେଶର ଯତ୍ନ ନେବାକୁ ପଡିବ। ସ୍ଥାନୀୟ ମିଡିଆ ଚ୍ୟାନେଲ ଫକ୍ସ ନ୍ୟୁଜରେ ଏକ ସାକ୍ଷାତକାରରେ ସେ କହିଛନ୍ତି ଯେ, ଏହା ମଜାଦାର ନୁହେଁ, କ୍ରମାଗତ ଭାବରେ ଲଢୁଛି, ସର୍ବଦା ଲଢିବି।