Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

କରୋନା ଟୀକା ତିଆରି କରିଥିବା ଦାବି କଲା ଆମେରିକା, ଟ୍ରମ୍ପ୍ କହିଲେ ଆମ ପାଖରେ ଏବେ ୨୦ ଲକ୍ଷ ଡୋଜ୍

6/06/2020 at 11:08 AM

ଓ୍ବାଶିଂଟନ୍ ୬।୬: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ, ତାଙ୍କ ଦେଶରେ କରୋନା ମହାମାରୀ ଟୀକା ଆବିଷ୍କୃତ ହୋଇସାରିଛି । ଆମେରିକା ୨୦ ଲକ୍ଷ ଡୋଜ୍ ପ୍ରସ୍ତୁତ କରିଛି ଏବଂ ଏହାର ନିରାପତ୍ତା ସ୍ପଷ୍ଟ ହେବା ମାତ୍ରେ ଏହାର ବ୍ୟବହାର ଆରମ୍ଭ କରିଦିଆଯିବ । ଟ୍ରମ୍ପ ଗଣମାଧ୍ୟମକୁ କହିଛନ୍ତି ଯେ, ଗୁରୁବାର ଦିନ କରୋନା ଟୀକା ବିଷୟରେ ଆମେ ଏକ ବୈଠକ କରିଥିଲୁ । ବୈଠକରେ ଏହା ଜଣାପଡିଥିଲା ​​ଯେ, ଆମେ ଏହା ଉପରେ ବହୁତ ଭଲ କାମ କରିଛୁ । ଆମେ ୨୦ ଲକ୍ଷ ଟୀକା ପ୍ରସ୍ତୁତ କରି ରଖିଛୁ । ବର୍ତ୍ତମାନ ଏହାକୁ ଲୋକଙ୍କ ନିକଟର ପଠାଇବା କାମ ବାକି ରହିଛି ।

ଏହା ବ୍ୟତୀତ ସେ କରୋନାକୁ ନେଇ ଚୀନ୍ କୁ ପୁଣି ଥରେ ଟାର୍ଗେଟ୍ କରିଛନ୍ତି । ଟ୍ରମ୍ପ୍ କହିଛନ୍ତି ଯେ, ଆମେ ବିଶ୍ବର ସବୁଠୁ ବଡ ଅର୍ଥନୀତି, ତେଣୁ କରୋନା ଯୁଦ୍ଧରେ ସଫଳ ହୋଇଛୁ । ଅନ୍ୟପକ୍ଷରେ ଚୀନ୍ ସରକାର କହିଛନ୍ତି ଯେ, ଚଳିତ ବର୍ଷ ଶେଷ ସୁଦ୍ଧା ଏହାର ଟୀକା ବଜାରରେ ଉପଲବ୍ଧ ହେବ ବୋଲି ଆଶାବାଦୀ । ସାରା ବିଶ୍ବରେ କରୋନା ଭାଇରସରୁ ମୁକ୍ତି ପାଇବା ପାଇଁ ୧୦୦ରୁ ଅଧିକ ଟୀକା ଉପରେ ଗବେଷଣା ଏବଂ ପରୀକ୍ଷା ଚାଲିଛି । ଅକ୍ସଫୋର୍ଡ ୟୁନିଭରସିଟି ଦ୍ବାରା ପ୍ରସ୍ତୁତ ଭ୍ୟାକ୍ସିନର କ୍ଲିନିକାଲ୍ ପରୀକ୍ଷା ବହୁତ ଭଲ ଫଳାଫଳ ଦେଇଛି । କମ୍ପାନୀ Moderna Inc କହିଛି ଯେ, ଟୀକାର କ୍ଲିନିକାଲ ଟ୍ରାଏଲ ଦ୍ବିତୀୟ ପର୍ଯ୍ୟାୟରେ ପହଞ୍ଚିଯାଇଛି ।

ସୂଚନାଯୋଗ୍ୟ ଯେ, କରୋନା ସଂକ୍ରମଣରେ ଅଧିକ ପ୍ରଭାବିତ ଦେଶ ତାଲିକାରେ ଭାରତ ବର୍ତ୍ତମାନ ଇଟାଲୀକୁ ପଛରେ ପକାଇ ଷଷ୍ଠ ସ୍ଥାନରେ ରହିଛି । ଏଠାରେ ମୋଟ୍ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୩୦ ହଜାରରୁ ଅଧିକ । ଆମେରିକାର ଜନ୍ ହପକିନ୍ସ ବିଶ୍ବବିଦ୍ୟାଳୟର ସେଣ୍ଟର ଫର ସାଇନ୍ସ ଆଣ୍ଡ ଇଞ୍ଜିନିୟରିଂ (CSSE) ତଥ୍ୟ ଅନୁଯାୟୀ ଶୁକ୍ରବାର ଦିନ ପ୍ରାୟ ୧୦ଟା ୩ ମିନିଟ୍ (ଭାରତୀୟ ସମୟ ଅନୁଯାୟୀ) ପର୍ଯ୍ୟନ୍ତ ଭାରତରେ ମୋଟ୍ କରୋନା ସଂକ୍ରମିତଙ୍କ ସଂଖ୍ୟା ୨,୩୫,୫୪୦ରେ ପହଞ୍ଚିଛି । ଏହି ଭାଇରସ୍ ଯୋଗୁଁ ଏପର୍ଯ୍ୟନ୍ତ ମୋଟ୍ ୬୬୩୭ଲୋକ ପ୍ରାଣ ହରାଇଛନ୍ତି । ଏଥି ସହିତ ୧,୧୨,୭୫୭ ଲୋକ ସୁସ୍ଥ ହେବା ପରେ ଡାକ୍ତରଖାନାରୁ ଘରକୁ ଫେରିଛନ୍ତି ।

   Related Posts