Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦକ୍ଷିଣ ଆଫ୍ରିକା ଗସ୍ତ ପାଇଁ ୧୮ ଜଣିଆ ଭାରତୀୟ ଦଳ ଘୋଷିତ, ଜାଣନ୍ତୁ କେଉଁ କେଉଁ ଖେଳାଳିଙ୍କୁ ମିଳିଲା ସ୍ଥାନ
  • ||
  • ରୋହିତ ଶର୍ମା ହେଲେ ଟିମ ଇଣ୍ଡିଆର ନୂତନ ଦିନିକିଆ ଅଧିନାୟକ, ବିରାଟଙ୍କୁ କେବଳ ଟେଷ୍ଟ ଦାୟିତ୍ଵ
  • ||
  • ଭୁବନେଶ୍ବର : ଗତ ଦୁଇ ବର୍ଷରେ ମାପ ଓ ଓଜନ ନିୟମ ଉଲଂଘନକାରୀଙ୍କଠୁ ଆଦାୟ ହୋଇଛି ୨ କୋଟି ୮୩ ଲକ୍ଷ ଟଙ୍କା : ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ
  • ||
  • ଭୁବନେଶ୍ବର : ଡିସେମ୍ବର ୯ରେ ବିଧାନସଭା ଘେରାଉ କରିବ ବିଜେପି ଯୁବମୋର୍ଚ୍ଚା : ଇରାଶିଷ୍ ଆଚାର୍ଯ୍ୟ
  • ||
  • ଭୁବନେଶ୍ବର : ଡ୍ରଗ୍ସ ମାଫିଆ ଶେଖ୍ ଆଜବାହାର ବାଲେଶ୍ଵର କୋର୍ଟରେ ହାଜର, ରାଜ୍ୟ ବାହାରେ ସମ୍ପତ୍ତି ଥିବା ନେଇ ମିଳିଛି ପ୍ରମାଣ
  • ||
  • ଅନୁଗୋଳ : ଆଖୁ ଖାଇବାକୁ ଆସି କୂଅରେ ଖସିପଡିଲା ଭାଲୁ, ବନ ବିଭାଗ କଲା ଉଦ୍ଧାର
  • ||
  • ଭୁବନେଶ୍ବର : କ୍ରାଇମବ୍ରାଞ୍ଚ ଏସଟିଏଫ୍‌ ଟାର୍ଗେଟ୍‌ରେ ବନ୍ୟପ୍ରାଣୀ ମାଫିଆ, ପ୍ରସ୍ତୁତ ହେଲା ମୋଷ୍ଟ ୱାଣ୍ଟେଡ ତାଲିକା
  • ||
  • ଚେନ୍ନାଇ : ତାମିଲନାଡୁ କୁନ୍ନୁରରେ ସିଡିଏସ୍ ବିପିନ ରାଓ୍ବତଙ୍କ ହେଲିକପ୍ଟର କ୍ରାସ୍
  • ||
  • ଭୁବନେଶ୍ବର : କୃଷି ଋଣ ଛାଡ ସହ ଫସଲ କ୍ଷୟକ୍ଷତି ଲାଗି ସ୍ବତନ୍ତ୍ର ପ୍ୟାକେଜ ଦାବି କଲା କଂଗ୍ରେସ
  • ||
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||

ପଥଭ୍ରଷ୍ଟ ଯୁବପୀଢୀଙ୍କୁ ଘାରିଛି ଡନ୍ ହେବାର ନିଶା, ସୋସିଆଲ୍ ମିଡିଆରେ ଭିଡିଓ ଛାଡି ପତିଆରା କ୍ରେଜ୍‌ରେ ବାୟା

12/11/2021 at 5:28 PM

ଭୁବନେଶ୍ୱର ୧୨।୧୧: ପଥଭ୍ରଷ୍ଟ ଯୁବପୀଢୀଙ୍କୁ ଘାରିଛି ଡନ୍ ହେବାର ନିଶା । ସୋସିଆଲ ମିଡିଆ ସେମାନଙ୍କ ପ୍ରଚାରର ପ୍ଲାଟଫର୍ମ । ଭୁବନେଶ୍ବରରୁ ମାଲକାନଗିରି ସବୁଠି ଦାଦା ହେବାର ନିଶା କରିଛି ବାଉଳା । ସେଲଫି ପରେ ଏବେ ରିଲ୍ ଟ୍ରେଣ୍ଡ । ଖଣ୍ଡା, ବନ୍ଧୁକ ଧରି ସୁଟ୍ କରୁଛନ୍ତି ଦାଦା ଷ୍ଟାଇଲ ଭିଡିଓ । ଭିଲିଆନ୍ ଷ୍ଟାଇଲରେ ଅଶାଳୀନ ଡାଇଲଗ୍ । ଫିଲ୍ମର ଷ୍ଟ୍ରିଟ୍ ଗୁଣ୍ଡାଙ୍କ ଭଳି ଅଙ୍ଗଭଙ୍ଗୀ । ଆମେ ବି ଡନ୍ ।

ରାଜଧାନୀରେ କେବିଏନ୍ ଗ୍ରୁପ୍ । କଟକରେ ଆମାନିଆ ବାଘ ଆଉ ପବ୍ଲିକ୍ ଷଣ୍ଢ । ଟ୍ବିନ୍ ସିଟି ପରେ ବଲାଙ୍ଗୀର ଓ ମାଲକାନଗିରିରେ ବି ଟିନ୍ ଏଜ୍ ଗୁଣ୍ଡା ଆସପିରାଣ୍ଟ । ସୋସିଆଲ ମିଡିଆରେ ଫଟୋ ଭାଇରାଲ୍ । ବଲାଙ୍ଗୀରରେ କିଙ୍ଗ୍ ଗ୍ୟାଙ୍ଗ୍ ଆଉ ମାଲକାନଗିରିରେ ଟେରର ଗ୍ୟାଙ୍ଗ୍ । ନିଶାର ଆସର ତାପରେ ଅଶାଳୀନ ଭାଷା । ଧମକ ଚମକ ପରେ ମାଡ ପିଟ୍ । ସୋସିଆଲ ମିଡିଆରେ ଭିଡିଓ ଛାଡି ପତିଆରା କ୍ରେଜ୍ ରେ ବାୟା ।

କେବିଏନ୍ ଗ୍ରୁପର ୯ ଜଣଙ୍କୁ ଗିରଫ କରିଛି ପୋଲିସ । ୪ ଜଣଙ୍କୁ ରିମାଣ୍ଡରେ ନେବାକୁ ମିଳିଛି ଅନୁମତି । ସେପଟେ କଟକି ଆମାନିଆ ବାଘ ଆଉ ପବ୍ଲିକ୍ ଷଣ୍ଢ ଗ୍ରୁପର ୩ ସଦସ୍ୟଙ୍କୁ ପଚରାଉଚରା କରିଥିଲା ପୋଲିସ । ଲେଡି ଡନ୍ ଷ୍ଟାଇଲରେ ଭିଡିଓ ଛାଡିଥିବା ଯୁବତୀଙ୍କୁ ବି ଥାନାରେ ବସିବାକୁ ପଡିଛି । ତେବେ ଟ୍ବିନ୍ ସିଟିରୁ ଏହି ଟ୍ରେଣ୍ଡ ଅନ୍ୟ ଜିଲ୍ଲାକୁ ଡେଇଁବା ପରେ ପୋଲିସକୁ ଟେନସନ ।

ବଲାଙ୍ଗୀରେ କିଙ୍ଗ୍ ଗ୍ୟାଙ୍ଗ୍ ର ଭିଡିଓ ଭାଇରାଲ୍ ପରେ ତଦନ୍ତ କରୁଛି ପୋଲିସ । ମାଲକାନଗିରିରେ କିନ୍ତୁ ସବୁ ସୀମା ଟପିଯାଇଛି ଏହି ଟିନ୍ ଏଜ୍ ନିଶାସକ୍ତଙ୍କ କାରନାମା । ନିଶାର ଆସରରେ ଛାଡୁଛନ୍ତି ଧୂଆଁ । ଜାବତୀୟ ଖରାପ ଭାଷାରେ ଡାଇଲଗ୍ ମାରୁଛନ୍ତି । ଜଣେ ଯୁବକଙ୍କୁ ଅତି ନିର୍ଦ୍ଦୟ ଭାବେ ପିଟୁଛନ୍ତି । ଏମିତି ଭିଡିଓକୁ ସୋସିଆଲ ମିଡିଆରେ କରିଛନ୍ତି ଭାଇରାଲ୍ ।

ସୋସିଆଲ ମିଡିଆରେ ଏଭଳି ଭାଇରାଲ୍ ଭିଡିଓ ପଛରେ ସତ-ମିଛର ହିସାବ ଅପେକ୍ଷା ଯୁବପୀଢୀଙ୍କ ନିଶାଟା ଚିନ୍ତାଜନକ । ଆଇନଶୃଙ୍ଖଳାକୁ ଆଙ୍ଗୁଠି ଦେଖାଉଥିବା ଏଭଳି ଉଶୃଙ୍ଖଳତା ପୋଲିସ ପାଇଁ ଚ୍ୟାଲେଞ୍ଜ ନିଶ୍ଚୟ । ଯାହାକୁ ଚେକ୍ ଦେବା ଜରୁରୀ ।

   Related Posts