Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଆଗାମୀ ୩ ମାସ ପର୍ଯ୍ୟନ୍ତି ବଦଳିବନି ଘରୋଇ ବିମାନ ଯାତ୍ରୀ ଭଡ଼ା, ଲାଗୁ ହେବ ଅପର ଓ ଲୋଅର ଲିମିଟ୍

29/10/2020 at 10:59 PM

ନୂଆଦିଲ୍ଲୀ ୨୯।୧୦: ଘରୋଇ ବିମାନ ଯାତ୍ରା ଭଡ଼ାରେ ଥିବା ଅପର ଓ ଲୋଅର ଲିମିଟ୍‌ ନଭେମ୍ବର ୨୪ ତାରିଖ ପରେ  ୩ ମାସ ପର୍ଯ୍ୟନ୍ତ ବଳବତ୍ତର ରହିବ। ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀ ଗୁରୁବାର ଏହି ସୂଚନା ଦେଇଛନ୍ତି। ମନ୍ତ୍ରାଳୟ ଗତ ମେ ୨୧ ତାରିଖରେ ୭ଟି ବ୍ୟାଣ୍ଡରେ ଘରୋଇ ବିମାନ ଯାତ୍ରୀ ସେବା ଲାଗି ଅପର ଓ ଲୋଅର ଭଡ଼ା ନିର୍ଦ୍ଧାରିତ କରିଥିଲେ। ଯାହା ଅଗଷ୍ଟ ୨୪ ପର୍ଯ୍ୟନ୍ତ ଲାଗୁ ଥିଲା।

ଏହି ଭଡ଼ା ନିର୍ଦ୍ଧାରଣ ସେତେବେଳେ ଯାତ୍ରୀଙ୍କ ଯାତ୍ରା ଅବଧି ଅନୁସାରେ ନିର୍ଦ୍ଧାରିତ ହୋଇଥିଲା। ତେବେ ପରେ ଧାର୍ଯ୍ୟ ବିମାନ ଭଡ଼ା ନଭେମ୍ବର ୨୪ ତାରିଖ ପର୍ଯ୍ୟନ୍ତ ସମ୍ପ୍ରସାରିତ ହୋଇଥିଲା।  ଏବେ କେନ୍ଦ୍ରମନ୍ତ୍ରୀ ନଭେମ୍ବର ୨୪ ପରେ ୩ ମାସ ପର୍ଯ୍ୟନ୍ତ ଯାତ୍ରୀଙ୍କ ଠାରୁ ଅପର ଓ ଲୋଅର ଲିମିଟ୍ ଅନୁସାରେ ଭଡ଼ା ଅପରିବର୍ତ୍ତିତ ରହିବ ବୋଲି କହିଛନ୍ତି। ଏବେବି ଦେଶରେ ଘରୋଇ ଯାତ୍ରୀ ବିମାନ ସେବା କୋଭିଡ ପୂର୍ବ ପରିସ୍ଥିତିକୁ ଫେରି ନାହିଁ। ତେବେ ବର୍ଷ ଶେଷ ବେଳକୁ ଉଡାଣ ସଂଖ୍ୟା କୋଭିଡ ପୂର୍ବ ସମୟ ସହ ସମାନ ହୋଇଯାଇଥିବ ବୋଲି କହିଛନ୍ତି।

ବିମାନ ଉଡ଼ାଣ ସଂଖ୍ୟା ନିର୍ଦ୍ଧାରିତ ହୋଇଯିବା ପରେ ଯାତ୍ରୀ ଭଡ଼ା ପରିବର୍ତ୍ତନରେ ବିମାନ କମ୍ପାନୀଙ୍କର କୌଣସି ଆପତ୍ତି ରହିବ ନାହିଁ। ଯଦି ବିମାନ ସେବାର ସ୍ତର ଉନ୍ନତ ହୁଏ ଓ ସହଯୋଗୀମାନେ ପୁଣି ୩ ମାସ ପର୍ଯ୍ୟନ୍ତ ଭଡ଼ା ବ୍ୟାଣ୍ଡ ଲାଗୁ କରିବାର ଆବଶ୍ୟକତା ନାହିଁ ବୋଲି କହନ୍ତି ତେବେ ଏହାକୁ ପ୍ରତ୍ୟାହାର କରାଯିବାରେ କୌଣସି ଅସୁବିଧା ନାହିଁ ବୋଲି କହିଛନ୍ତି ପୁରୀ।

ଏପରି ନିର୍ଦ୍ଧାରିତ ହୋଇଛି ଯାତ୍ରୀ ଭଡା
ପ୍ରଥମ ବ୍ୟାଣ୍ଡରେ ସେହି ସବୁ ବିମାନକୁ ସାମିଲ କରାଯାଇଛି ଯେଉଁଗୁଡିକର ଉଡ଼ାଣ ସୀମା ସର୍ବାଧିକ ୪୦ ମିନିଟ୍‌। ପ୍ରଥମ ବ୍ୟାଣ୍ଡରେ ଅପର ଓ ଲୋର ଲିମିଟ୍ କ୍ରମଶଃ ୬ହଜାର ଓ ୨ ହଜାର ଟଙ୍କା। ସେହିପରି ୪୦ରୁ ୬୦ ମିନଟ୍‌ ଲାଗି ଦ୍ୱିତୀୟ ବ୍ୟାଣ୍ଡରେ ଲୋଆର ଲିମିଟ୍ ୨,୫୦୦ ଓ ଅପର ଲିମିଟ୍‌ ୭ ହଜାର ୫୦୦ ଧାର୍ଯ୍ୟ ହୋଇଥିଲା। ୬୦-୯୦ ମିନିଟ୍‌ ଉଡାଣ ଲାଗି ୩ ହଜାର ଓ ୯ ହଜାର, ୯୦ରୁ ୧୨୦ ମିନିଟ୍ ଲାଗି ୩ହଜାର ୫ଶହ ଓ ୧୦ ହଜାର, ୧୨୦-୧୫୦ ମିନିଟ୍‌ ଲାଗି ଲୋଅର ଲିମିଟ୍ ୪ହଜାର ୫୦୦ ଓ ୧୩ ହଜାର ଟଙ୍କା ଭଡା ସ୍ଥରିକୃତ ହୋଇଛି। ସେହିପରି ୧୫୦-୧୮୦ ମିନିଟ୍‌ ଲାଗି ୫ ହଜାର ୫୦୦ ଓ ୧୫ ହଜାର ୭୦୦ ଓ ୧୮୦ରୁ ୨୧୦ ମିନିଟ୍‌ ଉଡାଣ ଲାଗି ୬,୫୦୦ ଓ ୧୮,୬୦୦ ଟଙ୍କା ଧାର୍ଯ୍ୟ ହୋଇଛି।

   Related Posts