Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||
  • ପୃଥିବୀରେ ହେବ ଉଲକା ବର୍ଷା, ଏହି ଦିନ ଆକାଶରେ ଦେଖିବାକୁ ମିଳିବ ଦୁର୍ଲଭ ଦୃଶ୍ୟ…
  • ||

ଆହା​‌ର ବଦଳରେ ପାହାର, ମହିଳାଙ୍କ ମାଡରେ ମା’ କୁକୁର ସହ ଗର୍ଭରେ ଥିବା ଛୁଆ ବି ମଲେ

29/04/2020 at 1:57 PM

ଭୁବନେଶ୍ୱର ୨୯।୦୪: ତାର ଦୋଷ ଥିଲା ଏତିକି, ସେ ଗର୍ଭବତୀ ସହ ଭୋକିଲା ଥିଲା । ଖାଦ୍ୟ ଅନ୍ୱେଷଣରେ ଜଣଙ୍କ ଘର ଦୁଆରମୁହଁରେ ଭୁକୁଥିଲା । ହେଲେ ଆଶା ତା’ର ଆଶାରେ ମଉଳିଗଲା । ଘର ଭିତରୁ ଯମ ସାଜି ମାଡ଼ି ଆସିଲେ ମହିଳା। ଖାଇବାକୁ ଦେବା ବଦଳରେ ଏକ ଲୁହାଛଡ଼ରେ ନିର୍ମମ ଭାବେ ପିଟି ଚାଲିଲେ । ଶେଷରେ ତଳେ ପଡ଼ି ଛଟପଟ ହେବା ପରେ ମହିଳାଙ୍କ ରାଗ ଶାନ୍ତ ହୋଇଥିଲା । ଗୁରୁତର ଅବସ୍ଥାରେ ଗର୍ଭିଣୀ କୁକୁରକୁ ଲୋକେ ଉଦ୍ଧାର କରି ପଶୁ ଡାକ୍ତରଖାନାରେ ଭର୍ତ୍ତି କଲେ । ଡାକ୍ତରଙ୍କ ଚେଷ୍ଟା ସତ୍ୱେ କୁକୁରଟିର ଜୀବନ ବଞ୍ଚାଇ ପାରିନଥିଲେ। ଗର୍ଭରେ ଥିବା ଛୁଆବିମିଗଲା । ଆଉ ଗୋଟିଏ ଛୁଆ ବଞ୍ଚିଗଲା । ଏଭଳି ଖବର ଆଜି ରାଜଧାନୀରେ ଚର୍ଚ୍ଚାର ବିଷୟ ପାଲଟିଛି । ଘଟଣା ଘଟିଛି ଶ୍ରୀଲିଙ୍ଗରାଜ ଥାନା ଅନ୍ତର୍ଗତ ଶ୍ରୀରାମନଗର ଲେନ୍‌-୧୦ରେ ।

ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଗତ ୨୧ ତାରିଖରେ ଗର୍ଭିଣୀ କୁକୁରଟି ଶ୍ରୀରାମନଗର ଲେନ୍‌-୧୦ ସ୍ଥିତ ଜଣେ ମହିଳାଙ୍କ ଘର ସମ୍ମୁଖରେ ଛିଡ଼ା ହୋଇଥିଲା । ଏଥିରେ ବିରକ୍ତ ହୋଇ ମହିଳା ଜଣଙ୍କ ଘରୁ ବାହାରିଆସି ଏକ ଠେଙ୍ଗାରେ କୁକୁରଟିକୁ ଅତି ନିଷ୍ଠୁର ଭାବେ ପିଟି ଚାଲିଲେ । ଫଳରେ କୁକୁରଟି ସେହିଠାରେ ପଡ଼ି ଛଟପଟ ହେବା ସହ ଚିତ୍କାର କରୁଥିଲା । ଏହା ଦେଖି ସ୍ଥାନୀୟ ଲୋକେ ପ୍ରାଣୀ ସୁରକ୍ଷା ସଂଗଠନକୁ ଫୋନ୍‌ କରି ଜଣାଇଥିଲେ । ସଂଗଠନର କର୍ମକର୍ତ୍ତା ପହଞ୍ଚି କୁକୁରଟିକୁ ଗୁରୁତର ଅବସ୍ଥାରେ ଉଦ୍ଧାର କରି ପଶୁ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ କୁକୁରର ଅପରେସନ୍‌ କରାଯାଇ ତା’ ପେଟରୁ ଦୁଇଟି ଛୁଆ ବାହାର କରା ଯାଇଥିଲା । ମାତ୍ର ଚିକିତ୍ସାଧୀନ ଅବସ୍ଥାରେ ମା’ କୁକୁର ଓ ଗୋଟିଏ ଛୁଆ କୁକୁରର ମୃତ୍ୟୁ ଘଟିଥିଲା । ଅନ୍ୟ ଗୋଟିଏ ଛୁଆକୁ ଡାକ୍ତରମାନେ ଅକ୍ଳାନ୍ତ ପରିଶ୍ରମ କରି ବଞ୍ଚାଇ ପାରିଛନ୍ତି।

ପ୍ରାଣୀ ସୁରକ୍ଷା ସଂଗଠନ ପକ୍ଷରୁ ଆଜି ସଂପୃକ୍ତ ମହିଳାଙ୍କ ବିରୋଧରେ ଶ୍ରୀଲିଙ୍ଗରାଜ ଥାନାରେ ଲିଖିତ ଅଭିଯୋଗ କରା ଯାଇଥିଲା । ପୁଲିସ କେସ୍‌ ନଂ-୬୧/୨୦ରେ ଏକ ମାମଲା ରୁଜୁ କରିଛି । ଦଫା ୪୨୯/୨୬୮/ଆଇପିସି ଲଗାଇ ତଦନ୍ତ ଆରମ୍ଭ କରିଛି । ଏଥିସହ ପୁଲିସ ମୃତ ମା’ ଓ ଛୁଆ କୁକୁରର ଶବ ଜବତ କରି ବ୍ୟବଚ୍ଛେଦ କରାଇଥିଲା । ପରେ ୨ କୁକୁରଙ୍କୁ ପୋତି ଦିଆ ଯାଇଥିଲା ।

କରୋନା ପାଇଁ ଲକ୍‌ ଡାଉନ୍‌ରେ ବୁଲା ଗୋରୁଗାଈ ଓ କୁକୁର ଖାଇବାକୁ ପାଉ ନାହାନ୍ତି । ଏହି କ୍ଷୁଧାର୍ଥ ପଶୁଙ୍କ ମୁହଁରେ ପଶୁପ୍ରେମୀମାନେ ବୁଲି ବୁଲି ଖାଦ୍ୟ ଦେଉଛନ୍ତି । ସରକାରଙ୍କ ନିର୍ଦ୍ଦେଶ ପରେ ବିଏମ୍‌ସି ମଧ୍ୟ ଏହି ବୁଲା କୁକୁରଙ୍କୁ ଖାଦ୍ୟ ଯୋଗାଉଛି । ତଥାପି କିଛି ବୁଲା କୁକୁର ଖାଦ୍ୟ ପାଇଁ ଡହଳବିକଳ ହେଉଛନ୍ତି । ସେମାନଙ୍କ ପ୍ରତି ଦୟା ମନୋଭାବ ନ ଦେଖାଇ ନିଷ୍ଠୁର ସାଜି ଏଭଳି ପିଟି ମାରିବା ଘଟଣାକୁ ସମସ୍ତେ ଘୋର ନିନ୍ଦା କରିଛନ୍ତି ।

   Related Posts