Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଅପରେସନ ଥିଏଟରରୁ ବାହାରି ପାରିଲାନି ଶିଶୁ : ମାରିଦେଲା କୁକୁର

15/01/2020 at 3:00 PM

ଫାରୁଖାବାଦ ୧୫/୧: ଉତ୍ତରପ୍ରଦେଶର ଫାରୁଖାବାଦ ଜିଲ୍ଲାରେ ଏକ ଘରୋଇ ହସ୍ପିଟାଲର ଓଟି (ଅପରେସନ ଥିଏଟର)ରେ ପଶି ଗୋଟିଏ କୁକୁର ଏକ ନବଜାତକକୁ ଝୁଣି ମାରିଦେବା ଘଟଣା ଆଲୋଡନ ସୃଷ୍ଟି କରିଛି । ଅଭିଯୋଗ ପରେ ଜିଲ୍ଲା ମାଜିଷ୍ଟ୍ରେଟ ମାନବେନ୍ଦ୍ର ସିଂହଙ୍କ ନିର୍ଦ୍ଦେଶରେ ଉକ୍ତ ହସ୍ପିଟାଲକୁ ସିଲ୍‌ କରିଦିଆଯାଇଛି । ଗତ ସୋମବାର ଏହି ଅଭାବନୀୟ ଘଟଣା ଘଟିଛି । ଉକ୍ତ ହସ୍ପିଟାଲ ବିନା ସ୍ୱୀକୃତି ଓ ପଞ୍ଜୀକରଣରେ ଚାଲିଥିବା ଅଭିଯୋଗ ମଧ୍ୟ ହୋଇଛି ।

ସୂଚନା ମୁତାବକ ସଦର ଥାନାରେ କରାଯାଇଥିବା ଅଭିଯୋଗ ଅନୁସାରେ ନବଜାତ ଶିଶୁର ପିତା ରବିକୁମାର ତାଙ୍କ ପତ୍ନୀ କାଞ୍ଚନଙ୍କୁ ପ୍ରସବ ପାଇଁ ସୋମବାର ଏହି ହସ୍ପିଟାଲରେ ଭର୍ତ୍ତି କରିଥିଲେ । ସେହିଦିନ ଅସ୍ତ୍ରୋପଚାର ମାଧ୍ୟମରେ ତାଙ୍କର ଏକ ଶିଶୁପୁତ୍ର ଜନ୍ମ ହୋଇଥିଲା । କାଞ୍ଚନଙ୍କୁ ୱାର୍ଡକୁ ସିଫ୍ଟ କରାଯାଇଥିଲା ବେଳେ ପରେ ଶିଶୁପୁତ୍ରକୁ ସିଫ୍ଟ କରାଯିବ ବୋଲି ଡାକ୍ତର ଓ ନର୍ସମାନେ କହିଥିଲେ ।

ଓଟିରେ ଶିଶୁପୁତ୍ର ରହିଥିଲା । ପ୍ରାୟ ୧ ଘଣ୍ଟା ପରେ ଶିଶୁଟିର ମୃତ୍ୟୁ ଘଟିଥିବା ନେଇ ରବିକୁମାରଙ୍କୁ ସୂଚନା ଦିଆଯାଇଥିଲା । ପରିବାର ଲୋକେ ଓଟିକୁ ଯିବା ସମୟରେ ସେଠାରେ ନର୍ସମାନେ ଏକ କୁକୁରକୁ ଘଉଡାଉଥିବା ଦେଖିଥିଲେ । ଓଟି ଭିତରେ ଚଟାଣରେ ଶିଶୁପୁତ୍ରଟି ପଡିଥିଲା ବେଳେ ତାର ବେକ ଓ ଶରୀରର ବିଭିନ୍ନ ସ୍ଥାନରେ କାମୁଡା ଦାଗ ଓ ଖଣ୍ଡିଆ ଚିହ୍ନ ରହିଥିଲା । ଫଳରେ ପରିବାର ଲୋକେ ଶିଶୁଟିକୁ କୁକୁର କାମୁଡି ମାରିଦେଇଥିବା ବିଶ୍ୱାସ କରିଥିଲେ । ପୁଲିସ ମୃତ ଶିଶୁଟିକୁ ଜବତ କରିବା ସହ ପ୍ରସୂତି ବିଭାଗର ଡାକ୍ତର ମୋହିତ ଗୁପ୍ତା ଓ କିଛି ନର୍ସଙ୍କ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଅନ୍ୟପକ୍ଷରେ ହସ୍ପିଟାଲର ମାଲିକ ବିଜୟ ପଟେଲ କହିଛନ୍ତି ସେ ଏ ବିଷୟରେ କିଛି ଜାଣନ୍ତି ନାହିଁ । ମୃତ ଶିଶୁପୁତ୍ର ଜନ୍ମ ହୋଇଥିବା ତାଙ୍କୁ କୁହାଯାଇଥିଲା ।

   Related Posts