ଡେନମାର୍କ ୨୨।୦୬: ଚାରିଆଡେ ଏବେ କରୋନା ନେଇ ହାହାକାର ଦେଖାଦେଇଛି । ବିଶ୍ୱରେ ମହାମାରୀର ରୂପ ନେଇସାରିଲାଣି କରୋନା । ଏହି ମହାମାରୀରେ ଅନେକ ଲୋକ ଏଥିରେ ଆକ୍ରାନ୍ତ ହେଉଥିବା ବେଳେ ଅନେକ ମଧ୍ୟ ମୃତ୍ୟୁବରଣ କରୁଛନ୍ତି । ଡେନମାର୍କରେ ଏକ କୁକୁର କରୋନା ସଂକ୍ରମିତ ହୋଇଥିବା ଜଣାପଡିଛି ।
ଡେନମାର୍କର ପରିବେଶ ଏବଂ ଖାଦ୍ୟ ମନ୍ତ୍ରଣାଳୟ ଏକ ପ୍ରେସ ବିଜ୍ଞପ୍ତି ଜାରି କରିଛି । ପ୍ରେସ୍ ବିଜ୍ଞପ୍ତିରେ କହିଛି ଯେ, ଡେନମାର୍କରେ କୋଭିଡ -୧୯ରେ ଗୋଟିଏ କୁକୁର ସଂକ୍ରମିତ ହୋଇଛି। ସେହିପରି ଗତ ସପ୍ତାହରେ ଦୁଇଟି ଉତ୍ତର ଜୁଟଲ୍ୟାଣ୍ଡର କୋଭିଡ -୧୯ ସଂକ୍ରମଣ ବିଷୟରେ ଅଧିକାରୀମାନେ ମଧ୍ୟ ଜାଣିବାକୁ ପାଇଛନ୍ତି। ସମାଚାର ଏଜେନ୍ସି ଜିନହୁଆର ରିପୋର୍ଟ ଅନୁଯାୟୀ ସଂକ୍ରମିତ କୁକୁରଟି ଉତ୍ତର ଜଟଲ୍ୟାଣ୍ଡ ଫାର୍ମର ମାଲିକଙ୍କର ଅଟେ । ଯେଉଁଠାରେ ନିକଟରେ ୪୬ଟି ଓଧଙ୍କ ଠାରେ ଗୋଷ୍ଠୀକୁ ସଂକ୍ରମଣ ହୋଇଛି । ଉଭୟଙ୍କଠାରୁ ନିଆଯାଇଥିବା ନମୁନାଗୁଡିକରେ ଓଧମାନେ ସଂକ୍ରମିତ ହୋଇଥିବା ଜଣାପଡିଛି।
ଖାଦ୍ୟ ଏବଂ ମତ୍ସ୍ୟଚାଷ ମନ୍ତ୍ରୀ ମୋଗେନ ଜେନସେନ୍ ଶନିବାର ଏକ ପ୍ରେସ ବିବୃତ୍ତିରେ କହିଛନ୍ତି ଯେ, ଫାର୍ମରେ ଥିବା କୁକୁର ଏବଂ ତାଙ୍କ ମାଲିକମାନେ ଘର ଓ ବାହାରେ ଥିବା ଲୋକମାନଙ୍କ ଠାରୁ ଦୂରେଇ ରହିବା ଉଚିତ୍ । ଏହାସହ ସ୍ୱଚ୍ଛତା ଉପରେ ମଧ୍ୟ ଧ୍ୟାନ ଦେବା ଉଚିତ୍ । ଏହାପୂର୍ବରୁ ଗୁରୁବାର ଦିନ ପଶ୍ଚିମ ଡେନମାର୍କର ଉତ୍ତର ଜଟଲ୍ୟାଣ୍ଡର ଏକ ଫାର୍ମରେ ୧୧,୦୦୦ ଓଧଙ୍କ ଠାରେ କୋଭିଡ୍ ସଂକ୍ରମଣ ଦେଖାଯିବା ପରେ ସେମାନଙ୍କୁ ସତର୍କତାମୂଳକ ପଦକ୍ଷେପ ନେଇ ହତ୍ୟା କରାଯାଇଥିଲା। ବର୍ତ୍ତମାନ ସମୟରେ ଏହି ଫାର୍ମରେ ପ୍ରାଣୀଙ୍କ ପ୍ରବେଶ ଉପରେ ନିଷେଧ କରାଯାଇଛି । କେବଳ ଅଳ୍ପ ଲୋକଙ୍କୁ ପ୍ରବେଶ କିମ୍ବା ପ୍ରସ୍ଥାନ କରିବାକୁ ଅନୁମତି ଦିଆଯାଇଛି । ଓଧମାନଙ୍କ ଉପରେ ସଂକ୍ରମଣ ବ୍ୟାପୁଥିବାର ଦେଖି ଡେନମାର୍କ ସରକାର ସାରାଦେଶରେ ୧୨୦ଟି ଫାର୍ମ ଚିହ୍ନିତ କରିଛନ୍ତି । ସେଠାରେ ତାଙ୍କର ପରୀକ୍ଷା କରାଯିବ ।
