ବାରିପଦା ୨୪।୧୧: ପୁଣି ଡାକ୍ତରଖାନାରେ ରୋଗୀଙ୍କ ସଂପର୍କୀୟଙ୍କୁ ଦୁର୍ବ୍ୟବହାର ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ବାରିପଦା ସ୍ଥିତ ପଣ୍ଡିତ ରଘୁନାଥ ମୁର୍ମୁ ମେଡିକାଲରେ ।
{"id":189163,"sizeSlug":"large"}ସୂଚନାଯୋଗ୍ୟ ଯେ, ସ୍ଥାନୀୟ ଶୁନଗଡିଆ ସ୍ଥିତ ବାସନ୍ତୀ ମୁଖିଙ୍କ ଶରୀର ଅସୁସ୍ଥ ହେବାରୁ ତାଙ୍କୁ ପିଆରଏମ୍ ମେଡିକାଲର ୩ନଂ ରେଡକ୍ରସ୍ କ୍ୟାବିନରେ ଭର୍ତ୍ତି କରାଯାଇଥିଲା । କିନ୍ତୁ ଗତକାଲି ରାତି ପ୍ରାୟ ସାଢେ ୧୨ଟା ସମୟରେ ବାସନ୍ତୀଙ୍କର ଶରୀର ଅଧିକ ଅସୁସ୍ଥ ହୋଇପଡିଥିଲା । ପରିବାର ଲୋକେ ବ୍ୟସ୍ତ ହୋଇ ଡାକ୍ତରଙ୍କ ସହାୟତା ଲୋଡିଥିଲେ । ଏପରିକି ବାସନ୍ତୀଙ୍କ ଝିଅ ମାଧୁରୀ ଡାକ୍ତରଖାନାରେ ଜଣେ ୪ର୍ଥ ଶ୍ରେଣୀ କର୍ମଚାରୀ । ତେବେ ମଧ୍ୟରାତ୍ରରେ ଡାକିବାରୁ ହଠାତ୍ ଉତକ୍ଷିପ୍ତ ହୋଇ ପଡିବା ସହିତ ମାଧୁରୀଙ୍କୁ ନାନା ଅସ୍ରାବ୍ୟ ଭାଷାରେ ଗାଳିଗୁଲଜ ମଧ୍ୟ କରିଥିଲେ ବୋଲି କହନ୍ତି ବାସନ୍ତୀ ଏବଂ ତାଙ୍କ ପରିବାର ଲୋକେ।
{"id":189164,"sizeSlug":"large"}ତେବେ ଯଦି ଖୋଦ୍ ଜଣେ ଡାକ୍ତରଖାନାର କର୍ମଚାରୀଙ୍କୁ ଏଭଳି ବ୍ୟବହାରର ଶିକାର ହେବାକୁ ପଡୁଛି, ତେବେ ଆଦିବାସୀ ଅଧ୍ୟୁଷିତ ଜିଲ୍ଲାର ସାଧାରଣ ଜନତା କିଭଳି ବ୍ୟବହାର ପାଇବା ସହିତ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବେ ତାହା ସହଜରେ ଅନୁମାନ କରାଯାଇପାରେ।