Wednesday, December 11, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମୃତ୍ୟୁ ଏମିତି ବି ଆସେ: ନିଜ ବୋମାରେ ନିଜେ ମଲା ଦୁର୍ଦ୍ଦାନ୍ତ ଅପରାଧୀ ଚରଣ ରାଉତ

ଭଞ୍ଜନଗର୧୫|୭: ନିଜ ବୋମାରେ  ନିଜେ ମଲା ଦୁର୍ଦ୍ଦାନ୍ତ ଅପରାଧୀ ଚରଣ ରାଉତ । ଭଂଜନଗର କଣ୍ଟେଇପଲି ଛକରୁ ଗୋରୁ ବ୍ୟବସାୟୀଙ୍କ ଠାରୁ ଲକ୍ଷାଧିକ ଟଙ୍କା ଲୁଟ୍‌ କରି ସହଯୋଗୀଙ୍କ ସହ ଫେରାର ହୋଇ ଯାଉଥିଲେ । ହଠାତ ବାଇକ୍‌ରୁ ପଡିଯିବାରୁ ପକେଟେରେ ଥିବା ବୋମା ପୁଠିଥିଲା। ଯେଉଁଥିରେ ଚରଣର ମୃତ୍ୟୁ ହୋଇଛି । ଅନ୍ୟ ୫ଜଣ ଦୁର୍ବୁତ ଘଟଣା ସ୍ଥଳରୁ ଫେରାର ହୋଇଯାଇଛନ୍ତି । 

ମୃତ୍ୟୁ ଏମିତି ବି ଆସେ। ଯେଉଁ ବୋମା ପର ପାଇଁ ରଖିଥିଲେ ସେଇଥିଲେ ଗଲା ଜୀବନ। ପକେଟ୍‌ରେ ଥିବା ବୋମା ନିଜପାଇଁ ହିଁ ହେଲା କାଳ ।  ବିସ୍ଫୋରଣରେ ପ୍ରାଣ ହରାଇଲା ପେଷାଦାର ଅପରାଧୀ ଚରଣ ରାଉତ ।  ଏଭଳି ଅଭାବନୀୟ ଘଟଣା ଘଟିଛି ଭଞ୍ଜନଗର ଥାନା ଡହ ଛକ ନିକଟରେ ।

ଗୋରୁ ବେପାରୀଙ୍କ ଠାରୁ  ଲକ୍ଷାଧିକ ଟଙ୍କା ଲୁଟ୍‌ କରି ୩ଟି ବାଇକ୍‌ରେ  ଖସିଯିବାକୁ ଚେଷ୍ଟା କରୁଥିଲେ  ୬ଦୁର୍ବୃତ୍ତ ।  ପୋଲିସ୍‌ ଦୁର୍ବୁତ୍ତମାନଙ୍କୁ ପିଛା କରୁଥିଲା । ହଠାତ ଭଞ୍ଜନଗର ଡହ ଛକ୍‌ ନିକଟରେ ବାଇକ୍‌ରୁ ଚରଣ ରାଉତ ଖସିପଡିବାଥିଲା। ଏହି ସମୟରେ ପକେଟ୍‌ରେ ଥିବା ବୋମା ବିସ୍ଫୋରଣ ହୋଇଥିଲା ।  ବିସ୍ଫୋରଣରେ ଗୁରୁତର ଆହତ ହୋଇଥିଲା ଚରଣ।  କିଛି ସମୟ ପରେ ହିଁ ତାର ମୃତ୍ୟୁ ହୋଇଥିଲା । ମୃତ ଚରଣ ରାଉତ ନାଁରେ ବିଭିନ୍ନ ଥାନାରେ ସଂଗୀନ ମାମଲା ରହିଛି ।

ପୋଲିସର ମୋଷ୍ଟ ୱାଣ୍ଟେଡ଼ କ୍ରିମିନାଲ ତାଲିକାରେ ତାର ନାଁ ଥିଲା । ୨୦୧୬ରେ ଏକ ଗୁଳିକାଣ୍ଡ ଘଟଣାରେ ସେ ସଂପୃକ୍ତ ଥିଲା। ଘଟଣା ସ୍ଥଳରୁ  ଅନ୍ୟ ୫ଦୁର୍ବୃତ ଫେରାର ହୋଇଯିବା ସହ ତିନିଟ୍‌ ବାଇକ୍‌ ଗୋଟିଏ ଦେଶି ବନ୍ଧୁକ ୨୧ହଜାର ଟଙ୍କା ଜବତ କରିଛି ଭଞ୍ଜନଗର ପୋଲିସ ।

ଚରଣ ରାଉତରର ମୃତଦେହକୁ ପୋଲିସ ପୋଷ୍ଟମର୍ଟମ ପାଇଁ ପଠାଇଛି ।  ଭଞ୍ଜନଗର ପୋଲିସ  ଓ ଗାଙ୍ଗପୁର ପୋଲିସ ଘଟଣାର ମିଳିତ ତଦନ୍ତ କରୁଛନ୍ତି ।

526 Views

   ସମ୍ବନ୍ଧିତ ଖବର