ଯାଜପୁର ୨୮।୨: ଡକାୟତି କରିବାକୁ ଆସି ଘରେ ଛାଡିଦେଇଗଲେ ଭୁଜାଲି ଓ ବନ୍ଧୁକ । ଯାଜପୁର ଜିଲ୍ଲା ବଡଚଣା ବ୍ଲକ କୁନ୍ଦଳ ପଞ୍ଚାୟତ କୁନ୍ଦଳ ଗାଁରେ ଏଭଳି ଘଟଣା ସାମ୍ନାକୁ ଆସିଛି ।
ସୂଚନାଯୋଗ୍ୟ ଯେ, ଗତକାଲି ରାତିରେ ଯାଜପୁର ଜିଲ୍ଲା ବଡଚଣା ବ୍ଲକ କୁନ୍ଦଳ ପଞ୍ଚାୟତ କୁନ୍ଦଳ ଗାଁର ଦୋକଡି ରାଉତଙ୍କ ଘରେ କିଛି ଡକାୟତ ଡକାୟତି କରିବାକୁ ଆସିଥିଲେ । ତେବେ ଘର ଲୋକ ଉଠିଯିବା ପରେ ସେମାନେ ସେଠାରୁ ଫେରାର ହୋଇଯାଇଥିଲେ । ଘରେ ଭୁଜାଲି ଓ ଏକ ବନ୍ଧୁକ ଛାଡି ପଳାଇଥିବା ଜଣାପଡିଛି । ଆଜି ବଡଚଣା ପୋଲିସ ଘଟଣାସ୍ଥଳକୁ ଯାଇ ଭୁଜାଲି ଓ ବନ୍ଧୁକ ଜବତ କରି ତଦନ୍ତ ଆରମ୍ଭ କରିଛି ।
