Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ନକଲି ନାମରେ ବଲିଉଡରେ ରାଜ କରୁଛନ୍ତି ଏହିସବୁ ଷ୍ଟାର, ଜାଣନ୍ତୁ ଏମାନଙ୍କର ଅସଲ ପରିଚୟ

19/06/2019 at 9:30 PM

ନାମ ମେଁ କ୍ୟା ରଖା ହୈ ….ଆପ୍ତ ବାକ୍ୟର ବାସ୍ତବରେ କିଛି ନା କିଛି ସତ୍ୟାସତ୍ୟ ନିଶ୍ଚିତ ଅଛି । ନ ହେଲେ ପିଲାଟି ଦିନରୁ ବାପା, ଜେଜେ, ଭାଇ,ଭଉଣୀ ସାଙ୍ଗ ସାଥୀ ଆଦରରେ ଡାକି ଆସିଥିବା ନାଁ ବଦଳେ କାହିଁକି ଲୋକେ ଅନ୍ୟ ନାମରେ ପରିଚିତ ହେଉଥାନ୍ତେ?  ହୁଏତ ସେହି ଆଦରର ନାଁରେ ନଥିଲା ଆକର୍ଷଣ, ଯଦି ବି କିଛି ଥିଲା ତାହା ବି ସେମାନଙ୍କୁ ସଫଳ କରିବାରେ ଯଥେଷ୍ଟ ନଥିଲା। ଏଣୁ ସଫଳତା ପାଇଁ ସେମାନଙ୍କୁ ଯେଉଁ ନାମ ଦେଇଦିଆଗଲା ଆଜି ସେଥିରେ ସେମାନେ ଆକାଶ ଛୁଉଁଛନ୍ତି।   ଏହି ଭଳି ଜଣେ ବ୍ୟକ୍ତିତ୍ବ ଭାବେ ବଲିଉଡ ବିଗ-ବିଙ୍କୁ ଆଜି ଆମେ ଚର୍ଚ୍ଚାର ପ୍ରସଙ୍ଗ କରିପାରିବା। ଆମେ ଯେଉଁନାମରେ ବଲିଉଡ ଷ୍ଟାରମାନଙ୍କୁ ଜାଣିଛେ ବାସ୍ତବରେ ସେମାନଙ୍କର ନାମସବୁ ସେଇଆ ନୁହେଁ। ଜାଣିଲେ ଆଶ୍ଚର୍ଯ୍ୟ ହେବେ ଆମେ ବିଗ-ବି କହୁଥିବା ବଲିଉଡ ସୁପରଷ୍ଟାର ଅମିତାଭଙ୍କର ମଧ୍ୟ ଏହା ଅସଲି ନାମ ନୁହେଁ। କେବଳ ଅମିତାଭ ନୁହନ୍ତି ବଲିଉଡରେ ଏଭଳି ଅନେକ କଳାକାର ଅଛନ୍ତି ଯେଉଁମାନଙ୍କୁ ଡୁପ୍ଲିକେଟ୍ ନାମ ସେମାନଙ୍କ ବ୍ୟକ୍ତିତ୍ବକୁ  ଦେଇଛି  ଅସଲ ପରିଚୟ । ତେବେ ଆସନ୍ତୁ ଜାଣିବା ବଲିଉଡର ସେହିସବୁ ତାରକାଙ୍କ ଅସଲି ନାମ ଯାହା ଆଜି ପର୍ଯ୍ୟନ୍ତ  ଆମେ ଜାଣିନେ ବା କେବେ ଜାଣିବାକୁ ଚାହିଁନେ।

ଏଥିରେ ସର୍ବପ୍ରଥମେ ନିଆଯାଇପାରେ ବଲିଉଡ ସୁପରଷ୍ଟାର ଅମିତାଭଙ୍କ ନାମ। ଯାହାଙ୍କୁ ଏପର୍ଯ୍ୟନ୍ତ ଆମେ ପରଦାରେ ଅମିତାଭ ବଚ୍ଚନ ନାମରେ ଦେଖି ଆସିଛେ ତାହା କିନ୍ତୁ ତାଙ୍କର ସ୍କ୍ରିନ ନେମ। ତେବେ ତାଙ୍କର ବାସ୍ତବ ନାମ ହେଉଛି ଇନକିଲାବ ଶ୍ରୀବାସ୍ତବ। କ’ଣ ଆଶ୍ଚର୍ଯ୍ୟ ଲାଗୁଛି ନା । ଆଶ୍ଚର୍ଯ୍ୟ ହେଲେ ବି ସତ୍ୟ ଅମିତାଭ ହିଁ ଇନକିଲାବ। ହେଲେ ପରଦାରେ କିନ୍ତୁ ସେ ଅମିତାଭ ନାମରେ ବେଶ ସଫଳ। ଏହି ନାମରେ ତାଙ୍କୁ ମିଳିଛି ନଭଶ୍ଚୁମ୍ବି ସଫଳତା।  

ସେହିପରି ଅମିତାଭଙ୍କ ସହ ଅଭିନୟ କରି ସଫଳ ହୋଇଥିବା ଚିରସବୁଜ ନାୟିକା ରେଖାଙ୍କର ମଧ୍ୟ ଏହା ନିଜର ଅସଲି ନାମ ନୁହେଁ। ପରଦାରେ ସଫଳ ହୋଇଥିବା ନାମ ପଛରେ ଥିବା ତାଙ୍କ ଅସଲି ନାମଟି ହେଉଛି ଭାନୁରେଖା ଗଣେଶନ। ପ୍ରଖ୍ୟାତ ତାମିଲ ଅଭିନେତା ରାମାସାମୀ ଗଣେଶନ ଓରଫଜେମିନି ଗଣେଷନଙ୍କ କନ୍ୟା ହେଉଛନ୍ତି ରେଖା ଗଣେଶନ।

ସେହିପରି ଆକ୍ସନ ହିରୋ ରୂପେ ପରଦାରେ ସଫଳ ହୋଇଥିବା ଅଜୟ ଦେବଗନଙ୍କର ମଧ୍ୟ ଏହା ପରଦା ନାମ। ତାଙ୍କର ଅସଲି ନାମ କିନ୍ତୁ କିଛି ଅନ୍ୟ। ସ୍କୁଲ ଓ କଲେଜରେ ବିଶାଲ ଦେବଗନ ଭାବେ ଦୀର୍ଘ ବର୍ଷ ଧରି ପରିଚିତ ଥିବା ଏହି କଳାକାର ସିନେମା ପରଦାକୁ ଆସିବା ମାତ୍ରେ ବଦଳିଯାଇଥିଲା ତାଙ୍କ ନାଁ। ସେ ବିଶାଲରୁ ହୋଇଯାଇଥିଲେ ଅଜୟ.. ଅଜୟ ଦେବଗନ। ପ୍ରଥମ ଫିଲ୍ମ ହିଟ୍ ହେବା ପରଠାରୁ ସେ ଅଜୟ ହୋଇ ରହିଛନ୍ତି ବଡପରଦାରେ ।  ସେହିପରି ପରଦାର ଖିଲାଡି କୁମାରଙ୍କ ନାମ ମଧ୍ୟ ଅସଲି ନୁହେଁ। ତାଙ୍କ ବାସ୍ତବ ନାମ ଥିଲା ରାଜୀବ ହରିଓଁ ଭାଟିଆ। ହେଲେ ପରଦା ନାମର ସଫଳତା ଅନୁସାରେ ଚିହ୍ନଟ ହୋଇଥିଲେ ଅକ୍ଷୟ କୁମାର ଭାବେ।

ସେହିପରି ଆଉଜଣେ କଳାକାର ହେଉଛନ୍ତି ସନି ଲିଓନି। ଭାରତୀୟ ବଂଶୋଦଭବ ଏହି ଆମେରିକୀୟ କଳାକାରଙ୍କ ନାମ ହେଲା କରନଜିତ୍ ସିଂ ବୋହରା। କିନ୍ତୁ ସନି ଲିଓନି ଭାବେ ଏବେ ସେ ବେଶ୍ ଜଣାସୁଣା। ତେବେ ହାଲ ନାମରେ ସେମାନଙ୍କ ଜୀବନକୁ ଫେରିବାଟା ଏବେ ଆଉ ଉଚିତ ମନେ କରାଯଏନି।

   Related Posts