Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କନ୍ୟା ସଂକ୍ରାନ୍ତିରେ କରନ୍ତୁ ସୂର୍ଯ୍ୟ ଦେବତାଙ୍କ ଉପାସନା : ଆରମ୍ଭ ହେବ ଅନୁକୂଳ ସମୟ

15/09/2020 at 10:43 AM

ସୂର୍ଯ୍ୟ ଦେବତା ଗୋଟିଏ ରାଶିରେ ଗୋଟିଏ ମାସ ରହିଥାନ୍ତି। ସୂର୍ଯ୍ୟ ଦେବତାଙ୍କ ସିଂହ ରାଶିରୁ କନ୍ୟା ରାଶିରେ ଗୋଚର କରିବା କନ୍ୟା ସଂକ୍ରାନ୍ତି କୁହାଯାଇଥାଏ। ଏହି ସଂକ୍ରାନ୍ତିକୁ ସ୍ନାନ,ଦାନ ଏବଂ ପିତୃପୁରୁଷଙ୍କ ତର୍ପଣ ପାଇଁ ବହୁତ ଶୁଭ ବୋଲି କୁହାଯାଇଥାଏ। କନ୍ୟା ସଂକ୍ରାନ୍ତିକୁ ଅନୁକୂଳ ଅବଧିର ଆରମ୍ଭର ପ୍ରତୀକ ବୋଲି କୁହାଯାଇଥାଏ। ସୂର୍ଯ୍ୟ ଦେବତା ଆଶ୍ବିନ ମାସରେ ରାଶି ପରିବର୍ତ୍ତନ କରିବାର କାରଣରୁ ଏହି ସଂକ୍ରାନ୍ତିକୁ ଆଶ୍ବିନ ସଂକ୍ରାନ୍ତି ନାମରେ ମଧ୍ୟ ଜଣାଯାଇଥାଏ। ସଂକ୍ରାନ୍ତିର ପୁଣ୍ୟକାଳ ବିଶେଷ ବୋଲି କୁହାଯାଇଥାଏ ଏବଂ ଏହି ପୁଣ୍ୟକାଳରେ ପବିତ୍ର ନଦୀରେ ସ୍ନାନ କରିବାର ବିଶେଷ ମହତ୍ତ୍ବ ରହିଛି।

 ପ୍ରତ୍ୟେକ ସଂକ୍ରାନ୍ତିରେ ନିଜର ଭିନ୍ନ ଭିନ୍ନ ମହତ୍ତ୍ବ ରହିଥାଏ। କନ୍ୟା ସଂକ୍ରାନ୍ତି ମଧ୍ୟ ବିଶେ​‌ଷ ହୋଇଥାଏ। କନ୍ୟା ସଂକ୍ରାନ୍ତି ଅବସରରେ ଭଗବାନ ବିଶ୍ବକର୍ମାଙ୍କ ଉପାସନା କରାଯାଇଥାଏ। ଭଗବାନ ବିଶ୍ବକର୍ମାଙ୍କ ଉପାସନା ଦ୍ବାରା କାର୍ଯ୍ୟକ୍ଷମତା ବୃଦ୍ଧି ହୋଇଥାଏ। କାର୍ଯ୍ୟକ୍ଷେତ୍ର ଏବଂ ବ୍ୟବସାୟରେ ଆସୁଥିବା ସମସ୍ତ ସମସ୍ୟା ଦୂର ହୋଇଯାଇଥାଏ। ଧନ ଏବଂ ବୈଭବ ପ୍ରାପ୍ତି ହୋଇଥାଏ। କନ୍ୟା ସଂକ୍ରାନ୍ତି ପଶ୍ଚିମ ବଙ୍ଗ ଏବଂ ଓଡ଼ିଶାରେ ବିଶେଷ ଭାବେ ପାଳନ କରାଯାଇଥାଏ। ବିଶ୍ବାସ ରହିଛି ଯେ ଯଦି କନ୍ୟା ସଂକ୍ରାନ୍ତି ଦିନ ପୂରା ବିଧି ବିଧାନ ସହ ସୂର୍ଯ୍ୟ ଦେବତାଙ୍କ ପୂଜା ଅର୍ଚ୍ଚନା କରାଯାଏ ତେବେ ଜୀବନର ସମସ୍ତ କଷ୍ଟ ଦୂର ହୋଇଯାଇଥାଏ। କନ୍ୟା ସଂକ୍ରାନ୍ତିରେ ଅଭାବୀ ଲୋକଙ୍କୁ ନିଶ୍ଚିତଭାବେ ସହାୟତା କରନ୍ତୁ। ସୂର୍ଯ୍ୟ ଦେବତା ବୁଧ ପ୍ରଧାନ କନ୍ୟା ରାଶିରେ ଯିବେ। ଏଭଳି କନ୍ୟା ରାଶିରେ ବୁଧ ଏବଂ ସୂର୍ଯ୍ୟଙ୍କ ମିଳନ ହେବ। ଏଥିରେ ବୁଦ୍ଧାଦିତ୍ୟ ଯୋଗର ନିର୍ମାଣ ହେବ।

   Related Posts