Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋଟିଏ ରାତିରେ ୨ଟି ଘରୁ ଲୁଟ୍, ନେଇଗଲେ ୬ ଭରି ସୁନା ଓ ଲକ୍ଷାଧିକ ଟଙ୍କା
  • ||
  • ଉଦ୍ଧାର ହେଲା ବିରାଟ ହରିଣ, ଓଜନ ୧ କ୍ୱିଣ୍ଟାଲ, ପେଟରେ ଗଭୀର କ୍ଷତ
  • ||
  • ସୁବର୍ଣ୍ଣପୁର : ରାସ୍ତା କଡରେ ପଡି କାନ୍ଦୁଥିଲା ନବଜାତ ଶିଶୁ, ଉଦ୍ଧାର କଲେ ଦମ୍ପତ୍ତି
  • ||
  • ହାଇଦର ସହଯୋଗୀ ୟାକୁବର ଆତ୍ମସମର୍ପଣ, SCBରେ ହାଇରଦରକୁ ଭେଟିଥିଲା ୟାକୁବ
  • ||
  • ଚମକ ହରାଉଛି ସୁନା : ପୁଣି କମିଲା ଦାମ୍, ୧୦ ହଜାର ଟଙ୍କା ହେଲାଣି ଶସ୍ତା
  • ||
  • ଗଜପତି : ଘାରିଲା କରୋନା ଭୟ, ଆଜିଠୁ ଗଜପତି ଜିଲ୍ଲାର ସବୁ ସୀମା ସିଲ୍
  • ||
  • ନୀଳଗିରି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଚାନ୍ଦବାଲି : ମାସ୍କ ଚେକିଂ ନାଁରେ ୨ ଯୁବକଙ୍କୁ ଗୁଡେଇ ତୁଡେଇ ପିଟିଲା ପୋଲିସ, ସୋସିଆଲ୍ ମିଡିଆରେ ଭିଡିଓ ଭାଇରାଲ୍
  • ||
  • ଜଳେଶ୍ବର : ଓଭରବ୍ରିଜ୍ ଓ୍ବାଲ୍‌କୁ ଧକ୍କା ଦେଇ ଓଲଟିଲା ବୋଲେରୋ, ୬ ଗୁରୁତର
  • ||
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୨୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||

ପୁରୀ ସମୁଦ୍ରକୂଳରୁ ମିଳିଥିବା ନରକଙ୍କାଳର ଡିଏନଏ ଟେଷ୍ଟ ହେବ, ତା ପରେ ଖୋଜାଯିବ ମୃତ୍ୟୁର କାରଣ

17/09/2018 at 5:54 PM

ପୁରୀ ୧୭|୯: ପୁରୀ ସମୁଦ୍ରକୂଳରୁ ମିଳିଥିବା ନରକଙ୍କାଳର ଡିଏନଏ ଟେଷ୍ଟ ହେବ । ହେଲେ ତା’ ପୂର୍ବରୁ ଭୁବନେଶ୍ବର ଫୋରେନସିକ୍ ଲ୍ୟାବ୍ରୁ ଏ ନେଇ କିଛିଟା ସୁରାକ୍ ମିଳିବ ବୋଲି ଆଶା କରାଯାଉଛି । ମିଳିଥିବା ନରକଙ୍କାଳଟି ଭୁବନେଶ୍ବରର ଜଣେ ଯୁବକ ମାନସ ଦାସଙ୍କର ବୋଲି ତାଙ୍କ ପରିବାର ଲୋକେ ଚିହ୍ନଟ କରିଥିଲେ ମଧ୍ୟ ଡିଏନ୍‌ଏ ଟେଷ୍ଟ ନଆସିଲେ ପୋଲିସ କିଛି କରିପାରିବନି ।
ନରକଙ୍କାଳ ଦେହରେ ପାଉଁସିଆ ରଙ୍ଗର ପ୍ୟାଣ୍ଟ୍ । କଳାରଙ୍ଗର ବେଲଟ୍ ଦେଖି କଙ୍କାଳଟି ଭୁବନେଶ୍ବରର ମାନସ ଦାସଙ୍କର ବୋଲି ପରିବାର ଲୋକେ ଗତକାଲି ଚିହ୍ନଟ କରିଥିଲେ । ହେଲେ ଅସଲ ପରିଚୟ ଜାଣିବାକୁ ପୋଲିସ ଅପେକ୍ଷା କରିଛି ଫରେନ୍ସିକ୍ ଲ୍ୟାବ୍ ଟେଷ୍ଟ ରିପୋର୍ଟକୁ । ବେଳାଭୂମିରୁ ମିଳିଥିବା ଏକ ମୋବାଇଲ ସମ୍ପର୍କରେ ତନାଘନା କରିବାକୁ ଯାଇ ଏହି ନରକଙ୍କାଳ ପାଖରେ ପହଞ୍ଚିଥିଲା ପୋଲିସ ।
ମାନସଙ୍କ ପରିବାରର ସୂଚନା ଅନୁସାରେ ଗଲା ୨୭ ତାରିଖରେ ପାରିବାରିକ ଅଶାନ୍ତି ଯୋଗୁଁ ମାନସ ଘରୁ ବାହାରି ଯାଇଥିଲେ । ୩ଦିନ ଧରି ପୁରୀର ଏକ ଲଜରେ ରହିଥିଲେ । ତାଙ୍କ ପାଖରେ ଥିବା ମୋବାଇଲ ବନ୍ଦ ରହିଥିଲା ।ତେବେତେ ତେବେ ମାନସକୁ କେହି ମାରି ପୁରୀ ସମୁଦ୍ରକୂଳରେ ଫିଙ୍ଗି ଦେଇଥିବା ପରିବାର ଲୋକେ ଅଭିଯୋଗ କରିଛନ୍ତି । ହେଲେ ପ୍ରକୃତରେ ମିଳିଥିବା ନରକଙ୍କାଳ ମାସନ ଦାସଙ୍କ କି ନୁହେଁ ତାହା ଡିଏନଏ ଟେଷ୍ଟ ପରେ ହିଁ ସ୍ପଷ୍ଟ ହୋଇପାରିବ ।
୨୭ରୁ ଘର ଛାଡ଼ି ଆସିଥିବା ମାନସଙ୍କ ସମ୍ପର୍କରେ ମଞ୍ଚେଶ୍ବର ଥାନାରେ ଏକ ମିସିଂ ରିପୋର୍ଟ ଦିଆଯାଇଥିଲା । ଏନେଇ ତଦନ୍ତ କରୁଥିଲା ପୋଲିସ । ତେବେ ମିଳିଥିବା ମୋବାଇଲରୁ ପୋଲିସକୁ ମିଳିଥିଲା ସୁରାକ୍ । ୭ତାରିଖ ପର୍ଯ୍ୟନ୍ତ ସେଇ ମୋବାଇଲରୁ ମାନସ ଘରଲୋକ ଏବଂ ସାଙ୍ଗସାଥୀଙ୍କ ସହ ଚାର୍ଟିଂ କରିଥିବା ଜଣାପଡ଼ିଥିଲା ।
ପରିବାର ଲୋକଙ୍କ ଦ୍ବାରା ନର କଙ୍କାଳ ଚିହ୍ନଟ ପରେ ଘଟଣାର ରହସ୍ୟ ଉପରୁ ପରଦା ଖୋଲିବା ପୋଲିସ ପାଇଁ ଚାଲେଂଜ ହୋଇପଡ଼ିଛି । ଏମିତିରେ ଏବେ ଅପେକ୍ଷା ଫୋରେନସିକ୍ ଲ୍ୟାବ୍ର ଟେଷ୍ଟ ରିପୋର୍ଟକୁ । ଦରକାର ପଡ଼ିଲେ କଙ୍କାଳ ଡିଏନଏ ଟେଷ୍ଟ ମଧ୍ୟ କରାଯିବ । ଥରେ କଙ୍କାଳଟି ମାନସ ଦାସଙ୍କର ବୋଲି ସ୍ପଷ୍ଟ ହେଲେ ପୁଣି ମୃତ୍ୟୁର କାରଣ ସହ ଏଥିରେ ସଂପୃକ୍ତ ଅଭିଯୁକ୍ତଙ୍କୁ ଖୋଜିବ ପୋଲିସ ।

   Related Posts