Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ତାମିଲନାଡୁ ପଞ୍ଚାୟତ ନିର୍ବାଚନରେ ଶାସକ AIADMKକୁ ଝଟ୍‌କା, ୫ ହଜାର ୯୦ ୱାର୍ଡରୁ ୧୮୯୫ DMK ଝୁଲିରେ

3/01/2020 at 4:35 PM

ଚେନ୍ନାଇ ୩।୧:  ତାମିଲନାଡୁ ଗ୍ରାମପଞ୍ଚାୟତ ନିର୍ବାଚନ ଫଳାଫଳ ମିଳିବାରେ ଲାଗିଲାଣି। ୨ଟି ପର୍ଯ୍ୟାୟରେ ହୋଇଥିବା ନିର୍ବାଚନରେ ଶାସକ ଏଆଇଏଡିଏମକେକୁ ଝଟକା ଲାଗିଛି। ବିରୋଧୀ ଡିଏମକେ ଓ ମେଣ୍ଟ ଦଳମାନେ ଅଧାରୁ ଅଧିକ ୱାର୍ଡ ହାତେଇ ନେଇଛନ୍ତି। ପଞ୍ଚାୟତ ନିର୍ବାଚନରେ ୫ହଜାର ୯୦ ୱାର୍ଡ ଲାଗି ନିର୍ବାଚନ ହୋଇଥିବା ବେଳେ ଏଥିରୁ ଶାସକ ଏଆଇଏଡିଏମକେର ୧ ହଜାର ୫୨୮ ଜଣ ୱାର୍ଡ ମେମ୍ବର ନିର୍ବାଚିତ ହୋଇଛନ୍ତି। ଅପରପକ୍ଷେ ଡିଏମକେ ପ୍ରାର୍ଥୀମାନେ ୧ହଜାର ୮୯୫ଟି ୱାର୍ଡ ହାତେଇନେଇଛନ୍ତି।

ତାମିଲନାଡୁ ବିଧାନସଭା ଉପନିର୍ବାଚନର ସଫଳତାକୁ ନେଇ ଶାସକ ଏଆଇଏଡିଏମକେ ପଞ୍ଚାୟତ ନିର୍ବାଚନର ସଫଳତା ଲାଗି ବେଶ୍ ଆଶାବାଦୀ ଥିଲା। ତେବେ ପଞ୍ଚାୟତ ନିର୍ବାଚନରେ ଦଳର ଚିତ୍ର ବଦଳିଯାଇଛି। ତେବେ ନିର୍ବାଚନର ଏଭଳି ଫଳାଫଳକୁ ନେଇ ଏଆଇଡିଏମକେ କେନ୍ଦ୍ର ସରକାରଙ୍କ ନୂଆ ନାଗରିକ ଆଇନ ହୁଏତ ଦାୟି ବୋଲି ଆକଳନ କରୁଛନ୍ତି। ସିଏଏକୁ ବିରୋଧ କରି ହୁଏତ ସଂଖ୍ୟାଲଘୁ ସମୁଦାୟଙ୍କ ଭୋଟ ହ୍ରାସ ହୋଇଥିବାର ଏଆଇଡିଏମକେ କାର୍ଯ୍ୟକର୍ତ୍ତା କହିଛନ୍ତି।

ତେବେ ଏଆଇଏଡିଏମକେ ମୁଖ୍ୟ ଆବାହକ ତଥା ଉପମୁଖ୍ୟମନ୍ତ୍ରୀ ଓ ପନିର ସେଲଭମ ଜନତାଙ୍କ ନିଷ୍ପତ୍ତିକୁ ତାଙ୍କ ଦଳ ସ୍ୱାଗତ କରୁଥିବା କହିଛନ୍ତି। ନିର୍ବାଚନ ଭୋଟ ଗଣତି ଏପର୍ଯ୍ୟନ୍ତ ଶେଷ ହୋଇନାହିଁ। ଏବେବି ୭୬ହଜାର ୭୪୬ଟି ଗ୍ରାମପଞ୍ଚାୟତର ୱାର୍ଡମେମ୍ବର ଭୋଟ ଗଣତି ଜାରି ରହିଥିବା ବେଳେ ୯ ହଜାର ୬୨୪ପଞ୍ଚାୟତ ସଭାପତି ପଦବୀ ଲାଗି ଭୋଟ ଗଣତି ଜାରି ରହିଛି।      

   Related Posts