Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

କଠୋର ହେବ ଡ୍ରାଇଭିଂ ଲାଇସେନ୍ସ ପ୍ରଦାନ ପ୍ରକ୍ରିୟା, ଏଲଏଲ ଟେଷ୍ଟ ସେଣ୍ଟରରେ ଲାଗିବ ସିସିଟିଭି, ଟଚ୍ ସ୍କ୍ରିନରେ ପରୀକ୍ଷା ଦେବେ ଆବେଦନକାରୀ

19/12/2020 at 9:37 AM

କଟକ,୧୯/୧୨: ଆଉ କାମ ଦେବନି ଦଲାଲଙ୍କ ରାଜ୍ । ଆରଟିଓ ଅଫିସରେ ବିନା ପରୀକ୍ଷାରେ ମିଳିବନି ଲର୍ଣ୍ଣିଂ ଲାଇସେନ୍ସ । ଡ୍ରାଇଭିଂ ଲାଇସେନ୍ସ ପ୍ରଦାନ ପ୍ରକ୍ରିୟା ଏଣିକି ଅଧିକ କଠୋର ହେବ । ଲାଇସେନ୍ସ ପ୍ରଦାନରେ ଯେମିତି କୌଣସି କୋହଳ କିମ୍ବା ଅନିୟମିତତା ନହୁଏ ତାର ତଦାରଖ ପାଇଁ ପ୍ରତ୍ୟେକ ଆର୍‌ଟିଓର ଲର୍ଣ୍ଣିଂ ଲାଇସେନ୍ସ (ଏଲ୍‌ଏଲ୍‌) ପରୀକ୍ଷା କେନ୍ଦ୍ରରେ ସିସିଟିଭି କ୍ୟାମେରା ଲଗାଯିବ । ଆସନ୍ତା ଡିସେମ୍ବର ସୁଦ୍ଧା ଏହି କାର୍ଯ୍ୟ ଶେଷ ହେବ ବୋଲି ଜଣାପଡିଛି । ଏଥିସହ ଲର୍ଣ୍ଣିଂ ଲାଇସେନ୍ସ ପାଇଁ ଆବେଦନକାରୀମାନେ ଟଚ୍‌ସ୍କିନ୍‌ କମ୍ପ୍ୟୁଟରରେ ପରୀକ୍ଷା ଦେବେ ବୋଲି ରାଜ୍ୟ କମିସନର କର୍ତ୍ତୃପକ୍ଷ (ଏସ୍‌ଟିଏ) ପକ୍ଷରୁ ଜାରି ହୋଇଥିବା ବିଜ୍ଞପ୍ତିରେ ପ୍ରକାଶ ପାଇଛି ।

ଜାରି ହୋଇଥିବା ବିଜ୍ଞପ୍ତିରେ କୁହାଯାଇଛି ଯେ, ରାଜ୍ୟର ୩୮ଟି ଆଞ୍ଚଳିକ ପରିବହନ କାର୍ଯ୍ୟାଳୟ (ଆର୍‌ଟିଓ)ରେ ସିସିଟିଭି କ୍ୟାମେରା ଲଗାଯିବ । ଏହାର ଭିଡିଓ ଫୁଟେଜ୍‌ ଏସ୍‌ଟିଏ ଦ୍ୱାରା ପରିଚାଳିତ ହେବ । ଏହାଦ୍ୱାରା ପରୀକ୍ଷାରେ ସ୍ୱଚ୍ଛତା ବଜାୟ ରହିବ । କଟକ ଆର୍‌ଟିଓ କେନ୍ଦ୍ରର ଏଲଏଲ୍‌ ଟେଷ୍ଟ ପାଇଲଟ୍‌ ବେସିସ୍‌ରେ ପବ୍ଲିକ୍‌ ଡୋମେନ୍‌ରେ ରହିବ । ଯାହାଦ୍ୱାରା ଜଣେ ବ୍ୟକ୍ତି ଘରେ ବସି ମଧ୍ୟ ଏଲ୍‌ଏଲ୍‌ ଟେଷ୍ଟରେ ଅନ୍ୟ ଜଣେ ବ୍ୟକ୍ତି କ’ଣ ପାଇଁ ବିଫଳ ହେଲେ ତାହା ଜାଣିପାରିବେ ।

ସେହିପରି ପୂର୍ବରୁ ଏଲ୍‌ଏଲ୍‌ ପରୀକ୍ଷା ପାଇଁ ୧୦ଟି ପ୍ରଶ୍ନ ରହିଥିଲାବେଳେ ଏବେ ତାହାକୁ ୨୦କୁ ବୃଦ୍ଧି କରାଯାଇଛି । ଏଣିକି ମାଉସ୍‌ ବ୍ୟବହାର ନକରି ପରୀକ୍ଷାର୍ଥୀମାନେ ଟଚ୍‌ସ୍କ୍ରିନ୍‌ କମ୍ପ୍ୟୁଟରରେ ପରୀକ୍ଷା ଦେବେ ବୋଲି ମଧ୍ୟ କୁହାଯାଇଛି ।

ଆହୁରି ମଧ୍ୟ ବିଜ୍ଞପ୍ତିରେ କୁହାଯାଇଛି ଯେ, ୨୦୨୧ ମାର୍ଚ୍ଚ ସୁଦ୍ଧା ଟଚ୍‌ସ୍କ୍ରିନ୍‌ କମ୍ପ୍ୟୁଟର ପ୍ରତ୍ୟେକ ଆର୍‌ଟିଓରେ ରହିବ । ପ୍ରତ୍ୟେକ ଆର୍‌ଟିଓରେ ଥିବା କିଓସ୍କୋରେ ଏଲ୍‌ଏଲ୍‌ ପରୀକ୍ଷା ଦେବା ପୂର୍ବରୁ ପରୀକ୍ଷାର୍ଥୀମାନେ ମକ୍‌ ଟେଷ୍ଟ୍‌ (ଅଭ୍ୟାସ ପରୀକ୍ଷା) କରିପାରିବେ । ଏଲ୍‌ଏଲ୍‌ ଟେଷ୍ଟକୁ ଯିବା ପୂର୍ବରୁ କିଓସ୍କୋରେ ଥିବା ପ୍ରଶ୍ନପତ୍ର ସମ୍ପର୍କରେ ପରୀକ୍ଷାର୍ଥୀମାନେ ଜାଣିବା ଉଚିତ୍‌ ବୋଲି ଏସ୍‌ଟିଏ ପକ୍ଷରୁ କୁହାଯାଇଛି । ଏତତ୍ ବ୍ୟତୀତ ଡିଏଲ୍‌ (ଡ୍ରାଇଭିଂ ଲାଇସେନ୍ସ) କେନ୍ଦ୍ରରେ ଆସନ୍ତା ୩୧ ସୁଦ୍ଧା ସିସିଟିଭି ଲାଗିବ ବୋଲି ପରିବହନ କମିସନର ସଞ୍ଜୀବ ପଣ୍ଡା ଟୁଇଟ୍‌ କରି ସୂଚନା ଦେଇଛନ୍ତି ।

   Related Posts