ଢେଙ୍କାନାଳ, ୦୭/୧୧: ପରିତ୍ୟକ୍ତ କୂଅରୁ ଉଦ୍ଧାର ହେଲା ମୃତଦେହ । ଗତ ୩ ତାରିଖରେ ନିଖୋଜ ଜଣେ ଯୁବକଙ୍କ ଗଳିତ ମୃତଦେହକୁ ଏକ କୂଅରୁ ଉଦ୍ଧାର କରାଯାଇଛି ।
ସଦର ଥାନା ବୋରାପଦା ଗ୍ରାମ ନିକଟସ୍ଥ କୂଅରେ ଏହି ମୃତଦେହ ପଡିଥିବା ଦେଖିବାକୁ ମିଳିଥିଲା । ମୃତକ ହେଲେ ବୋରାପଦାର ପୀତବାସ ଦାସ । ଗତ ୩ ତାରିଖରେ ପୀତବାସଙ୍କୁ ସଂଘବଦ୍ଧ ଭାବେ ହତ୍ୟା କରାଯାଇଥିଲା । ଏହାପରେ ତାଙ୍କ ମୃତଦେହକୁ ଦୁର୍ବୃତ୍ତମାନେ କୂଅରେ ଫିଙ୍ଗି ଦେଇଥିବା ଜଣାପଡିଛି । ପୋଲିସ ୩ ଦିନ ଧରି ଖୋଜିବା ପରେ ରବିବାର ମୃତଦେହ ଠାବ କରିଛି ।
