ଭଦ୍ରକ୧୪/୪: ଲକ୍ଡାଉନ୍ରେ କାର୍ଯ୍ୟନିର୍ବାହୀ ଅଧିକାରଙ୍କୁ ନିଲମ୍ବନ କଲେ ଭଦ୍ରକ ଜିଲ୍ଲାପାଳ। ସରକାରୀ ଅନୁଦାନ ହିତାଧିକାରୀଙ୍କୁ ଦେବା ସମୟରେ ସାମାଜିକ ଦୂରତ୍ବ ଅବଲମ୍ବନ କରିନଥିବା ଅଭିଯୋଗରେ ତାଙ୍କୁ ନିଲମ୍ବନ କରାଯାଇଛି। ନିଲମ୍ବିତ ଅଧିକାରୀ ଜଣଙ୍କ ହେଉଛି ଧାମନଗର ବ୍ଲକ କଲ୍ୟାଣୀ ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ।
ସେହିପରି ଲକଡାଉନ୍ ନିୟମ ଉଲଙ୍ଘନ ଅଭିଯୋଗରେ ୮ ଜଣଙ୍କୁ ଗିରଫ ସହ ଗୋଟିଏ ଚାରି ଚକିଆ ଯାନକୁ ଜବତ କରିଛି ଭଦ୍ରକ ଟାଉନ ପୋଲିସ। ରାତି ସମୟରେ ଅମାନିଆ ଭାବେ ସହରରେ ବୁଲୁଥିବା ବେଳେ ପୋଲିସ ଏମାନଙ୍କୁ ଗିରଫ କରିଥିଲା।
