କେନ୍ଦ୍ରାପଡା ୧୮/୮: କେନ୍ଦ୍ରାପଡା ସହରରୁ ହଟିବ ଜବରଦଖଲ । ଜବରଦଖଲରେ ଥିବା ସରକାରୀ ଜାଗାକୁ ନେଇ ସହରର ସୌନ୍ଦର୍ଯ୍ୟକରଣ କରାଯିବ । ଏଥିପାଇଁ ଜିଲ୍ଲାପ୍ରଶାସନ ପ୍ରସ୍ତୁତି ଆରମ୍ଭ କରିଦେଇଛି । ସରକାରୀ ଜାଗାକୁ ମାଡିବସିଥିବା ବ୍ୟକ୍ତିଙ୍କ ବିରୁଦ୍ଧରେ ବି ନିଆଯିବ ଦୃଢ କାର୍ଯାନୁଷ୍ଠାନ । ସହରର ତିନିମୁହାଣୀ, ମହିପାଳ, ବସଷ୍ଟାଣ୍ଡ, ସାଆନ୍ତ ସାହି, ବଳଗଣ୍ଡି, ଖଡିଅଙ୍ଗ ଓ ଇଛାପୁର ପ୍ରଭୃତି ଅଞ୍ଚଳରେ ଜବରଦଖଲରେ ଥିବା ଅନେକ ଜାଗାକୁ ଏହା ଭିତରେ ଚିହ୍ନଟ କରାଯାଇଛି।
{"id":145685}କେନ୍ଦ୍ରାପଡା ପୌରାଞ୍ଚଳରେ ଜବରଦଖଲ ପାଲଟିଛି ମୁଖ୍ୟ ସମସ୍ୟା।ସହରର ବିଭିନ୍ନ ସରକାରୀ ପ୍ଲଟ୍ ଦୀର୍ଘ ବର୍ଷ ଧରି ଜବରଦଖଲକାରୀଙ୍କ କବଜାରେ । ଏହି ସବୁ ସ୍ଥାନରେ ବ୍ୟବସାୟିକ ପ୍ରତିଷ୍ଠାନ ଗଢି ଉଠିଛି । କେତେକ ସ୍ଥାନରେ ହୋଇଛି ସ୍ଥାୟୀ ନିର୍ମାଣ । ଜବରଦଖଲ ପାଇଁ ସହରର ରାସ୍ତାଘାଟ ଅଣଓସାରିଆ ହୋଇପଡ଼ିଛି । ପାର୍କିଂ ସମସ୍ୟା କଥା ନକହିବା ଭଲ । ପୂର୍ବରୁ ବହୁବାର ସହର ମଧ୍ୟରେ ଜବରଦଖଲ ଉଛେଦ ହୋଇଛି । ତେବେ ସେହି ସବୁ ସ୍ଥାନ ବ୍ୟବହାର ହୋଇ ନପାରି ପଡିରହିବା ଯୋଗୁଁ ପୁନର୍ବାର ଜବରଦଖଲକାରୀଙ୍କ କବଜାକୁ ଚାଲି ଯାଇଛି ।
{"id":145686}କେନ୍ଦ୍ରାପଡା ସହରକୁ ସମ୍ପୂର୍ଣ୍ଣ ଜବରଦଖଲ ମୁକ୍ତ କରିବା ପାଇଁ ଉଦ୍ୟମ ଆରମ୍ଭ କରିଛି ଜିଲ୍ଲା ପ୍ରଶାସନ । ସହରର କଲେଜ୍ ଛକ, ତିନିମୁହାଣୀ, କଜଳା, ମହିପାଳ, ନୂଆ ବସଷ୍ଟାଣ୍ଡ, କଚେରୀ ରୋଡ, ସାଆନ୍ତ ସାହି, ଇଛାପୁର, ମେଡିକାଲ ରୋଡ ପ୍ରଭୃତି ଅଞ୍ଚଳରେ ସରକାରୀ ଜମି ଜବରଦଖଲରେ ରହିଛି । ୟା ଭିତରେ ଜିଲ୍ଲାପାଳ ନିଜେ ବିଭିନ୍ନ ସ୍ଥାନ ପରିଦର୍ଶନ କରିବା ସହିତ ସହରର ସମସ୍ତ ଜବରଦଖଲ ଅଞ୍ଚଳକୁ ଚିହ୍ନଟ କରିବା ପାଇଁ ନିର୍ଦ୍ଦଶେ ଦେଇଛନ୍ତି । ସରକାରୀ ଜମିକୁ ଜବରଦଖଲକାରୀଙ୍କ କବଳରୁ ମକ୍ତ କରିବା ପରେ ସେଠାରେ ବିଭିନ୍ନ ପ୍ରକାର ସୌନ୍ଦର୍ଯ୍ୟକରଣ କାର୍ଯ୍ୟ କରାଯିବ । ଜବରଦଖଲ ଉଛେଦ ସମୟରେ ପ୍ରତିରୋଧକାରୀଙ୍କ ବିରୁଦ୍ଧରେ ଦୃଢ କାର୍ଯାନୁଷ୍ଠାନ ନିଆଯିବ ।
{"id":145687}ସହର ଉପକଣ୍ଠ ଦୁହୁରିଆ, ବାଲିଆ, ଚାନ୍ଦୋଳ, ଗୋପ, ଛତାଛକ ପ୍ରଭୃତି ଅଞ୍ଚଳରୁ ମଧ୍ୟ ଖୁବ୍ ଶୀଘ୍ର ଜବରଦଖଲ ଉଛେଦ ପାଇଁ ପ୍ରକ୍ରିୟା ଆରମ୍ଭ କରିବ ଜିଲ୍ଲା ପ୍ରଶାସନ।