ନବରଙ୍ଗପୁର ୨୦।୧୧: ବିଡିଓଙ୍କ ବଦଳି ଦାବିରେ ଜିଲ୍ଲା ବିଜେପି ପକ୍ଷରୁ ତେନ୍ତୁଳିଖୁଣ୍ଟି ବ୍ଲକ ଅଫିସ ଘେରାଉ କରାଯାଉଛି । ବିଡ଼ିଓ ବିଭିନ୍ନ ଦୁର୍ନୀତି ଓ  ଉନ୍ନୟନମୂଳକ କାର୍ଯ୍ୟରେ ହେରଫେର କରୁଥିବା ଅଭିଯୋଗ ଆଣିଛି ଜିଲ୍ଲା ବିଜେପି ।

ସୂଚନାଯୋଗ୍ୟ ଯେ, ତେନ୍ତୁଳିଖୁଣ୍ଟି ବ୍ଲକ ରେ ବିଡ଼ିଓ  ବ୍ୟାପକ ଦୁର୍ନୀତି ରେ ବୁଡି ରହିବା ସହ ବିଭିନ୍ନ ଉନ୍ନୟନମୂଳକ  କାର୍ଯ୍ୟରେ ବ୍ୟାପକ ଅନିୟମିତତା ହେଉଥିବାର ଅଭିଯୋଗ ଆଣିଛି ବିଜେପି । ଜିଲ୍ଲା ବିଜେପି ସଭାପତିଙ୍କ ନେତୃତ୍ବରେ  କର୍ମୀଙ୍କୁ ନେଇ ଏକ ରାଲିରେ  ଆସି  ବିଡ଼ିଓ ଙ୍କ ବିରୋଧରେ ନାରାବାଜି କରିବା ସହ   ବ୍ଲକ କାର୍ଯ୍ୟାଳୟ  ଘେରାଉ କରିଥିଲେ । କାର୍ଯ୍ୟାଳୟ ସମ୍ମୁଖରେ ଧାରଣା ମଧ୍ୟ ଦେଇଛନ୍ତି । ବିଜେପି ପକ୍ଷରୁ ବିଡ଼ିଓ ଙ୍କ ବଦଳି ଦାବି କରାଯାଇଛି । ବିଡ଼ିଓ ପୁର୍ବରୁ ଥିବା ସ୍ଥାନ ମାନଙ୍କରେ ବିଭିନ୍ନ ଦୁର୍ନୀତିରେ ଲିପ୍ତ ଥିବାବେଳ କିଭଳି ତାଙ୍କୁ  ଏଠାରେ ଅବସ୍ଥାପିତ କରାଯାଇଛି ତାକୁ ନେଇ ପ୍ରଶ୍ନ କରିଛି ଜିଲ୍ଲା ବିଜେପି । ବିଡିଓଙ୍କୁ ଏଠାରୁ  ବଦଳି କରାନଯିବା ପର୍ଯ୍ୟନ୍ତ ବିଜେପି  ଏହିପରି ଧାରଣା ଦେବ ବୋଲି ଜିଲ୍ଲା ସଭାପତି ସୂଚନା ଦେଇଛନ୍ତି।