Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ସେସୁର ବିଦ୍ୟୁତ୍ କାଟ୍ : ପ୍ରଥମ ଦିନରେ ୧୫୪୫ଉପଭୋକ୍ତାଙ୍କ କଟିଛି ଲାଇନ୍, ଆହୁରି ଜୋରଦାର ହେବ ଧରପଗଡ

17/01/2020 at 10:37 AM

ଭୁବନେଶ୍ବର ୧୭।୧: ଗୁରୁବାରଠାରୁ ବକେୟା ବିଲ୍ ଦେଇନଥିବା ଉପଭୋକ୍ତାଙ୍କ ଲାଇନ୍ କାଟିବା ଆରମ୍ଭ କରିଛି ସେସୁ । ଆଜି ସେସୁ ପକ୍ଷରୁ ଆହୁରି ଜୋରଦାର ହେବ ଧରପଗଡ । ପ୍ରଥମ ପର୍ଯ୍ୟାୟରେ ବାଣିଜ୍ୟିକ ଉପଭୋକ୍ତାଙ୍କ ଲାଇନ୍ କଟାଯାଉଛି । ଗୁରୁବାର ବିଭିନ୍ନ ସ୍ଥାନରେ ୧୫୪୫ ଉପଭୋକ୍ତାଙ୍କ ଲାଇନ୍ କଟାଯାଇଛି । ଗୋଟିଏ ଦିନରେ ୫ କୋଟି ୩୮ ଲକ୍ଷ ଟଙ୍କା ବିଦ୍ୟୁତ୍ ବିଲ୍ ଆଦାୟ ହୋଇଥିବା ସେସୁ ପକ୍ଷରୁ ସୂଚନା ଦିଆଯାଇଛି ।

ଯେଉଁମାନେ ବିଲ୍ ଦେଇନାହାନ୍ତି ସେମାନଙ୍କର ବିଦ୍ୟୁତ୍ ସଂଯୋଗ କାଟି ଦେଉଛନ୍ତି ସେସୁ କର୍ମଚାରୀ । ଏପଟେ ବିଲ୍ ଡିପୋଜିଟ୍ କରିବାକୁ ବି ଇଲେକ୍ଟ୍ରି ଅଫିସରେ ଭିଡ଼ । ଖୋର୍ଦ୍ଧା ଡିଭିଜନ ପକ୍ଷରୁ ୩୯ଟି ଟିମ୍ ଗଠନ କରାଯାଇ ବିଦ୍ୟୁତ୍ ଦେୟ ବାକି ରଖିଥିବା ବାଣିଜ୍ୟିକ ଓ ବ୍ୟବସାୟିକ ସଂସ୍ଥାରୁ ବିଜୁଳି କଟା ଯାଉଛି । ମୋଟ୍ ୫୩ଟି କମର୍ସିଆଲ୍ ସଂସ୍ଥାରୁ ବିଜୁଳି ବିଛିନ୍ନ ପ୍ରକ୍ରିୟା ଆରମ୍ଭ ହୋଇଛି ।

ଖୋର୍ଦ୍ଧାରେ ୫୧ହଜାର ଗ୍ରାହକଙ୍କ ଉପରେ ୮୦ କୋଟିରୁ ଅଧିକ ଟଙ୍କା ବିଦ୍ୟୁତ ବିଲ୍ ବାକି ରହିଥିବା ସେସୁ ପକ୍ଷରୁ କୁହାଯାଇଛି । ଭୁବନେଶ୍ବରର ସବୁ ବିଦ୍ୟୁତ୍ ସର୍କଲରେ ବୁଲିଛନ୍ତି ସ୍କ୍ବାର୍ଡ । ଯେଉଁଠି ଅଧିକ ଉପଭୋକ୍ତା ବିଜୁଳି ବିଲ୍ ବାକି ରଖିଛନ୍ତି ସେଠି ଏକାଧିକ ସ୍କ୍ବାର୍ଡ ଧରପଗଡ କରି ଲାଇନ୍ କାଟିଛନ୍ତି ।

ପ୍ରଥମ ଦଫାରେ ବାଣିଜ୍ୟିକ ପ୍ରତିଷ୍ଠାନ ମାନଙ୍କର ବକେୟା ବିଲ୍ ଉପରେ ସେସୁ ପକ୍ଷରୁ ଧରପଗଡ଼ ଜୋରଦାର ହୋଇଛି । ଦ୍ବିତୀୟ ଦଫାରେ ଆର୍ଥିକ ସ୍ବଚ୍ଛଳ ଘରୋଇ ଉପଭୋକ୍ତାଙ୍କ ପାଳି ପଡିବ ।  ତୃତୀୟ ଦଫାରେ ବିଭିନ୍ନ ଗାଁରେ ବର୍ଷ ବର୍ଷ ଧରି ବିଜୁଳି ବିଲ୍ ବାକି ରଖିଥିବା ଲୋକଙ୍କ ଘରୁ  ଲାଇନ୍ କଟାଯିବ ବୋଲି ସେସୁ ପକ୍ଷରୁ ସୂଚନା ଦିଆଯାଇଛି ।

   Related Posts