Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||
  • ଭୁବନେଶ୍ୱର : ବିଜେଡିରୁ ବହିଷ୍କୃତ ହେଲେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
  • ||
  • ମାଲକାନଗିରି : କମ୍ବିଂ ଅପରେସନ ସାରି ଫେରୁଥିବା ବେଳେ ଲ୍ୟାଣ୍ଡମାଇନ ବିସ୍ଫୋରଣ : ଆସିଷ୍ଟାଣ୍ଡ କମାଣ୍ଡାଣ୍ଟ୍ ସହିଦ, ୯ଯବାନ ଆହତ
  • ||

ଯୋଡାମୁଣ୍ଡରୁ ଅଲଗା ହୋଇଥିବା ଜଗା-କାଳିଆଙ୍କ ମଧ୍ୟରୁ ଜଗାକୁ ଏସସିବିରୁ ଡିସ୍‌ଚାର୍ଜ କରିବା ପ୍ରକ୍ରିୟା ହେଲା ଆରମ୍ଭ, ପରିବାର ପକ୍ଷରୁ ଅସନ୍ତୋଷ ବ୍ୟକ୍ତ

17/10/2019 at 2:04 PM

କଟକ ୧୭|୧୦: ଅଲଗା ହୋଇଥିବା ଜୋଡାମୁଣ୍ଡ ଶିଶୁ ଜଗାକୁ କଟକ ବଡ ମେଡିକାଲରୁ ଡିସଚାର୍ଜ କରିବା ପ୍ରକ୍ରୀୟା ଆରମ୍ଭ ହୋଇଛି। ଖୁବଶୀଘ୍ର ଏନେଇ ବିଭାଗୀୟ ନିଷ୍ପତ୍ତି ନିଆଯିବ ବୋଲି ଏସସିବି ପକ୍ଷରୁ ସୂଚନା ଦିଆଯାଇଛି। ମାତ୍ର ଏହାକୁ ନେଇ ଜଗା-କାଳିଆଙ୍କ ପରିବାର ଅସନ୍ତୋଷ ପ୍ରକାଶ କରିଛନ୍ତି। କାଳିଆ ସମ୍ପୂର୍ଣ୍ଣ ଠିକ ନହେବା ପର୍ଯ୍ୟନ୍ତ ଦୁଇ ଭାଇଙ୍କୁ ଅଲଗା ସମ୍ଭାଳିବା ମୁସ୍କିଲ ହୋଇପଡିବ ବୋଲି ତାଙ୍କ ବାପା ଭୂୟାଁ କହଁର ନ୍ୟୁଜ୍ ସେଭେନକୁ କହିଛନ୍ତି।

ପରସ୍ପର ଠାରୁ ଅଲଗା ହୋଇଥିବା ଜୋଡାମୁଣ୍ଡ ଶିଶୁ ଜଗା-କାଳିଆଙ୍କ ମଧ୍ୟରୁ ଜଗା ଏବେ ସମ୍ପୂର୍ଣ୍ଣ ସୁସ୍ଥ। କଟକ ଏସସିବିରେ ଏବେ ଏହି ଉଭୟ ଶିଶୁ ଚିକିତ୍ସିତ ହେଉଥିଲେ ମଧ୍ୟ ଜଗା ସ୍ବାସ୍ଥ୍ୟରେ ଆଶାନୁରୂପ ସୁଧାର ଆସିଛି ବୋଲି ବଡ ମେଡିକାଲ କତ୍ତୃପକ୍ଷ କହିଛନ୍ତି। କେବେ ଜଗାକୁ ଡିସଚାର୍ଜ କରାଯିବ ସେନେଇ ସୁପରିଡେଣ୍ଡେଣ୍ଟ ଏକ ରିପୋର୍ଟ ସ୍ବାସ୍ଥ୍ୟ ବିଭାଗ ନିକଟକୁ ପଠାଇଛନ୍ତି। ବିଭାଗୀୟ ଅନୁମତି ମିଳିବା ପରେ ଜଗାକୁ ଡିସଚାର୍ଜ କରାଯିବ।

ତେବେ ଜଗାକୁ ହସ୍ପିଟାଲରୁ ଡିସଚାର୍ଜ କରାଯିବା ପରେ ତାର ମେଡିକାଲ କେୟାର କିଭଳି ରହିବ ତାହା ମଧ୍ୟ ସରକାରୀ ନିଷ୍ପତ୍ତି ଅନୁସାରେ କରାଯିବ। ଅପରପକ୍ଷରେ କାଳିଆର ସ୍ବାସ୍ଥ୍ୟରେ ମଧ୍ୟ ଉନ୍ନତି ଘଟୁଛି। ଦୁଇଦିନ ତଳେ ନିମୋନିଆରେ ପିଡିତ କାଳିଆକୁ ଭେଣ୍ଟିଲେଟରରୁ କଢାଯାଇଛି। ତେବେ ଏବେ ତାର ସ୍ବାସ୍ଥ୍ୟାବସ୍ଥା ସ୍ଥିର ଥିବା ଏସସିବି କତ୍ତୃପକ୍ଷ କହିଛନ୍ତି।

ସମ୍ପୂର୍ଣ୍ଣ ଠିକ ନହେବା ପୂର୍ବରୁ ଜଗା-କାଳିଆଙ୍କୁ ଅଲଗା ଅଲଗା କରାଯିବା ଘଟଣାକୁ ଏମାନଙ୍କ ବାପା ଭୂୟାଁ କହଁର ନାପସନ୍ଦ କରିଛନ୍ତି। ଜଗାକୁ ଯଦି କଟକ ଏସସିବିରୁ ଡିସଚାର୍ଜ କରିଦିଆଯାଏ ତାହେଲେ ଉଭୟ ସ୍ବାମୀ ସ୍ତ୍ରୀ ଜଗା ବା କାଳିଆ କାହା ପାଖରେ ରହିବେ ବୋଲି ସେ ପ୍ରଶ୍ନ କରିଛନ୍ତି। ନିଜ ଗାଁରେ ଏମାନଙ୍କ ଯତ୍ନ ନେବାପାଇଁ କେହି ନଥିବା କାରଣରୁ ଉଭୟଙ୍କୁ ଠିକ ହେବା ପର୍ଯ୍ୟନ୍ତ ଏକାଠି ରଖାଯାଉ ବୋଲି ସେ ଦାବି କରିଛନ୍ତି।

ସ୍ବାସ୍ଥ୍ୟ ବିଭାଗ ନିର୍ଦ୍ଦେଶଙ୍କ ଅଧ୍ୟକ୍ଷତାରେ  ଶୁକ୍ରବାର ଭୁବନେଶ୍ବର ଠାରେ ଏକ ବୈଠକ ଅନୁଷ୍ଠିତ ହେବ। ଏସସିବି ଅଧିକ୍ଷକଙ୍କୁ ଏହି ବୈଠକକୁ ଡକାଯିବା ସହ ଜଗାର ଡିସଚାର୍ଜ ନେଇ ନିଷ୍ପତ୍ତି ନିଆଯିବ ବୋଲି ଜଣାପଡିଛି।

   Related Posts