Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ସକ୍ଷମ ଦିବ୍ୟାଙ୍ଗ – ଗୋଡ ନଥାଇ ବି ସଫଳ , ନିଜ ଉଦ୍ୟମରେ ନିଜେ ବଞ୍ଚିବା ସହ ପରିବାର ପ୍ରତିପୋଷଣ କରୁଛନ୍ତି

3/12/2019 at 6:18 PM

ଭଦ୍ରକ ୦୩। ୧୨ –  ମନରେ ଥିଲା ଅସୁମାରୀ ଆଶା ।  କିନ୍ତୁ ଦଇବ ଦାଉ ସାଧିଲା । ଦୁର୍ଘଟଣା ଭାଙ୍ଗିଦେଲା  ଭବିଷ୍ୟତର ସୁନେଲୀ ସ୍ବପ୍ନ । ଦୁର୍ଘଟଣାରେ ଗୋଟିଏ ଗୋଡ଼ ହରାଇଲେ ସତ । କିନ୍ତୁ କାହା ଦୟାର ପାତ୍ର ହୋଇନାହାନ୍ତି ଭଦ୍ରକ ଲାହାପଟି ଅଞ୍ଚଳର ଚନ୍ଦନ ସିଂ ।

ଭଦ୍ରକ ଲାହାପଟିର ଚନ୍ଦନ ସିଂ ।  ବୟସ ଯେତେବେଳେ ମାତ୍ର ୧୨ ସେତେବେଳେ  ଘଟିଲା ଭୟଙ୍କର ଦୁର୍ଘଟଣା । କଟାହେଲା ଗୋଟିଏ ଗୋଡ଼  । ଆଉ ତାପରେ ଆରମ୍ଭ ହୁଏ ଚନ୍ଦନଙ୍କ ସଂଘର୍ଷମୟ ଜୀବନ । ଭଦ୍ରକ କୋର୍ଟ ପରିସରରେ ଏକ ଛୋଟିଆ  ପାନ ଦୋକାନ କରିଛନ୍ତି ଚନ୍ଦନ । ସେଥିରୁ ଯାହା ରୋଜଗାର ହୁଏ ସେଥିରେ ପରିବାରର ୭ ପ୍ରାଣୀ କୁଟୁମ୍ବ  ଚଳନ୍ତି  । ରାତି ୪ଟାରୁ ଉଠି ନିତ୍ୟକର୍ମ ସାରିବା ପରେ ସାଇକେଲ୍, ଲୁନା ଗୋଟିଏ ଗୋଡ଼ରେ ଚଳାଇ ଯାଆନ୍ତି ଦୋକାନକୁ । 

ପରିବାର ସହ ଚନ୍ଦନ ବସ ଯୋଗେ ବାଲେଶ୍ବର ସୋର ଅଞ୍ଚଳକୁ  ଯାଉଥିଲେ ।  ,  ରାସ୍ତା ପାର ହେଉଥିବା ସମୟରେ ଏକ ଟ୍ରକ ଦୁର୍ଘଟଣାର ଶିକାର ହେଲେ । ଚେତାଶୂନ୍ୟ ଅବସ୍ଥାରେ ମେଡିକାଲରେ ଭର୍ତ୍ତି ହୋଇଥିଲେ ଚନ୍ଦନ  । ହୋସ୍ ଆସିବା ବେଳକୁ ତାଙ୍କର ଡାହାଣ ଗୋଡ଼ କଟାସରିଛି । ତା ପରଠାରୁ ପଛ କଥା ନଭାବି ଜୀବନ ଜିଇଁବା ପାଇଁ ସଂଘର୍ଷ କରି ଚାଲିଲେ ।   ସରକାରଙ୍କ ତରଫରୁ ଦିବ୍ୟାଙ୍ଗ ଭତ୍ତା ମିଳୁଛି  । ତେବେ ଛାତ ଫାଟି ରଡ଼ ଦେଖାଯାଉଥିବା ଏବଂ ପ୍ଲାଷ୍ଟର ଛାଡ଼ିଯାଇଥିବା ଏଇ ବିପଦସଙ୍କୁଳ ଘରେ ରହୁଛନ୍ତି । ସରକାରୀ ଯୋଜନାରେ ଘର ଖଣ୍ଡେ ପାଇଁ ପ୍ରଶାସନକୁ ନିବେଦନ କରିଛନ୍ତି ଚନ୍ଦନ । ସେପଟେ ବାପାଙ୍କ ଆର୍ଥିକ ଅବସ୍ଥା ଭଲ ନ ଥିବାରୁ ଝିଅ ପାଠରେ ଡୋରି ବାନ୍ଧିଦେଇଛି ।

ଭିନ୍ନକ୍ଷମ ସତ । ହେଲେ ଆତ୍ମବିଶ୍ବାସ ଢେର । ସଂଘର୍ଷ ମାଧ୍ୟମରେ ନିଜକୁ ସକ୍ଷମ ବୋଲି ପ୍ରମାଣ କରିଛନ୍ତି ଚନ୍ଦନ ।

   Related Posts