Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଜିବ ଓ ରଶିଦଙ୍କ ଘାତକ ବୋଲିଂ, ସ୍କଟଲାଣ୍ଡକୁ ୧୩୦ ରନରେ ହରାଇଲା ଆଫଗାନିସ୍ତାନ
  • ||
  • ଇଣ୍ଡିଆନ ପ୍ରିମିୟର ଲିଗ୍ (IPL)ରେ ସାମିଲ ହେଲେ ଆଉ ୨ଟି ନୂଆ ଟିମ । ୨ ଟିମ ଅହମ୍ମଦାବାଦ ଏବଂ ଲକ୍ଷ୍ନୌ ଆସନ୍ତାବର୍ଷ ହେବାକୁ ଥିବା ଆଇପିଏଲରେ ଅଂଶଗ୍ରହଣ କରିବେ ।
  • ||
  • ରାଜ୍ୟରେ ସୁସ୍ଥ ହେଲେ ଆଉ ୩୬୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୮୦ ଡିସଚାର୍ଜ
  • ||
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

ପାନ ଛେପ ପକାଇଲେ ଅଳିଆ ହେବନି ବରଂ ଉଠିବ ଗଛ, ଏମିତି ନିଆରା ପ୍ଲାନ୍‌ କରୁଛି ଭାରତୀୟ ରେଳ, ବଞ୍ଚିବ ୧୨୦୦ କୋଟି ଟଙ୍କା !

10/10/2021 at 6:42 PM

ନୂଆଦିଲ୍ଲୀ ୧୦/୧୦: କରୋନା ମହାମାରୀ ପାଇଁ ବିଭିନ୍ନ ନିୟମ ଲାଗୁ ହୋଇଥିଲେ ମଧ୍ୟ ସର୍ବସାଧାରଣ ସ୍ଥାନରେ ପାନ ଛେପ ପକାଇବା ଅଭ୍ୟାସ ବଦଳିପାରି ନାହିଁ। ଯିଏ ଯେଉଁଠି ପାରୁଛି ସେଠାରେ ଗୁଟଖା-ପାନ ଛେପ ଆଦି ପକାଉଛି। ଏହାକୁ ନେଇ ଅତିଷ୍ଠ ହୋଇପଡ଼ିଥିବା ଭାରତୀୟ ରେଳ କିନ୍ତୁ ଏଥର ନୂଆ ଉପାୟ ଆପଣାଇବାକୁ ଯାଉଛି । ଏଣିକି ଟ୍ରେନ୍‌ରେ ଥୁକିଲେ ଅଳିଆ ହେବ ନାହିଁ ବରଂ ଗଛ ଉଠିବ ବୋଲି ଜଣାପଡ଼ିଛି ।  

ଯାତ୍ରୀଙ୍କୁ ଏବେ ପକେଟ ଆକୃତିର ଏକ  ପିକଦାନି ଦେବ ଭାରତୀୟ ରେଳ। ଏହା ଦ୍ବାରା ଅଳିଆ ହେବ ନାହିଁ ବରଂ ଚାରା ସୃଷ୍ଟି ହେବ ବୋଲି ଜଣାପଡ଼ିଛି। ଏହି ପିକଦାନି ପୁନର୍ବାର ବ୍ୟବହାର ହୋଇପାରୁଥିବା ବେଳେ ମୃତ୍ତିକା ପାଇଁ କୌଣସି ଖରାପ ପ୍ରଭାବ ପକାଇବ ନାହିଁ।  ଏକ ଆକଳନ ଅନୁସାରେ, ଭାରତୀୟ ରେଳ ପକ୍ଷରୁ ଟ୍ରେନ୍‌ ଏବଂ ଷ୍ଟେସନ୍‌ ପରିସରରୁ ପାନ ଛେପର ଦାଗ ସଫା କରିବାକୁ ପ୍ରତିବର୍ଷ ୧୨୦୦ କୋଟି ଟଙ୍କା ଏବଂ ପ୍ରଚୁର ପରିମାଣରେ ପାଣି ନଷ୍ଟ ହେଉଛି । ତେଣୁ ଏବେ ପ୍ରାଥମିକ ପାର୍ଯ୍ୟାୟରେ ଦେଶର ୪୨ ଷ୍ଟେସନ୍‌ରେ ପିକଦାନି ବିକ୍ରି ପାଇଁ ଭେଣ୍ଡିଂ ମେସିନ୍‌ ଲଗାଯାଉଛି।

୫-୧୦ ଟଙ୍କାରେ ଏହି ମେସିନ୍‌ରୁ ପିକଦାନି କିଣିପାରିବେ ଯାତ୍ରୀ।  ପ୍ରାଥମିକ ପର୍ଯ୍ୟାୟରେ ଏହାକୁ ଓ୍ବେଷ୍ଟର୍ଣ୍ଣ, ନର୍ଦେନ ଏବଂ ସେଣ୍ଟ୍ରାଲ୍‌ ରେଲଓ୍ବେ ଜୋନ୍‌ରେ ଆରମ୍ଭ କରିବାକୁ ଠିକା ଦିଆଯାଇଛି। ପିକଦାନିକୁ ଲୋକେ ନିଜ ପକେଟ୍‌ରେ ରଖି ଯେଉଁଠି, ଯେତେବେଳେ ବି ଛେପ ପକାଇପାରିବେ। ଏହା ଦ୍ବାରା ଦୁର୍ଗନ୍ଧ କିମ୍ବା ଅଳିଆ ହେବ ନାହିଁ। ଏହାକୁ ମ୍ୟାକ୍ରୋମଲେକ୍ୟୁଲ୍‌ ପଲ୍ପ ଟେକନିକ୍‌ରେ ପ୍ରସ୍ତୁତ କରାଯାଉଛି ଯାହାକି, ଜୀବାଣୁ ଏବଂ ଭୂତାଣୁକୁ ଲକ୍‌ କରିପାରିବାର କ୍ଷମତା ରଖିଛି।

ଭିନ୍ନ ଆକୃତିର ଏହି ପାଉଚ୍‌କୁ ୧୫ରୁ ୨୦ ଥର ବ୍ୟବହାର କରାଯାଇପାରିବ। ପାଉଚ୍‌ରେ ପୂର୍ବରୁ ମଞ୍ଜି ରହିଥିବ ଯାହାକି ଛେପକୁ ଗ୍ରହଣ କରିବା ସହ ମାଟି ସଂସ୍ପର୍ଶରେ ଆସିଲେ ଚାରାରେ ପରିଣତ ହୋଇପାରିବ। ତେଣୁ ଟ୍ରେନ୍‌ରେ କିମ୍ବା ଷ୍ଟେସନ୍‌ରେ ଥୁକିଲେ ଆଉ ଅଳିଆ ହେବ ନାହିଁ ବରଂ ଗଛ ଉଠିବ, ପରିବେଶ ସୁରକ୍ଷିତ ରହିବ ।

   Related Posts