ନୂଆଦିଲ୍ଲୀ ୨୯/୦୪: ସାରା ଦେଶରେ ଦ୍ରୁତ ଗତିରେ ବଢୁଥିବା କରୋନା ଭାଇରସର ଦ୍ୱିତୀୟ ଲହର ଯୋଗୁଁ ସମସ୍ତେ ଆତଙ୍କିତ ଅବସ୍ଥାରେ ଅଛନ୍ତି । ଏଥିରୁ ବଲିଉଡ ଏବଂ ଟିଭି ଷ୍ଟାରମାନେ ମଧ୍ୟ ବାଦ ପଡିନାହାଁନ୍ତି । ଅନେକ ଷ୍ଟାର କରୋନା ସଂକ୍ରମଣ ହେବା ପରେ ସେଲ୍ଫ କ୍ୱାରେଣ୍ଟାଇନରେ ରହୁଛନ୍ତି ନଚେତ୍ ହସ୍ପିଟାଲରେ ଭର୍ତ୍ତି ହେଉଛନ୍ତି ।  ଏହି ସମୟରେ ଜାତୀୟ ପୁରସ୍କାର ବିଜେତା ତଥା ବଙ୍ଗାଳୀ ଫିଲ୍ମ ନିର୍ଦ୍ଦେଶକ କୌଶିକ ଗାଙ୍ଗୁଲି ମଧ୍ୟ କରୋନା ସଂକ୍ରମିତ ହୋଇଛନ୍ତି । କରୋନା ରିପୋର୍ଟ ପଜିଟିଭ ଆସିବା ମାତ୍ରେ ଫିଲ୍ମ ନିର୍ମାତା ସେଲ୍ଫ କ୍ୱାରେଣ୍ଟାଇନରେ ରହିଛନ୍ତି । କରୋନା ସଂକ୍ରମିତ ହେବାର ସୂଚନା ସେ ନିଜେ ତାଙ୍କ ଅଫିସିଆଲ୍ ସୋସିଆଲ ଆକାଉଣ୍ଟରେ ଦେଇଛନ୍ତି ।  

{"width":609,"height":457}

ନିକଟରେ ଗାଙ୍ଗୁଲି ତାଙ୍କର ନୂଆ ପ୍ରୋଜେକ୍ଟ ‘କବାଡ୍ଡୀ’ ର ସୁଟିଂ ପାଇଁ ବୋଲପୁର ଯାଇଥିଲେ ଏବଂ ଦୁଇ ଦିନ ପୂର୍ବରୁ କୋଲକାତା ଫେରିଥିଲେ । ନିର୍ଦ୍ଦେଶକ କୌଶିକ ଗାଙ୍ଗୁଲି ଟ୍ୱିଟ୍ କରି ଲେଖିଛନ୍ତି, ‘ସେ ସଂକ୍ରମିତ ହୋଇଛନ୍ତି ଏବଂ ସୁଟିଂ ସମୟରେ ନିଆଯାଇଥିବା ସମସ୍ତ ସତର୍କତା ସତ୍ତ୍ୱେ ସାମାନ୍ୟ ଲକ୍ଷଣ ସହିତ ତାଙ୍କ ରିପୋର୍ଟ ପଜେଟିଭ୍ ଆସିଛି । ମୁଁ ବର୍ତ୍ତମାନ ଘରେ କ୍ୱାରେଣ୍ଟାଇନରେ ଅଛି ଏବଂ ଡକ୍ଟର ରାଜୀବ ସିଲ୍ ମୋର ଯତ୍ନ ନେଉଛନ୍ତି । ଯେଉଁମାନେ ଗତ ୭ ଦିନ ମଧ୍ୟରେ ମୋ ସମ୍ପର୍କରେ ଆସିଛନ୍ତି, ମୁଁ ସେମାନଙ୍କୁ ଅନୁରୋଧ କରୁଛି ଯେ ସେମାନେ ତାଙ୍କର ଟେଷ୍ଟ କରାଇନିଅନ୍ତୁ... ମାନବିକତା ଜିତିବ ।'

wp:html

Finally, it caught up with me.
Inspite of taking all precautions while shooting, I’ve tested positive with mild symptoms. Currently in home isolation under Dr. Rajib Sil. Requesting those who came in touch with me in the last 7 days to get themselves tested. Humanity will win. pic.twitter.com/l0RYebUgLU

— Kaushik Ganguly (@KGunedited) April 28, 2021

/wp:html

ଜାତୀୟ ପୁରସ୍କାର ବିଜେତା ନିର୍ଦ୍ଦେଶକ 'ନାଗାକିର୍ତ୍ତନ୍', 'ଜ୍ୟେଷ୍ଠପୁତ୍ରୋ', 'ଶବ୍ଦୋ', 'ଛୋଟୋଦର ଛୋବି', 'ଅପୁର ପାଞ୍ଚାଲି', 'ଯଷ୍ଟ ଅଦର ଲଭ୍ ଷ୍ଟୋରୀ' ଭଳି ବହୁ ପ୍ରତୀକ୍ଷିତ ଫିଲ୍ମ ନିର୍ମାଣ ନିର୍ମାଣ କରିଛନ୍ତି । ଚଳିତ ବର୍ଷ ୬୭ ତମ ଜାତୀୟ ଫିଲ୍ମ ପୁରସ୍କାର ସମେତ ତାଙ୍କ ଫିଲ୍ମ ପାଇଁ ସେ ବିଭିନ୍ନ ବର୍ଷରେ ପାଞ୍ଚଟି ଜାତୀୟ ପୁରସ୍କାର ଜିତିଛନ୍ତି ।