ନୂଆଦିଲ୍ଲୀ ୩୦।୦୩ : ହୁ ହୁ ହୋଇ ବଢିଚାଲିଛି କରୋନ ଆକ୍ରାନ୍ତଙ୍କ ସଂଖ୍ୟା । ବର୍ତ୍ତମାନ ସୁଦ୍ଧା ସାରା ବିଶ୍ବରେ ୩୩ ହଜାର ୯୫୬ ଜଣଙ୍କର ମୃତ୍ୟୁ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ୭ଲକ୍ଷ ୨୧ହଜାର ୪୧୨କୁ ବୃଦ୍ଧି ପାଇଛି । ଆମେରିକାରେ ସର୍ବାଧିକ ୧ ଲକ୍ଷ ୪୧ ହଜାରରୁ ଅଧିକ ଲୋକ ଆକ୍ରାନ୍ତ ହେଲେଣି । ଗତ ୨୪ ଘଣ୍ଟା ମଧ୍ୟରେ ୧୮ ହଜାରରୁ ଅଧିକ କରୋନା ସଂକ୍ରମିତ ହୋଇଥିବା ଜଣାପଡିଛି । ସେଠାରେ ଏବେ ସୁଦ୍ଧା ୨ ହଜାର ୪୭୫ ଲୋକଙ୍କ ମୃତ୍ୟୁ ହୋଇଛି।
ସେହିପରି ଇଟାଲୀରେ ୯୭ହଜାର ୫ଶହରୁ ଅଧିକ ଲୋକ ଆକ୍ରାନ୍ତ ହୋଇଥିବା ବେଳେ ମୃତ୍ୟୁସଂଖ୍ୟା ୧୦ ହଜାର ୭୮୦ ଜଣଙ୍କର ମୃତ୍ୟୁ ହୋଇଛି । ଚୀନରେ ୮୧ ହଜାର ୪୦୦ ଜଣ ଆକ୍ରାନ୍ତ ହୋଇଥିବା ବେଳେ ୩ହଜାର ୩୦୦ଜଣଙ୍କ ପ୍ରାଣ ଚାଲିଗଲାଣି । ସେପଟେ ସ୍ପେନରେ ଆକ୍ରାନ୍ତଙ୍କ ସଂଖ୍ୟା ୮୦ହଜାର ଟପିଥିବା ବେଳେ ୬ ହଜାର ୮୦୦ ଜଣଙ୍କ ମୃତ୍ୟୁ ହୋଇଛି । ଜର୍ମାନୀରେ ଆକ୍ରାନ୍ତଙ୍କ ସଂଖ୍ୟା ୬୨ ହଜାର ଟପିଥିବା ବେଳେ ୫୪୧ ଲୋକଙ୍କ ମୃତ୍ୟୁ ହୋଇଛି । ଫ୍ରାନସରେ ଆକ୍ରାନ୍ତଙ୍କ ସଂଖ୍ୟା ୪୦ ହଜାର ବୋଇଥିବା ବେଳେ ପାଖାପାଖି ୨ ହଜାର ୬୦୦ ଜଣଙ୍କ ମୃତ୍ୟୁ ହୋଇଛି । ଇରାନରେ ୩୮ ହଜାରରୁ ଅଧିକ ଆକ୍ରାନ୍ତ ସହ ୨ହଜାର ୬୦୦ରୁ ଅଧିକ ମୃତ୍ୟୁ ହୋଇସାରିଲାଣି । ଭାରତରେ ୧ହଜାରରୁ ଅଧିକ ଲୋକ ଆକ୍ରାନ୍ତ ଥିବା ବେଳେ ୨୭ଜଣଙ୍କ ମୃତ୍ୟୁ ହୋଇଛି । ଅନ୍ୟ ଦେଶମାନଙ୍କରେ ମଧ୍ୟ ଆକ୍ରାନ୍ତଙ୍କ ସଂଖ୍ୟା କ୍ରମାଗତ ଭାବେ ବଢିଚାଲିଥିବା ବେଳେ ମୃତକଙ୍କ ସଂଖ୍ୟା ବଢିଚାଲିଛି । ବିଶ୍ବରେ ଏବେ ୧୯୯ ଟି ଦେଶରେ ଆତଙ୍କ ଖେଳାଛି କରୋନା ଭାଇରସ । ତେବେ ଭୁତାଣୁର କବଳରୁ ୧ଲକ୍ଷ ୮୪ ହଜାର ୯ଶହରୁ ଅଧିକ ଲୋକ ସୁସ୍ଥ ହୋଇ ଘରକୁ ଫେରିଛନ୍ତି ।
