Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ ବିଧାୟକ ଅରୁଣ ଦେ’ ଙ୍କ ପରଲୋକ, କରୋନାରେ ଆକ୍ରାନ୍ତ ପରେ ଚାଲିଥିଲା ଚିକିତ୍ସା
  • ||
  • ସାଗର ହତ୍ୟାକାଣ୍ଡରେ ଦିଲ୍ଲୀ କ୍ରାଇମ ବ୍ରାଞ୍ଚର ୧୭୦ ପୃଷ୍ଠାର ଚାର୍ଜସିଟ୍ ଦାଖଲ, ସୁଶୀଲ କୁମାର ମୁଖ୍ୟ ଅଭିଯୁକ୍ତ
  • ||
  • ଅନୁଗୋଳ : କାଲି ଜଣଙ୍କର, ଆଜି ଆଉ ଜଣଙ୍କର ମିଳିଲା ମୃତଦେହ : ଏବେବି ଜଣେ ନିଖୋଜ
  • ||
  • ଭୁବନେଶ୍ବର : ଓଡିଶାରେ କମ୍ ରହିଛି ଆର୍ ଭାଲ୍ୟୁ, ୧ ଉପରେ ରହିଲେ ବଢିବ ସଂକ୍ରମଣ : ଡିଏମଇଟି
  • ||
  • ସୋର : ଭୋଜି କରିବାକୁ ଯାଇ ଫେରିଲେନି ଯୁବକ, ମେଡିକାଲରେ ମୃତ୍ୟୁ : ହତ୍ୟା ଅଭିଯୋଗ ଆଣିଲେ ପରିବାର
  • ||
  • ଯାଜପୁର : ଆସନ୍ତା ୪ରୁ ଖୋଲିବ ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ମନ୍ଦିର, ଅନୁମତି ଦେଲେ ଜିଲ୍ଲାପାଳ
  • ||
  • ଖଲ୍ଲିକୋଟ : ଖୋଲିଲା ତମ୍ପରା ହ୍ରଦ, ବୋଟିଂର ମଜା ନେଉଛନ୍ତି ପର୍ଯ୍ୟଟକ
  • ||
  • ଚାନ୍ଦବାଲି : ବିଦ୍ୟାଳୟ ବରଣ୍ଡାରେ ପଡିଛି ଅଚିହ୍ନା ବୃଦ୍ଧଙ୍କ ମୃତଦେହ, ତଦନ୍ତ ଆରମ୍ଭ କଲା ପୋଲିସ
  • ||
  • ରାଉରକେଲା : ଆସନ୍ତା ୭ରେ ୧୨ ଘଣ୍ଟିଆ ସୁନ୍ଦରଗଡ ବନ୍ଦ, ଦ୍ବିତୀୟ ଏମ୍ସ ପ୍ରତିଷ୍ଠା ଦାବିରେ ବନ୍ଦ ଡାକରା
  • ||
  • ଚାନ୍ଦବାଲି : ବାବା ଆଖଣ୍ଡଳମଣିଙ୍କ ମନ୍ଦିରରେ କାଉଡିଆଙ୍କ ଭିଡକୁ ଦୃଷ୍ଟିରେ ରଖି କଟକଣା ଜାରି, ଭକ୍ତଶୂନ୍ୟ ମନ୍ଦିର ପରିସର
  • ||

ବିଜେପି ଛାଡ଼ିବେ ଦିଲ୍ଲୀପ ରାୟ ! ରାଉରକେଲାକୁ କେନ୍ଦ୍ର ସରକାର ଅଣଦେଖା କରିଥିବା ଅଭିଯୋଗ କଲେ ଦିଲ୍ଲୀପ

26/11/2018 at 3:51 PM

ଭୁବନେଶ୍ୱର ୨୬/୧୧ : ବିଜୟ ମହାପାତ୍ର ଓ ଦିଲ୍ଲୀପ ରାୟ ବିଜେପି ଛାଡିବା ନେଇ ହେଉଥିବା ଚର୍ଚ୍ଚାରେ ଶୀଘ୍ର ପୂର୍ଣ୍ଣଛେଦ ପଡିପାରେ ବୋଲି ଆଶା କରାଯାଉଛି | ଏନେଇ ନିଜେ ବିଜୟ ମହାପାତ୍ର ଇସାରା ଦେଇଛନ୍ତି | ସେ ମୁହଁ ଖୋଲି କହିଛନ୍ତି ଯେ, ସେ ଏବଂ ଦିଲୀପ ରାୟ ବସିବେ ଏବଂ ଆଲୋଚନା କରି ନିଷ୍ପତ୍ତି ନେବେ | ବିଜୟଙ୍କ ଏଭଳି ବୟାନ ପରେ ରାଜନୀତିରେ ଚର୍ଚ୍ଚା ଜୋର ଧରିଛି | ଦିଲ୍ଲୀପ ରାୟ ବିଧାୟକ ପଦ ଛାଡିବା ପ୍ରସଙ୍ଗରେ ବିଜୟ ମହାପାତ୍ର କହିଛନ୍ତି ଯେ, ସେ ଯେଉଁ ପ୍ରଶ୍ନ ଉଠାଇଛନ୍ତି ତାହା ସମସ୍ତେ ଜାଣିଛନ୍ତି | କେନ୍ଦ୍ର ସରକାର, ଦଳ, ଓଡ଼ିଶାବାସୀ ଏବଂ ଗଣମାଧ୍ୟମ ସବୁ କଥା ଜାଣିଛନ୍ତି | କାହାକୁ କେଉଁ କଥା ଅଛପା ନାହିଁ | ବହୁ ପୂର୍ବରୁ ଦଳ ଓ ସରକାର ଏହି ସମସ୍ୟାକୁ ଅନୁଭବ କରିବାର ଥିଲା ବୋଲି କହିଛନ୍ତି ଦିଲୀପ | ରାଜନୈତିକ ନେତା ହିସାବରେ ଏଭଳି ନିଷ୍ପତ୍ତି ନେବାକୁ ତାଙ୍କର ସ୍ୱାଧୀନତା ଅଛି ବୋଲି କହିଛନ୍ତି ବିଜୟ |
ଦିଲୀପ ରାୟ ବିଧାୟକ ପଦ ଛାଡିବା ନେଇ ବିଜୟ କହିଛନ୍ତି ଯେ, ବିଧାୟକ ଭାବେ ସେ ଅପମାନିତ ହେବା ଓ ନିନ୍ଦିତ ହେବା ଯୋଗୁଁ ସେ ବାଧ୍ୟ ହୋଇ ବିଜେପି ବିଧାୟକ ପଦ ଛାଡ଼ିବେ ବୋଲି ନିଷ୍ପତ୍ତି ନେଇଛନ୍ତି |

ରାଉରକେଲାବାସୀଙ୍କୁ କେନ୍ଦ୍ର ସରକାର ଅଣଦେଖା କରିଥିବା ଦିଲ୍ଲୀପଙ୍କ ପାଇଁ ଅପମାନ ଜନିତ ବୋଲି କହିଛନ୍ତି ବିଜୟ | ରାଉରକେଲାରେ ସୁପର ସ୍ପେସିଆଲିଟି ହସ୍ପିଟାଲ ଏବଂ ବ୍ରାହ୍ମଣୀ ନଦୀ ଉପରେ ଦ୍ୱିତୀୟ ବ୍ରିଜ ନିର୍ମାଣ ପାଇଁ ବାରମ୍ବାର ସରକାରଙ୍କୁ କହିଥିଲେ ସୁଦ୍ଧା ସରକାର ଏନେଇ କୌଣସି ପଦକ୍ଷେପ ନେଇନଥିଲେ | ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଉରକେଲା ଗସ୍ତ ସମୟରେ ଘୋଷଣା କରିଥିଲେ ଯେ, ବ୍ରାହ୍ମଣୀ ଉପରେ ଦ୍ୱିତୀୟ ବ୍ରିଜ ନିର୍ମାଣ ହେବ ଏବଂ ଆଇଜିଏଚ ହସ୍ପିଟାଲ ସୁପର ସ୍ପେସିଆଲିଟି ହସ୍ପିଟାଲରେ ପରିଣତ ହେବ | କିନ୍ତୁ ଶାସନ କାଳର ୪ ବର୍ଷ ପରେ ମଧ୍ୟ ମୋଦି ତାଙ୍କ କଥା ରଖିନଥିଲେ | ଏହି ପ୍ରକଳ୍ପ ପାଇଁ ସେ କେନ୍ଦ୍ର ସରକାରଙ୍କୁ କହିବା ପରେ ମଧ୍ୟ କୌଣସି ସୁଫଳ ମିଳିନଥିବା ସେ କହିଛନ୍ତି |

ତେବେ ଶେଷ ଥର ପାଇଁ ସେ ପୁଣି କେନ୍ଦ୍ର ସରକାରଙ୍କୁ ଏହି ଦୁଇଟି ପ୍ରକଳ୍ପ ପାଇଁ ନିବେଦନ କରିବେ | ସରକାର ଯଦି କୌଣସି ପଦକ୍ଷେପ ନ ନିଅନ୍ତି ତାହେଲେ ଆସନ୍ତା ୪/୫ ଦିନ ଭିତରେ ସେ ବିଧାୟକ ପଦରୁ ଇସ୍ତଫା ଦେବେ ବୋଲି ନିଷ୍ପତ୍ତି ନେଇଥିବା କହିଛନ୍ତି |

   Related Posts