ମୁମ୍ବାଇ ୨୧/୦୮ : ଅଭିନେତା ଦିଲୀପ କୁମାରଙ୍କ ପରିବାରରୁ ବଡ ଖବର ଆସିଛି । ଦିଲୀପ କୁମାରଙ୍କ ସାନଭାଇ ଅସଲମ ଖାନଙ୍କ ଦେହାନ୍ତ ହୋଇଛି। ସେ କରୋନାରେ ସଂକ୍ରମିତ ହୋଇଥିଲେ। ଦିଲୀପ କୁମାର ସାନ ଭାଇ ଅସଲମ ଖାନ ୮୮ ବର୍ଷ ବୟସରେ ତାଙ୍କର ନିଧନ ହୋଇଛି । ତାଙ୍କର ମଧୁମେହ, ଉଚ୍ଚ ରକ୍ତଚାପ ଏବଂ ହୃଦରୋଗ ମଧ୍ୟ ଥିଲା।
କିମ୍ବଦନ୍ତୀ ବଲିଉଡ ଅଭିନେତା ଦିଲୀପ କୁମାରଙ୍କ ଭାଇ ଏହସାନ ଖାନ (୯୦) ଏବଂ ଅସଲମ ଖାନ (୮୮) କରୋନା ପଜିଟିଭ ଚିହ୍ନଟ ହୋଇଥିଲେ । ଅଗଷ୍ଟ ୧୭ ତାରିଖରେ ନିଶ୍ୱାସ ନେବାରେ ଅସୁବିଧା ହେବାରୁ ଉଭୟଙ୍କୁ ମୁମ୍ବାଇର ଲିଲାବାତୀ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେମାନଙ୍କୁ ଭେଣ୍ଟିଲେଟରେ ରଖାଯାଇଥିଲା |
